رد: كل مايخص سيارات المعاقين
 

مساء الخير ليا استفسار بسيط وسريع اذا سمحتم
زوجتى لديها اعاقة شلل اطفال فى اليد اليمني وضمور عضلات مما لا يتيح لها قيادة اى سيارة مانويال هل تستحق سيارة معاقيين اوتوماتيك .
ثانيا اذا ربنا وفق وحصلنا على السيارة هل يجوز لي كزوج قيادتها داخل نطاق المحافظة فقط فى حالة اذا كانت فى مشوار ما ساحضرها او الاولاد من المدرسة وهكذا ولا لا يسمح بيها المرور مطلقا
ثالثا الكشف المستعجل بيبقا فى نفس اليوم ولا بيحدد جلسة فى يوم اخر
شكرا ليكم

المنصورة
 

انا اشتريت سيارة لانوس من سنتين منشركة كريستال وبعد ماتفقت مع المحاسب على 24000 ذهبت للاخ عادل فقال لا دىثمنها25500 المهم اشتريت وانا ماشى فى الطريق بعد ماخرجت من بورسعيدالعربية تعطل والموتور لايشتغل المهم جريت العربية لغاية المنصورة ب500ج واتارى الكامة ملحومة عندما سخنت وش السلندر ضرب ورحت لشركة كريستال واعطونى تصدق كام 500ج بعد البهدلة

رد: المنصورة
 

عادى وبتحصل كثير.. لا تتوقع الملائكة على الارض. هما جابوا عربية مضروبة ولا يمكن يرجعوها او يسبوها على جنب. هتروح لصاحب نصبها ولكن من المفروض تكون رخيصة علشان تقدر تعمل العمرة الى هتكلف اقل حاجة الفين جنية

رد: كل مايخص سيارات المعاقين
 

لا يجوز قيادة السيارة لغير مالكها المعاق المكتوب اسمه على الرخصة ولو قابلت ضابط غلس ممكن يعمل لك مخالفةز لو انت فى منطقة هادية تجنب المناطق اللى بيكون فيها لجان...

الكشف المستجل بيكون النظر فى نفس يوم التقديم ولكن العظام بعدها بكام يوم...

رد: كل مايخص سيارات المعاقين
 

انا خلصت 5 سنين وعايز اقدم وحدة جديدة هو ينفع انى افك جمارك دى بس من غير ما ابيعها وابدا من جديد وابيعها عند الشراء وانا لو فكيت الجمرك ممكن انا اسوقها وغيرى يسوقها عادى ولا برده هيبقا لا يسوقها غير ملكها ياريت الافادة بالاخص فى الموضوع التانى ده علشان انا عايز غيرى يسوقها ولو كتبتها باسم الى هيسوقها طبعا انا مش هعرف اسوقها ولازم تتعاد ترخيصها صح ولا لا ؟

رد: كل مايخص سيارات المعاقين
 

أولا اهلا وسهلا

ثانيا ممكن طبعا تقدم على عربية اخرى ولكن أحذرك أنهم أصبحوا متشددين فى الكومسيون يعنى مش بيدوا عربية إلا لذى يستحقها. فكثير من الناس اللى كان عندهم عربيات وقدموا مرة ثانية على عربية تم رفض طلبهم رغم أنه قبل فى المرة الأولى... أصبح الكومسيون يطبق القانون بإعطاء المعاق سواء بالبتر أو شلل الأطفال لسيارة مجهزة... لهذا أنصحك لا تبيع السيارة قبل ما تحصل على موافقة الكومسيون للمرة الثانية حتى ولو عملت عقد سورى لو تطلب الأمر كذلك وهم لن يطلبوا منك ذلك...

السيارة بعد ما يفك حظر بعها فى الجمرك بيكون لك الحق فى بيعها لم تريد بدون دفع أى مقابل للحكومة. ويبقى خطوة فى المرور هو تقديم صورة لفك الحظر وشيل الجهاز من السيارة ويحضر المالك الجديد للتقديم على رخصة تجديد للسيارة على الوضع الجديد. وهنا تغير بيانات السيارة فى المرور وترفع كلمة لا يقودها إلا مالكها من الرخصة....

بالتوفيق وأبقى قولنا عملت أيه....

رد: كل مايخص سيارات المعاقين
 

شكرا لحضرتك
يعنى انا لو خليت العربية معايا بعد فك الجمارك من المرور انا اسوقها وغيرى عادى بدون مشاكل ؟بس طبعا انا كدة هعيد ترخيصها من جديد حتى لو باسمى علشان تبقا عدية واى حد يسوقها