رد: مقابله و افطار رمضان كل عام و انتم بخير
 

ما تقلقش يا دكتور مفيش حماس ولا حاجه و انا ياما نظمت و رتبت افطار زي دا قبل كده.

الفكره كلها حتبقي انا حنتجمع من الساعه 2 و اداره الكافيتريا مش بتتكلم لا تقلق يا دكتور
لان بياخدوا 6 جنيه خدمه في حاله العزايم و الكلام دا.

علي ما نتجمع يبقي فيها 4 او 4 و نص

و بعدين نبتدي نلم فلوس من بعض و اتنين او تلاته بالكتير يروحوا بعربيه واحده يجيبوا الاكل من كنتاكي
الاكل ححيبقي صنف واحد و هو الوجبه العائليه الكبيره و الواحد بتأكل 5 افراد و بيفيض كمان و الكل بيبقي شبعان

يعني الناس كلها حتقعد مستريحه و اتنين او تلاته بس هما اللي حيروحوا يجيبوا الاكل و كل حاجه ولو احتجنا ميه
او احتجنا اي شئ حنجمع فلوس و نجيبها برضه


ما تقلقش يا دكتور احنا عاملين ترتيبات كويسه و ان شاء الله اليوم حيعدي علي خير

اما بالنسبالي فمتقلقش مش حتسوح انا الاكل بالنسبالي شئ ثانوي

اهم حاجه اللمه الحلوه:)

رد: مقابله و افطار رمضان كل عام و انتم بخير
 

ايوه اللمه الحلوه تغني عن اي حاجه

رد: مقابله و افطار رمضان كل عام و انتم بخير
 

يا دكتور حازم عايز الناس تشوف بعض قبل الاكل عشان محدش يزعل من حد لو اكل اكلة او شاف وحوش بتنسف الاكل دي ناس صايمة مش بتهزر يعني هياكلو بجد وانت يا دكتور طبعا يا دكتور هتبقي اول واحد موجود عشان نقعد معاك ان شاء الله وقت كبير وبعدين شوف يا حازم الدكتور مبيحبش كنتاكي لية هو بقي فية حاجة ولا اية احنا هناكل علي مسؤلية حازم هو اللي اقترح

رد: مقابله و افطار رمضان كل عام و انتم بخير
 

هو طبعا اللمه و القاعده مش حتخلينا نشبع من بعض بس انا بدي ميعاد من بدري علشان كلنا نجتمع و يبقي فيه براح من الوقت نقعد و نتكلم و ندردش .
اما بالنسبه للدكتور عبد السلام فأنت تؤمر تشوف عاوز تاكل ايه و نجيبهولك .
ان شاء الله نتلم يومها و بعدين موضوع الاكل دا مش حنغلب
اما لو خايفين الكميه ما تقضيش فمتقلقوش حتقضي و يفيض كمان .
احنا مجربينها السنه اللي فاتت و الحمد لله اثبتت نجاحها العمليه دي:)

رد: مقابله و افطار رمضان كل عام و انتم بخير
 

انا لسه جاى من الربوه
الفرد ب 10 جندى شامل بيبسى كانز

و الحجز بفضل يكون فى خلال بكره او بعده بالكتير قوى

ياريت يا جدعان الهمه بقى

و اللى هايجى ياكد علشان انا هاحجز و ادفع من جيبى لحد ما نتقابل يوم المقابله فا مش عاوز حد يقول جاى و اعمل حسابه و ما يجيش

ساعتها هادعى عليه و احنا ايميين اهو و قد اعذر من انذر

رد: مقابله و افطار رمضان كل عام و انتم بخير
 

يا جماعه فيه اقتراح جديد اننا بدل ما نفطر من كنتاكى ممكن نفطر فى الربوه عادى ونطلب اكل من مطعم حضرموت(الفكره دى فكره محمود كوكى90)
انا بصراحه شفت الاكل اللى موجود لقيته كويس وعامل وجبات اعتقد انها هتكون احسن من فكره كنتاكى ولو حد يحب يشوف الاكل الموجود والاسعار اللينك اهو
لينك المطعم

رد: مقابله و افطار رمضان كل عام و انتم بخير
 

حلوة فكرة بوب و كوكي انا موافق عليها