رد: عزيزى قائد السيارة - احترس انت فى مصر ما بعد الثورة
 

هههههههههههههه افيه ايه انتوا وقفتوا للشعب على الواحدة بس عاوز اقول حاجه 1- متحولش تكون مسالم فى الطريق بالذات مع الناس بتوع الاجرة و النقل!! و و حاول تكون بلطجى و صوتك عالى على بتاع التوكتك!.
و للأسف هرجع و أقول الحكاية من أولها خطأ
يعنى الطرق ممكن تدخل موسوعة جينيس للأخطاء و عدم تحقيق اهدافها
+التعديات على الطريق سريع او داخل البلد كده ده بيعمل ارتباك فى العربيات اللى ماشى ! بطريقة غير مباشرة لانها محتلة الرصيف و بالتالى الناس على رجليها نسيت الرصيف معمول ليه و لو انت ماشى على رجليك اتوماتك هتلاقى نفسك ممكن تمشى على الطريق بشكل طبيعى و هادى جدا! و علشان كده كل السواقين بييميلواناحية الشمال سواء بطىء او سريع.
اسلوب استخراج الرخصة اصلا يشجع على كل شىء غلط
كميات المركبات غير المرخصه زى التوكتوك و الترسيكلات ساعدت على انتقاء اغبى ناس فى البلد انها تركبها !
زيادة اعداد العربيات فى المناطق الكبيرة و تحديدا القاهرة الكبرى و الاسكندرية عامل زحمة و ده بيساعد على الأبداع فى التهرب من الزحمة و اللى فى اغلى الاحيان بيكون مخالف.
يعنى بصراحة المشكلة كبيرة و حلها محتاج حد يفكر فى مواضيع جديدة ! لانى احنا الحمدلله وصلنا لمرحلة بتقول انحا ضايعين ضايعين

رد: عزيزى قائد السيارة - احترس انت فى مصر ما بعد الثورة
 

عزيزى لو عليت صوتى مع كل واحد يبقى مش همشي وهقعد اتخانق وازعق كل نص متر - الاحسن انك تكون بارد :w6w2005041113562663 ولوح تلج وتعدي الليلة
الطرق بتاعتنا لا تصلح للكارو والحنطور ، طيب باى عقل مهما كان غبي اطير عليها بعربيتى !
افضل اسلوب مبدع للتهرب من الزحمة هو النظــــام هيخلى الكل يمشي فى اقل وقت مش انا بس اللى امشى واقفل السكة واتعطل واعطل الناس !:090104~384:
انا طلعت رخصة لصاحبى وهو فى الامارات مش هنا اصلا !!!!


حل المشكلة ببساطة حبة نظام وكل واحد يحس انه بنى آدم يحترم نفسه بس :funny25:

رد: عزيزى قائد السيارة - احترس انت فى مصر ما بعد الثورة
 

أنا لسه شارى عربية جديد
ومتعلم سواقه عليها وفعلا الناس محترمين قليلين اووى اووى
اكتر حاجة بضايقنى فعلا اللى ناس اللى ماشين
ماشى فى نص الشارع تديلو كلكس مش يعبرك يعنى ادوسو مثلا
اه بقى الموتسيكلات انا مسميها الأشباح فجاة كده تلاقى موتسيكل على يمينك او شمالك
او كسر عليك

ربنا يستر طريقك وطريقنا

رد: عزيزى قائد السيارة - احترس انت فى مصر ما بعد الثورة
 

فى شارع الدقى قبل الكوبرى وماشى ورايا مينى باص (بتاع الجمعيات) وقاعد يزمر والشارع واقف وكمان عامل زى ميكون هيركب على عربيتى - بيدى بنزين مع دبرياج - قمت انا ناتش بالعربية ومبطلها ونزلت فتحت الكبوش شوية وقفلتة تانى ومشيت وهو معرفش يطلع منى لانة كان لازق فيا على الاخر. فى نفس اليوم فى شارع محى الدين ابوالعز ميكروباص الترمكو يطلع من على اليمين ويرد شمال لما يلاقى عربية واقفة بشكل متفز، جة يطلع من على يمينى قمت لازق فى الى قدامى لدرجة انى خبط فية بشويش - السرعة اقل من 5 كيلو - الراجل خد بالة انا بعمل اية وقد ومعملش حاجة، بعديها على طول الميكروباص كسر على الى ورايا ودخل وطلع من على يمينى وقفل على الى قدامى باغبى طريقة ممكن تشوفها فى حياتك.
السواقة فى مصر محتاجة علاج نفسى كبيــــــــــــــــــــــ ـــــــــــــــــــــــــ ــر

رد: عزيزى قائد السيارة - احترس انت فى مصر ما بعد الثورة
 

انا من الفيوم
1 جميع العربيات عملت فامية اسود غامق بعد الثورة بأسبوع طبعا التاكسى والمكروباص بردوا وكمان مرايات فى كل مكان فى العربية زى ما يكون كوافير
2- عدد كبير من التاكسيات والمكروباص ركب الكالاكس بتاع العربيات النقل اللى صوتة غبى ده وعالى جدا لما تسمعة تحس ان فى عربية نقل جايه وراك وتبص تلاقيه تاكسى
3- الشوارع بتمشى مع اتجاه التاكسى او المكروباص يعنى السواق هو اللى يحدد اتجاه الشارع
4- حوادث سرقة بالاكراه ابطالها سائقين تاكسى من غير نمر ولا رخص وكمان خطف اطفال
5- العربيات الاجره كلها زودت الاجره من نفسها والتاكسى بردوا المشوار اللى ب 5 ياخد 10 وهكذه
اى غلطة هو يعملها يبق عادى لكن اى غلطة انت تعملها يشتمك ويهزق اللى جابوك سواء اللى سايق راجل او ست
اول مره اشوف واحده ست سايقة عربية ملاكى وبتتشتم من سواق تاكسى كان بعد الثورة

اخيرا الناس دى لازم تمشى بالقانون ويتم اتخاذ كل الاجراءات معاها علشان يتهدوا شوية