رد: عايز اشتري سيارة جديدة وقوية
 

اللوجان الأوتو ممتعة جداً و أرشحهالك بقوة
و خصوصاً لو داخل كلية زي طب أو صيدلة أو هندسة أو علوم تجارة أو اقتصاد و علوم سياسية
و عندك فرصة تشتغل سيلزمان تبقى فرصة هائلة ليك حتريحك في الزحمة بأمر الله و اللف على العملاء
و الدركسيون مش تقيل زي ما أنت متخيل و حتى لو تقيل مش زي العربيات القديمة يعني و أحسن من السيارة ما الدركسون يبقى خفيف لدرجة مضرة خصوصاً لو العربية بتعوم على السرعات العالية أنسى حتلاقي الدركسيون في أيدك طيارة ورق

الكلاكس مكانه عملي في ذراع الإشارة يعني كل حاجة في حتة واحدة و أنا بلف ادي إشارة و أكلكس للناس لو مش واخدة بالها و كل شيء بالتعود

ممكن تجيب المانيوال علشان أرخص و تشيل باقي 110.000زي ما قلتلك لمصاريف الكلية أو تضبيط العربية
كساحة
سبويلر
كراسي
فرش جلد طبيعي أو مستورد نظيف
تضبيط كبوت و أبواب رياضية
جنوط اسبور لو ينفع

و لما تزهق منها تبيعها على حس التظبيطات ده و الفرش و تبقى ما خسرتش كثير

فكر و شوف حد قريب منك جرب سواقة اللوجان الأوتو و المانيوال و تحت أمرك في أي استفسار

رد: عايز اشتري سيارة جديدة وقوية
 

طول عمرك خدومه اخت توته .. ربنا يباركلك يارب

رد: عايز اشتري سيارة جديدة وقوية
 

انا انصحك باليبانى ..اليبانى ثم اليبانى ثم اليبانى و انصحك بتويوتا كرولا الشكل اللى هو 2007 عربية حمالة قاسية و حلوة و مشكلها قليلة جداً يعتبر بس تغير زيت و تهتم بالمتور و عمرها مهتخذلك ابداً و انا معايا العربية ديه و شقيانة معايا الصراحة و تكيفها جمييل و بتجرى و فراملها كويسة 2 ايرباج مميزتها كويسة FLASHCar

و بالتوفيق و تقبل مرورى :CONGRA~238:

رد: عايز اشتري سيارة جديدة وقوية
 

لو جبت هوندا سيفيك 2008 ولا 2009 حالتها نضيفه جدا ومش ماشية كتير .. زى ما قلتلك احسن من 1000 عربية زيرو بالسعر ده ..

وبعدين باذن الله السيفيك لما تركبها .. ممكن تنسى مكان الدراع اللى بيفتح الكبوت .. ما شاء الله عربيات معمره بطريقة ممتازة .. يعنى مفيش غير الصيانات الدورية بتاعت اى عربية وانسى كل حاجة بعد كده ..

انا لو مكانك لو لقيت واحده نضيفه اشتريها فورا ...

وبعدين انتا تشترى عربية قطع غيارها غالية بس تنساها تماما .. ولا قطع غيارها رخيصة واعطالها كتير .. ايه الافضل ؟؟؟

رد: عايز اشتري سيارة جديدة وقوية
 

طبعا انت اكيد دماغك لفت من كتر المشاركات ولكن تاكد ان الكل هدفه هو مساعدتك
وبعدين انا ارشحلك عربية زيرو وخصوصا لو نيسان صنى اتوماتيك ( الشكل القديم او الجديد) او هيونداى اكسنت ار بى وبعدهم ممكن بى واى دى او بريليانس اف اس فى .
الزيرو زيرو صدقنى .
وانت اللى لازم تضيق اختياراتك على قد ماتقدر وتعرف انت عاوز ايه من العربيه لانك عاوز تختار مابين قايمة فيها لادا وفيها سيراتو والنترا طبعا ماينفعش .