رد: بتحب انهى مدرسة فى صناعة السيارات
 

نفس الكلام ده هو اللى انا اعرفه وكويس جدا ان عضو عصابه الفرنساوى الميجاناوى ترونكى انضم للنقاش واهو يشيل عنى الدفاع والاقناع بالميجان اهى معاه وهو يقدر يتكلم عنها احسن منى طبعا
ومرحب بيك يا باشا فى العصابه وعايزين ندافع عن اسم الفرنساوى

رد: بتحب انهى مدرسة فى صناعة السيارات
 

مع حبي الشديد للايطالي اللي مبنشوفش منه حاجه في مصر الا متجمع في الصين و لو شوفنا حته الفاروميو و لا برافو يبقى يا سعدنا يا هنانا .. ومش حقول مازيراتي في ناس كتير ممكن تفتكرها دوا للمعده
والالماني اللي واكل دماغنا كأن مفيش غيره
و الفرنساوي بيت الابتكارات
و الياباني اكبر بائع في العالم بشركه تويوتا
والكوري معادله محسبوه صح الصح واهي بتاخد جوايز في السوق الامريكي ... من الاخر سياره للمستهلك ... يعني تستهلكها مش تحطها في الفترينه
والصينيون قادمون شئنا ام ابينا
والانجليزي للصفوه
والسويدي رمز الامان وبالرغم ان في موديلات بتتفوق على فولفو و ارخص منها لكن الناس حتفضل تشتري فولفو حتى لو بقت صيني
والامريكي عامل زي الزومبي ( الجثث الحيه ) حيطلع لنا من تحت الارض ياكل لحمنا الحي بال 4×4 و كل ما هو ضخم و عملاق
الماليزي حيلاقي لنفسه مكان في السوق ( اشك في تواجده في اوروبا) لكن حيكون نصير دول الشرق الاوسط و اسيا والعالم الغلابه
والروسي لسه في ناس بتسقف للادا 2107 بالرغم ان في عربيات كتيره منسمعش عنها اي حاجه

لكن ....
احنا بنبص دايما من وجهه نظرنا
يعني مثلا يا بوب لو افترضنا ان الفرنساوي اعلا تكنولوجيا و اكتر ابتكارات و مش بتاع بهدله وانا راجل بمشي كل يوم في شوارع مكسره يبقى استفدت ايه
او بعمل كل يوم 10 او 15 كم من باب البيت لباب الشغل اجيب عربيه امريكاني او 4×4 ليه
مهندس فادي ...
انا معاك في الايطالي للصبح وبموت في حاجه اسمها فورميلا وان
لكن
يا فرحتي بانجازات فيراري و تقنيتها في عالم الفورميلا وان و لومان .... وفي الاخر نشوف صورها على النت
ولو فرضنا جدلا ان الياباني ملوش اي تطور او ابتكار او صناعه متقدمه يبقو ازاي افضل ناس في التصنيع و الروبوت وماكينات السي ان سي
اليابان نسبه معيار الخطاء التصنيعي في عربياتها زيرو نتيجه استخدام الروبوت .... و لا حتقولي بيستوردوهم من امريكا !!!!

او ... او ... او
القصد ايه ... كل عمه و ليها شيخ

احنا في النهايه بنقول بنفضل ايه عن ايه ....
لكن معتقدش ان الياباني مفيهوش صناعه او ابتكار ...
او الفرنساوي بيتشقلب
او الالماني مفيش احسن منه
او الكوري ملوش لازمه
او الماليزي تعبان
او الامريكي مات اكلينيكيا ... الشيلبي و الموستانج و الكورفيت و التشالنجر ايقونات مستمره من الستينات و حتفضل مستمره
في شركات بتعيد تصنيع العربيات الاسطوريه من الالومنيوم وتتباع بارقام فلكيه ... حتى لو الامريكي انقرض ... حتفضل عربياته القديمه يعاد تصنيعها


القصد ان في تميز و في عيوب ...
و مفيش انسان كامل ... ولا بلد كامله و لا فكر كامل ....
مفيش عربيه كامله
الكمال لله وحده

رد: بتحب انهى مدرسة فى صناعة السيارات
 

معلش مين اول شركه عملت نظامي drive by wire & steer by wire
مين اول شركه عملت fchv
مين اول شركه عمله hv بانتاج تجاري
مين اول شركه عملت seat , knee , elbow &head air bag
مين اول شركه عملت فتيس 8 سرعات
مين اول شركه عملت نظام الي بتحكم في صمامات المحرك بالكمبيوتر بنظام محمل عليه من قبل
مين اول شركه عملت تكييف O3
مين اول شركه عملت سقف solar cell بكثافه عاليه تسهم في عمل التكييف و هوياته عند الوقوف
مين اول شركه عملت كرسي قائد بست او بسبع فصلات ليأخذ شكل الظهر
مين اول شركه وصلت بمحركاتها ل760 حصان من تيربو فقط و محرك 3000 سي سي
مين اول شركه لديها اول سياره ستأخذ 6 نجوم في اختبارات التصادم الحديثه من اول 2010 و تطبيق نجمه سادسه
مين اول شركه طبقت نظام GOA و اصبح بأسمها و يستخدمه الان جميع مصنعي السيارات
مين اول شركه طورت و طبقت خطوط انتاج مبرمجه عامله بال Robot
مين اول شركه اول تحديدا الشركه الوحيده الان التي تستخدم الليزر في CNC في الحام و القطع بدل من مكينات الCNC العاديه

و غيرها

فإذا كان كل هذا لا يعتبر تكنولوجيا
و إذا كان كل هذا لا يعتبر سبق لها
فلا اعلم حقيقه ما هذا

رد: بتحب انهى مدرسة فى صناعة السيارات
 

هو انا مكنتش عايز اخرج بره الموضوع ... بس مش قادر
ازاي اليابان تبقى بنت امريكا
طول عمري اعرف ان اليابان خسر ت الحرب بالقنبله النوويه فقررت الانتقام اقتصاديا و غرقت السوق الامريكي بمنتجاتها ....
و ساعه ازمه البترول بعد هيمنه السياره الحلم الامريكيه كنايه عن السفن الامريكيه ذات الاربع عجلات وشكمان في فتره الستينات و بدايه السبعينات
دخلت اليابان السوق الامريكي بقوه من خلال سياراتها الاقتصاديه الخفيفه الرخيصه والموفره في الوقود
و الامريكان لما زهقو من اغراق اليابان للسوق الامريكي بمنتجاتهم مارسو ضغوط سياسيه و اقتصاديه على اليابانيين واتجهو للانتاج المشترك و عمل مصانع للسيارات اليابانيه في امريكا و زيها للعربيات الامريكاني في اليابان ( منها مثلا السوزوكي سويفت هاتشباك و الشيفروليه سبرينت )
وفي النهايه كملت المصانع الياباني في امريكا ..... فين بقى المصانع الامريكيه في اليابان ... الشعب الياباني رفضها و رفض المنتج الامريكي .... بعكس المواطن الامريكي اللي اقبل على المنتج الياباني بضمير مؤنب اسفا على هيروشيما و نجازاكي

يا ريت لو معلوماتي غلط توضحوها لي
معلش يا ابو نورا .... ممكن ننقل المشاركه في موضوع جديد ... بس يهمني رد محمد ( متيما ) و فادي جدا جدا
وياريت لو حد عنده اي معلومه في الموضوع ده لأن بصراحه كلام م/فادي بالنسبه لي غريب جدا ....
مش قصدي استنكار او استعجاب ... لكن فعلا كلامه بيناقض مفاهيم اتربيت عليها من صغري !!!!!!
ولكم الشكر

رد: بتحب انهى مدرسة فى صناعة السيارات
 

نظام الستير باى واير نظام منتشر جدا فى مجال المعدات الثقيلة, (اللودرات مثلا).
أول تطبيق لهذا النظام فى السيارات كان فى سيارات مرسيدس الاختبارية, و سيارة جنرال موتورز هاى واير.
و كلها سيارات اختبارية, هذا النظام معروف جدا فى مجال اللودرات, لكن ادخاله الى السيارات يحتاج لبعض الوقت نظرا لأنه خطير جدا, (اذا حدثت اى مشكلة فجائية فى النظام الالكترونى, قد تتسبب بحادثة).
عمرى ما سمعت انو النظام ده يابانى, أشهر تطبيق ليه هو تطبيق جنرال موتورز "هاى واير".

head air bag اول من ادخلها بى ام دبليو فى الفئة السابعة عام 1997.
أول ايرباج كانت من انتاج فورد على ما اذكر, عام 1970.


اول شركة تعمل الهايبريد كانت جنرال موتورز, لكن استخدامها التجارى كان على يد تويوتا انا معاك,
و هى تقنية بلا فائدة حقيقية, فسيارة التربو ديزل تقدم اداء أفضل و اقتصادية اعلى, و هى البديل الاوروبى للهايبريد الأمريكى,
أعتقد ان تقنية الهايبريد سوف لا تجد مكانا لها بعد نجاح تجربة الcamless, و هى بديل فيات و بى ام دبليو الواقعى لتقنية الهايبريد.
جدير بالذكر انو أول سيارة تربو ديزل حقن مباشر كانت الفيات كروما 1986.
و أول سيارة بدون كامة سوف تكون فيات 500 2010.
و أول سيارة تجارية كهربائية بالكامل هى تسلا,و هى سيارة رياضية امريكية مرتكزة على شاسيه من شركة لوتس.

هو ده اختراع؟ و ايه أهميته أصلا؟
يا استاذ متيما حرام عليك.
هو انا بشترى تكييف و لا عربية,
فيه كلمة بتتقال دائما عن اليابانى و الكورى,
اليابانى و الكورى عبارة عن تكييف متقفل حواليه عربية!

على ما اذكر نظام FIRE Fully Integrated Robotised Engine من فيات, و هو خاص بالمحركات فقط, و هو أفضل ما فى هذا المجال, و ينتج محركات عالية الجودة, ساهمت بشكل كبير فى تحسين اعتمادية سيارات فيات بالتزامن مع تقليل تكلفة التصنيع.
المقطع التالى من ويكيبديا, فى مقالة فيات :
In the 1970s and 1980s, the company became a pioneer in the use of industrial robotics for the assembly of motor vehicles. Fiat assembly plants are among the most automated and advanced in the
world.
http://en.wikipedia.org/wiki/Fiat
المقطع بيقول ببساطة انو فيات هى الشركة الرائدة فى مجال طرق التصنيع, و أن مصانع التجميع الخاصة بها هى الأكثر أوتوماتية و تقدما فى العالم!

ده بعض النذر اليسير من ذاكرتى انعشته بواسطة بحث بسيط على مواقع الانترنت, و لاسيما من ويكيبيديا, فأين هى التكنولوجيا و الانجازات اليابانية الفظيعة؟!

رد: بتحب انهى مدرسة فى صناعة السيارات
 

بعد الحرب العالمية الثانية أذلت اليابان بشكل كبير, و اضطرت للدخول تحت العباءة الامريكية, و صدم الشعب اليابانى الذى كان موهوما بقدرات امبراطوريته, تماما كما صدمنا نحن فى 1967.
أعادت الولايات المتحدة اعمار اليابان, و أمدتها بالتكنولوجيا و المساعدات, و معظم الشركات اليابانية كانت بدايتها أمريكية بحتة,
و لولا الدعم الأمريكى و لولا المصانع اليابانية فى الولايات المتحدة لما حققت الشركات اليابانية مبيعاتها الحالية.
الأمريكان لديهم فكر اقتصادى مختلف عن الدول الاشتراكية,
المبادىء الاشتراكية بتقول نعمل المنتج و نحميه من المنافسة الخارجية حتى لا تدمره,
الفكر الأمريكى بيقول انو المنتج المحلى لازم يتنافس و منافسة ضارية عشان يتطور, و حتى لا يحدث احتكار للسوق يؤدى الى ارتفاع فى الأسعار و ارهاق المستهلك.
تماما مثلما تفعل الحكومة المصرية عندما فتحت باب الاستيراد على مصراعيه, لكسر احتكار مصنعى السيارات المحليين.
اليابان تحصل على بترولها من دول الخليج, و هو البترول الذى تحميه الولايات المتحدة, لدرجة أن نيكسون الرئيس الأمريكى السابق, فى كتابة الفرصة السانحة و الذى كتبه عقب انهيار الاتحاد السوفييتى و حرب الخليج الأولى قال بالحرف انو امريكا دخلت حرب الخليج الاولى مش عشان توفير البترول لنفسها, أمريكا عندها ما يكفيها و عندها مصادر متعددة, لكن عشان اليابان فى الأساس التى قد تموت صناعيا بدون بترول الخليج!
و عندما وقعت اليابان اتفاقية مع ايران بشأن حقل أزاديغان, ماطلت فيه و تم قتل المشروع نتيجة للضغط الأمريكى المتواصل.
و كذلك فى حرب العراق حيث راودت رئيس وزرائهم بعض أحلام اليقظة التى صورت له أنه دولة مستقل, و سرعان ما تراجع و اضطر لارسال قواته الى العراق رغم المعارضة الشعبية, ليس هذا فقط, بل ان اليابان قدمت مساعدات مالية ضخمة لاعادة اعمار العراق,
http://arabic.peopledaily.com.cn/200...202_72912.html
كل هذه التبعية العمياء و تقولى اليابان بتنتقم من الولايات المتحدة اقتصاديا؟؟!!
يا راجل هو فيه دولة فى طاعة اليابان و تبعية اليابان, ده حتى اسرائيل بتلاعب الولايات المتحدة و بتعارضها و بتعمل حاجات من غير رضاها, اما اليابان فتعمل بمبدأ لا أرى لا أسمع لا أتكلم, أنفذ سياسات امريكا بس!!
أمريكا ممكن تدمر الاقتصاد اليابانى (الى هدفه الانتقام منها) فى لحظة, و يكفى منع بترول الخليج عنها, أو كان يكفى ترك العراق تستولى على منطقة الخليج, أو كان يكفى سحب السيطرة الأمريكية من الخليج فقط و ترك اليابانيين لشد و جذب العرب و ألاعيبهم السياسية.
على فكرة اليابان هى أكبر مستورد للنفط السعودى.
و ألف باء سياسة كلمة واحدة (البترول!!).
فى أوروبا الوضع مختلف قليلا, صحيح أن المانيا أذلت أيضا فى الحرب العالمية الثانية, الا انها تحاول الخروج من العباءة الأمريكية و الاحتماء بجارتها القوية فرنسا, فيما تحاول روسيا النهوض مرة أخرى لكن بنعومة, و تحتفظ بريطانيا بعلاقاتها التاريخية مع الولايات المتحدة المستمرة منذ الحرب العالمية الثانية و التى لم يعكر صفوها سوى الموقف الأمريكى فى حرب السويس, و لكن سرعان ما عادت المياه الى مجاريها.

رد: بتحب انهى مدرسة فى صناعة السيارات
 

أيوووه بالضبط ،،

انا برده مش شايف مشكلة العربيات الفرنسية تكنولوجيا عاليه و لا حاجة

امال مرسيدس و بي ام و لكزس المتخمين بالتقنيات يبقوا ايه و ليه مالهمشي مشاكل

الفكرة انهم مالهومشي في الصناعة

دول بتوع جبنه ،، برفانات ،،

زي موبايلات الكاتيل ،، احلي موبايلات في الشكل و اكتر موبايلات فيها امكانيات بالنسبة لشكلها

و مع ذلك اردأ موبايلات ..

طبعا مع اختلاف المجال لكن للتشبيه فقط