المشاركة الأصلية كتبت بواسطة asom_6 (المشاركة 768090)

الطريقة الأولى مشروحة فى الكتالوج علشان لوضاع الريموت او باظ تعرف تشغل عربيتك بالمفتاح وتلغى الأنذار ... بس طبيعى محتاجة يكون معاك المفتاح.

أيه هى بقى الطريقة التانية اللى بتتعمل فى نص دقيقة دى ... قلنا على فكرتها يمكن نشوف حل ونفاديها بشكل ما .... عموماً كلامك مظبوط فى نقطة ان الانذار اساساً لعب عيال دلوقت واصلاً الناس اتعودت على صوته لانه بقى راكب على كل العربيات تقريباً وحتى الموتوسيكلات , يمكن أأمن طريقة مادية تقدر تعملها انك تشيل واحد من الفيوزات اللى فى علبة الفيوزات تحت الكبود خصوصاً بتاع طلمبة البنزين لانها مش هتدور ومحدش هيفهم ايه السبب والحل ساعتها انه يقطر العربية كلها.
على فكرة انا مركب الأنذار علشان استفيد بالريموت ووحدات الرفع ... لأنى كتيييير جداً بنزل وانسى الزجاج وبتبقى رخمة قوى انك ترجع تانى تفتح الكونتاكت وترفع الزجاج ... بالريموت دوسه واحدة والسيد وولف يرفع الزجاج ويسنتر البيبان ويبقى كله تمام التمام
الميزة التانية تشغيل الانتظار مع فتح اى باب من الابواب الاربعة
بالنسبالى هما دول الميزتين الوحيدتين لجهاز الوولف باشا :00db9337ef155724e76

المشاركة الأصلية كتبت بواسطة simsim1996 (المشاركة 768319)

ربنا يكرمك ياباشا هاتعبك معايا وتصوره وتورينى شكله لانى مش عارف شكل جهاز الانذار ايه ولا راكب فين اصلا فى العربيه فلو شفت صورته ممكن ادور تانى والاقيه
المشكله انه صعب اروح بالعربيه للتوكيل فى جسر السويس لانى ساكن فى اكتوبر والمصنع بتاعهم فى اكتوبر اجازه جمعه وسبت زى حالاتى تمام وبيقفلوا كل يوم الساعه اربعه ونص وانا بارجع البيت 6

المشاركة الأصلية كتبت بواسطة بلاشانت (المشاركة 768341)

حاضر هصور لك الزرار بس انا مش عارف انت جهازك معاه زرار ولا لاء
بس على فكره انا سالتك سؤالين فى اول الموضوع انت جاوبت على التانى ونفضلى فى الاول :w6w200504112236376d

المشاركة الأصلية كتبت بواسطة بلاشانت (المشاركة 759826)

الريموت بيتباع عادى لوحده بـ 50ج هتلاقيه فى التوفيقيه فى عربيه فان قديمه هتلاقى جواها كل انواع الريموتات

بس ممكن سوال عن الانذار الى بينزل مع الانوس
هو فيه وحده فصل للمرش يعنى لو انت قافل بالريموت وفتحت الباب بالمفتاح طبعا العربيه هتزمر بس ممكن تدور ولا لاء
كمان الشنطه متوصله بالانذار بحيث لو حد فتحها العربيه هتزمر ارجو الرد من حضرتك

المشاركة الأصلية كتبت بواسطة simsim1996 (المشاركة 768353)

قفشت السؤال ياباشا مش هو ده برضه اللى تقصده ؟؟

الصبح هانزل واجرب ادور العربيه وانا قافل بالريموت واكتب لك تقرير باللى هايحصل بس لو الجيران حدفونى بحاجه هاقول لهم انت اللى قلت لى اعمل كده واصحيهم يوم الجمعه بدرى بسبب السرينه اللى هاتضرب