رد: جيت اكحلها عميتها
 

متهيألي الفاكيوم مافيهوش مشاكل.. لإنك لما بتفصله أداء العربية بيتغير، وده معناه إنه موجود وشغال وتأثيره واضح.

كده مفيش غير احتمال واحد... إن ترس الاسبيراتير مقدم سنه.

في الحالة دي .. وزي ما قلتلك قبل كده.. هتضطر تخلع الاسبيراتير (بحرص، ويستحسن تعمل علامة تعرف بيها مكان الشاكوش قبل ما تشيل الاسبيراتير) وبعدين تأخر تحرك الشاكوش بإيدك في اتجاه تأخير الكهربا بحيث إن الشاكوش يتحرك في حدود 30 درجة لورا، وترجع تركب الاسبيراتير تاني وتظبط تاني زي ما عملت قبل كده

وما تنساش موضوع ظبط الهوا والبنزين

وطمنا عملت إيه



...

رد: جيت اكحلها عميتها
 

السلام عليكم انا قريت الموضوع من اوله لاخره طبعا مش هقدر اخش وسطكم كلكم بسم الله ماشاء الله خبرا ومحترفين وفكرتونى بايام ال 504 بس كل اللى اقدر اعمله ادعيلك ربنا يوفقك وتحل المشكلة بس ليا سؤال جايز يكون عبيط شوية ماتريح نفسك وتشوف ميكانيكى كده ابن حلال يشوفلك ايه المشكلة وخلاص

رد: جيت اكحلها عميتها
 

ههههههههه عندك حق ياباشا انا غاوى تعب فعلا
بس انا بعمل الموضوع دة بنفسى وبسئل هنا وهنا واجرب بنفسى عشان سببين
1- انا بحب جدا اشتغل بأيدى فى العربية وبفرح اوى اما اصلح حاجة بنفسى واهو الواحد بيتعلم برضوا عشان لو حصل موقف وانا بعيد عن الميكانيكى

2-مابقتش اثق فى الصنايعية لأن بحس ان شغلهم كلة عك
والمفروض اساسا اللى راكب عربية يبقى عارف اية اللى تحت الكبوت عندة ومايعتمدش كليا على الميكانيكى الا فى الشغل الكبير اللى بيحتاج عدة كبيرة وورشة

رد: جيت اكحلها عميتها
 

والله كلامك مضبوط رينا يوفقك