|
رد: فضيحة جديدة للشرطة المصرية - 20 / 4 / 2011
اقتباس:
في دولة سيناء البدوية المتحدة ولا تقولي شرطة ولا يحزنون |
رد: فضيحة جديدة للشرطة المصرية - 20 / 4 / 2011
يا جماعة المدافعين عن الشرطة
- انا ليا اصدقاء كثر في الشرطة و لكن هذا لا يثنيني عن قول الحق - قبل الثورة مكنتش باخد حقي اللا بمساعدة هؤلاء الاصدقاء و اخذه ايضا منقوصا - الخطأ منذ البداية الى النهاية هو خطأ رجال الشرطة - و من منا لم يقرص و يعاني من اداءهم السلبي ( صفر على الشمال ) سواءا قبل الثورة او بعدها - انا لما بعايب بعايب على منظومة متكاملة لم تظهر عيوبها بعد الثورة فقط ولكننا كننا نتمنى تحسنها بعد الثورة نتكلم بالبلدي قبل الثورة البلطجية برضه كانوا موجودين الشرطة عملت فيهم ايه؟ اللي بيبلطجوا و يعوروا الناس و يثبتوا ( سرقة بالاكراه ) المارين و المدنيين و احيانا كثيرة بيقتلوا اي مدافع عن نفسه بصيغة ازاي يستجري و يقف في وشنا او يتحدانا؟ - غالبا كانوا بيخافوا يقبضوا عليهم علشان عارفين ان حتبقى في مقاومة و ممكن ضابط يتعور - لو وصلت لحد جريمة قتل كانوا بيفبركوا المحضر انه وفاة اثناء مشاجرة و كانوا بياخدوا 7 سنين بدل اعدام - بيخرجوهم في ربع المدة او نصفها بحد اقصى في مقابل انهم يشتغلوا مرشدين - كانوا بيستغلوا المرشدين دول اصحاب السوابق في تتبع المدنيين او الملتزمين دينيا سواءا اخوان او سلفيين - كانوا بيستخدموهم لفض المظاهرات بالعنف و انعدام الدين و الضمير عندهم كانت ترتكب ابشع التجاوزات تحت نظر و سمع الشرطة مع تأييد مطلق لافعالهم الاجرامية - كان يتم استخدامهم للدعايا الانتخابية لمرشحي الحزب الوطني و استخدامهم لمنع المصوتين من التوجه للجان الانتخابية بالسلاح و ارعاب الناس بتأييد من الشرطة و النظام في حالة ارتكابهم لاي جرائم ( مسجلي الخطر العاملين مع الشرطة و هم كثر ) يتم التستر على جرائمهم و اخفائها حماية لهم و اعترافا من الداخلية بدورهم الفاعل و تعاونهم في استخدام خبراتهم الاجرامية لمصلحة النظام و ايضا خوفا من فضحه لتجاوزات الشرطة امام النيابة العامة لو تم التحقيق معه الشرطة وضعت يدها على مجرم منعدم الضمير و الانسانية و الشرف و الدين لم تعاقبه و لكن كافأته اعطته غطاء و حماية قد لا يحصل عليها اعضاء مجلس الشعب ذاته منحته سلطات مطلقة لو منحت لفرد عادي لافسدته فما بالك بشخص فاسد اصلا و في النهاية كانوا هم اول من هاجم و اقتحم مراكز الشرطة لاحراق ادلة ادانتهم و ملفات متابعتهم التي يعتبروها قيدا على حريتهم في الممارسة الاجرامية الحرة و ليست الموجهه من قبل الشرطة و طمعا في الحصول على اسلحة نارية لتحسين النشاط |
رد: فضيحة جديدة للشرطة المصرية - 20 / 4 / 2011
لو حاجة اتسرقت منك و رحت عملت محضر - عمر المباحث هزوا وسطهم و كلفوا خاطرهم بالبحث؟
انت عارف ان اي موبايل يتسرق ممكن يرجع؟ لان الموبايلات الحديثة كلها فيها شرائح تتبع عن طريق الارسال حتى لو اتشالت الشريحة و ان في البداية كان اللي بيتسرق موبايله بيجيب الرقم المسلسل و فعلا بيجيبوا الموبايل و اللي سرق؟ اتلغى النظام ده لان لقوا الشكاوى كتيره و البهاوات مش فاضيين يتعبوا نفسهم و يقضوا على نشاط اجرامي زي السرقة اللي بيعتبروها شطارة و اكل عيش بالحلال و باقى تتبع الموبايل يتم في حالة جرائم القتل فقط!!!! كام مرة انا او غيري لو شوفنا خناقة او حالة تعدي نتصل برقم النجدة متخيلين اننا في دولة متحضرة فيها شرطة و امن الشرطة تصل في خلال من ساعة الى ساعة و نصف ( دا على اساس ان في خناقة بتقعد يوم و نصف ) و سبحان الله لو خناقة فعلا طولت و مسلحة بمطاوي و سيوف و الشرطة وصلت ( بعد 20 تليفون ) تلاقيهم واقفين من بعيد مستنيين الخناقة تخلص!!!!! و بعدين يدخلوا زي سبع البرمبة هوا فيه ايه - مين ضرب مين يا ولاد التييييييييييييييييييت... كام مرة سيارتي اتخبطت و انا مظلوم و اتصل بالنجدة علشان تيجي تعمل محضر اثبات حالة لضمان حقي اول ما يعرفوا انها حادثة يقولك ابعت اسعاف؟ اقوله لأ دي تصادم مفيش اصابات يقولك امال عايز ايه؟ الشرطة تيجي علشان محضر تصادم - طيب حنبلغ و مفيش حس ولا خبر مرة استنيتهم بتاع 3 ساعات ولا جم مع اني كلمتهم 3 مرات و القسم 5 دقائق مني!!!!!!!!!!!!!!!!!!! و في الاخر اتصالحنا و مشينا لان لقيت مفيش فايدة كام مرة شوية عربجية يعملوا فرح يبتدي الساعة 11 بالليل و يستمر حتى 5 صباحا بالضبط تحت شباك اوضة النوم؟ و تتصل بالنجدة يجولك بعد ساعتين و الصوت يوطى و تلاقي الامناء البهاوات بيشربوا الساقع و يتعرقوا و يمشوا مفيش دقيقة و الصوت يعلى اكتر من الاول؟؟؟؟؟؟؟ - اللي بيقول نعذرهم انهم مش عارفين يشوفوا شغلهم بعد الثورة اقوله هما يعني كانوا مقطعين الدنيا امن و امان (زي سوبر مان ) لو حد احتاجهم بيظهروا علطول!!! دول كانوا زي خيالات الماتة بعد الثورة بقى اتشالت حتى خيالات الماتة يبقى نفضها سرة فعلا و نعمل لجان امنية من المدنيين المسلحين تجوب الشوارع لفرض الامن و الحمدلله في شباب مثقفة و محترمة كتير عاطلة عن العمل و عندهم استعداد يقوموا بعمل انساني زي ده في مقابل معقول بدل القعدة في البيت بس يلغوا الشرطة انا اطالب فعلا بالغاء الشرطة كلها بعد الفيديو ده اللي اثبت ان سلبية الداخلية زي ديل الكلب عمره ما حيتعدل سواءا بثورة او بيوم القيامة نفسه |
رد: فضيحة جديدة للشرطة المصرية - 20 / 4 / 2011
اقتباس:
وكأنك عايش معايا وعارف اخبار سيناء . من وجهه نظرى اتضح ان العيب فينا مش فى الشرطه وسأعطى لك بعض الامثله من الواقع المرير الذى نعيشه هنا من اسبوع قامت خناقه بين عائلتين استخدمت فيها الاسلحه الناريه طوال الليل واسفرت عن مقتل 2 واصابه 12 معظمهم اصابات خطيره ... كميه الاسلحه الناريه التى استخدمت فى هذه الليله تكفى لأحتلال اسرائيل . الجيش لم يتدخل فى هذه الليله وترك الامور لتانى يوم وفرض حظر تجول . كل يوم يتم اطلاق نار بين البدو واهالى العريش بسبب خلاف على اراضى او مسائل ماديه او سرقه سيارات ( وانت سائر بسيارتك تقطع عليك سياره الطريق ويخرج منها مسلحين بالرشاشات يإما تعطيهم السياره او طلقه قاتله او طلقه فى تانك البنزين وتولع العربيه ) وبعد ذلك يساوموك ب40 الف او 50 الف لتعود سيارتك . واصبح الموضوع ثأر بين البدو وأهالى العريش .....البدو ياخذون سيارات من اهالى العريش واهالى العريش ياخذون سيارات من البدو لتعود سياراتهم المسروقه والكل اشترى سلاح والكل أصبح عنده سلاح ألى لما كل يوم بنام على صوت السلاح واطلاق النار . قوللى بالله عليك ماذا ستفعل الشرطه وسط هذه المعمعه لو كانت موجوده أصلا . بصراحه إحنا شعب عايز دكتاتور فى هذه المرحله ومن غير كده لاتقوللى شرطه ولا جيش ولا يحزنون . |
رد: فضيحة جديدة للشرطة المصرية - 20 / 4 / 2011
مش محتاجة ولا ديكتاتور ولا تور
امريكا مسموح فيها بشراء و حيازة جميع انواع الاسلحة للجميع يعني الصغير قبل الكبير معاه سلاح اللي منظمهم وجود قوة شرطة حازمة - محترفة - جادة - شجاعة - عادلة - متعاونة حازمة مع المجرمين المسلحين و قطاع الطرق محترفة في التعامل مع الخارجين على القانون - يعني مش يكلم واحد مسلح بالهداوة و ييجي يعيش في دور البطل مع واحد اعزل جادة في التعامل مع المعطيات و البلاغات جدية لا مجال فيها للمحاباه و المهاترة شجاعة في التعامل مع المواقف الصعبة - لا يتوارون عن الانظار اذا اطلقت رصاصة في الهواء و لا يفرون كالفئران المذعودة اذا رأوا سلاحا ابيض او ناري عادلة في تعاملها مع الجميع لان الكل عندهم سواسية لا فرق عندهم بين ابن وزير و ابن ساعي بريد و اذكر انه تم القاء القبض على عمدة نيويورك نفسه منذ يومين لانه كان يسير في مظاهرة غير مصرح لها متعاونة مع الشعب و المدنيين - تساعد المحتاج مهما كانت تفاهة حاجته و تهتم بصورتها الانسانية امام الجميع |
| الساعة الآن 05:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017