مصر موتورز مجتمع السيارات - الطابور ده معناه إيه ؟؟؟؟

طبعا محدش ناسي محاولاتهم المستميته لفرض حكومه من التحرير وعملوها اكتر من مره وبرضه ممكن كده تفهم سر الهجوم المستميت على الجيش وكمان تلقيح الكلام باستمرار على الاخوان واتهامهم بأنهم بيسرقوا الثورة
وانا دلوقتي قدامي اختيار من تلاته
تأييد المجلس العسكري او تأييد الائتلافات او تأييد شرعية الانتخابات
اخترت شرعية الانتخابات وناس كتيير اوي اختاروا الانتخابات وكانوا واقفين بالملايين في الطوابير
وبرضه ده يفسرلك ليه فيه هجوم شرس على الانتخابات وعلى الناس اللي بتروح تنتخب وبيتهموهم بالجهل وعدم الوعي علشان يسقطوا صفة الشرعية عن الانتخابات
وطالما ان نتيجة الانتخابات مش على المزاج تبقى انتخابات مش شرعيه والناس نزلتها خايفه من الغرامه ومجبره ومش فاهمه هيا يتعمل ايه