|
ارجو المساعده عملت حادثه والعربيه متامن عليها
السلام عليكم ورحمه الله وبركاته
انا عضو جديد هنا وبطلب من اى واحد مر بالتجربه الصعبه دى انا عملت حاذثه بالاوبترا وانا مان تبع الجمعيه المصريه للتامين المهم عملت محضر ومعاينه ساعت الحادثه وشلت العربيه وودتها الجراش عندى فى المنصوره المهم روحت الشركه تانى يوم قالولى اعمل مقايسه واكتب الاخطار وقدمه مع المحضر فانا مش لاقى مركز صيانه كويس وفى عندنا صنيعيه امهر مليون مره من مراكز الصيانه بس المشكله انه مش بيدو فاتوره مختومه فهل لازم الفاتوره تكون مختومه ؟ وهل ممكن بعد ما اخلص شغل فى العربيه اجيب الفاتوره دى من اى مركز ؟ ارجو المساعده لان اخوكو اول مره يتعرض للمساله دى وشكرا ليكو مقدما |
رد: ارجو المساعده عملت حادثه والعربيه متامن عليها
مش بس فاتورة لازم تتعمل مقايسة ويوافق عليها خبير شركة التأمين كمان وبعدين يجى الخبير يعاين العربية بعد الاصلاح ويعتمد الفواتير ساعتها تروح تاخد الشيك من شركة التأمين
للاسف هو ده النظام فانت حاول تلاقى مركز كويس يعملك المقايسة وتتابعهم بنفسك فى تنفيذ الشغل علشان تضمن انه صح |
رد: ارجو المساعده عملت حادثه والعربيه متامن عليها
السلام عليكم اخى العزيز
اولا الحمد لله على سلامتك و عوض الله عليك بص يا سيدى الاول تختار مركز خدمة معتمد يعنى بطاقة ضريبية و سجل تجارى او تصلح فى التوكيل لا تصلح العربية الى بعد اعتماد معاينة شركة التامين انظر فى الوثيقة لو فى اى تحملات اختيارية او اجبارية انا تحت امرك فى اى خدمة اطلب هاتلاقينى بجانبك |
رد: ارجو المساعده عملت حادثه والعربيه متامن عليها
انا رايي تصلحها في التوكيل وروح ليهم
شكرا......... |
رد: ارجو المساعده عملت حادثه والعربيه متامن عليها
شكرا ليكو جدا يا جماعه على تعاونكم معنا
وربنا يسهل وهعملها بره التوكيل لان مش كل التوكيلات شغلهم حلو فى ناس بره شغلهم احسن من التوكيل وشكرا ليكو مره تانيه |
رد: ارجو المساعده عملت حادثه والعربيه متامن عليها
الحمد لله على سلامتك يا استاز/ احمد
والله يااستاز / احمد انا كنت فى نفس وضعك ودلوقتى صاحب لى مامن تبع المصريه للتامين التكاملى بعربيه مكروباص سوزوكى الفن ال 7 راكب وبصراحه انا بنصحه بالتوكيل علشان امر التامين لان صعب ان يكون فيه صنايعى يكون معاه بطاقه ضريبيه وسجل تجارى وغير كده قطع الغيار صعب تطلع بفاتوره ؟ امانه التوكيل افضل لو الخبطه كبيره انما لو شئ صغير ممكن يتلم بتكلفه صغيره ممكن تقوم انت بيها ؟ وربنا يعوض عليك |
رد: ارجو المساعده عملت حادثه والعربيه متامن عليها
الحمد لله على سلامتك يا استاز/ احمد
بس هو ايه اللى خلاك تأمن تبع الجمعية دول شوية نصابين وحرامية وحيطلع عينك عقبال ما تأخذ جزء من فلوسك الله يكون فى عونك وربنا يعوض عليك |
| الساعة الآن 05:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017