رد: حكايتى مع السيارات فى جنوب أفرقيا حكاية صور !
 

هوه طبعا ياسومو باشا محدش يقدر يغلطك
بس السياره التي ظهرت في الصور هي honda civic type s والمهندس سامح صح
والصوره أهيه للتأكيد

http://photo.netcarshow.com/Honda-Ci...7_photo_05.jpg
http://photo.netcarshow.com/Honda-Ci...7_photo_02.jpg



أما الـ HONDA CIVIC TYPE R فشكلها كالتالي

http://photo.netcarshow.com/Honda-Ci...7_photo_04.jpg
http://photo.netcarshow.com/Honda-Ci...7_photo_3f.jpg


لذا وجب التأكيد لكي لا تحدث لخبطه لدى القاريء ونتحمل إحنا ذنبه

رد: حكايتى مع السيارات فى جنوب أفرقيا حكاية صور !
 

الآستاذ/سامح والآستاذ/أحمد كامل

مادام سومو قال R تبقى R ! ptmnlo123per111

يعنى ح تصدقوا الصور و تكدبوا سومو ! ptmnlo123per1106 أنا ماليش دعوه ! :HAPPY_~211:

Dr. Bolbolan :waving:

رد: حكايتى مع السيارات فى جنوب أفرقيا حكاية صور !
 

ده مزنق بأه يادكتور ptmnlo123per1127
أنا عن نفسي ممكن أكدب نفسي ... الدور والباقي على سامح صاحب المشكله الرئيسيه مع سومو
أنا حاولت أقف جنبه في الزنقه ديه بس ( إن جالك الطوفان.... ماتلحسوش كله ) ptmnlo123per1147

رد: حكايتى مع السيارات فى جنوب أفرقيا حكاية صور !
 

يا جماعه انتوو كده هتعملووو مشكله جمده اووووووووووي

دي civic type r

ده كان خطا في تصميم الشركه بدلوا التصميمات حد يبعتلهم يقولهم مش عيزين مشاكل معا سومو


يا احمد لاشا انت و استاذ سامح الحقونا قبل ما سومو يزعل


و هي وشحه زي الشمس انها r :waving:

رد: حكايتى مع السيارات فى جنوب أفرقيا حكاية صور !
 

بعد العشاء قال لنا فيتور ان التحرك الى مكان الدرس ح يكون

الساعه 6 صباحآ لآن الدرس بيبدأ الساعه 7 صباحآ والطريق

زحمه و طويل ! و قد كان ! يعنى لازم تصحى 5 مثلا تصلى

و تذهب الى الافطار ! و بصراحه الافطار هناك جامد جدآ بس

أنا قعدت الشهر كله افطارى لا يزيد عن الآومليت فقط مع

كوب عصير فريش ثم شوب قهوه بلاك بدون سكر ! توكلنا

على الله وأول مره نشوف الطريق فى الصباح الباكر المنعش

سيارات ايه بقى ! كل الآنواع والآشكال الحديثه و معظمها

أوروبى لآن الناس أصولها أوروبيه ! لم أر سياره واحده

مجروحه أو مخبوطه أو بتطلع دخنه ! فى أول الطريق كان

عساكر المرور سيدات أفريقيات و فيتور كان كتصاحب عليهم

كلهم ويشاور لهم اشارات صداقه ! ( بعد كده كنت بأقوم أنا )

( بالمهمه دى ) ! الطريق طبعآ على الشمال و مزدحم جدآ

والسرعه لا تزيد عن 60 و أحيانآ يحدث توقف ! الطريق عباره

عن 3 حارات لكل ناحيه و الحاره الشمال فاضيه و مخصصه

للاسعاف و البوليس و لا يمكن لآحد يمشى فيها لآنه لو دخل

فيها موش ح يقدر يرجع للصف تانى ! كمان استحاله حد يعدى

سياره حتى لو الحاله تسمح ! يعنى لو شمالك أو يمينك

فاضى لا يمكن تنحرف و تعدى ! بس ساعات الشباب

بيعملوها بالليل ! بين الحارات بيكون متشع حوالى 1.5 متر

دى بيجرى فيها بتوع الموتوسيكلات بسرعه شديده و بكل

ثقه لآنه متأكد ان ماحدش ح ييجى يمين أو شمال ! أجدع

حاجه شفتها بقى و نفسى تطبق فى مصر ! ان كل كام كيلو

كده تلاقى لوحة اعلانات مضيئه ضخمه تقول لك مثلا فيه

حادثه بعد كذا و هدى السرعه أو الطريق الفلانى مقفول

دلوقت ! يعنى رسائل موجهه مستمره للسائقين ! والطريق

نفسه طالع ونازل بس على مسافات بعيده و زاوية ميل

بسيطه و على الآجناب بيوت متناثره جميله كلها من طابق

واحد أو اثنين على الآكثر بسقوف هرميه قرميديه حمراء

و طراز أوروبى هولندى ! الآروع بقى الآرض الممتده يمينآ و

يسارآ كلها أخضر فى أخضر و مافيش جبال ولكن مرتفعات

و منخفضات سبحان الله زى أمواج البحر المتلاطمه لكن

بانحناءات واسعه لطيفه ! و على جانبى الطريق توجد

اعلانات بس على عواميد عاليه جدآ و بعضها لا مؤاخذه فيها

( قلة أدب ) ! وفيه كوبرى عمودى على الطريق معمول عليه

كافيتريا بحيث تكون فى الكافيتريا والطريق يعبر من أسفل !

واقتربنا من مكان الدرس على مشارف جوهانسبرج فى

منطقه كلها معارض سيارات مستعمله بس والله شكلها كلها

جديده ( ولا غلطه ) ! وطبعآ جنبها أعلام واعلانات بالانجليزيه

طبعآ منظر مبهر للى زينا ! و علمت أن الجمارك السيارات

هناك وكل شىء 13 % فقط واذا خرجت بها من البلد يعطوك

ال13 % دى وانت خارج ( استرداد ) ! جتنا نيله فى حظنا

الهباب ! معلش أنا طولت فى الوصف بس علشان تعيشوا

معايا و غدآ ان شاء الله نستكمل الحكايه ( أهه فيه سيارات)!



Dr. Bolbolan :waving:
http://i943.photobucket.com/albums/a...s/Image232.jpg
منظر جانبى للتلال الخضراء

http://i943.photobucket.com/albums/a...s/Image233.jpg
مدخل طرفى لجوهانسبرجhttp://i943.photobucket.com/albums/a...s/Image248.jpg
اشارة مرور معاكسه
http://i943.photobucket.com/albums/a...s/Image535.jpg
معرض سيارات من بعيدhttp://i943.photobucket.com/albums/a...s/Image234.jpg
برده معرض سيارات من بعيدhttp://i943.photobucket.com/albums/a...s/Image254.jpg
مزز - كنت واقف أدخن معاهم ! أى والله !

رد: حكايتى مع السيارات فى جنوب أفرقيا حكاية صور !
 

شامم ريحة فولكس بولو في الصور:D

متابع يا دكتور الموضوع جميل :)

رد: حكايتى مع السيارات فى جنوب أفرقيا حكاية صور !