رد: ** مليونية عودة مبارك - 25 ابريل - مطالب تيتتتتتتتتتتتت **
 

استاذ مهند

انا من الشعب واخويا ضابط الشرطه برضو من الشعب احنا ليه بنفرق في المسميات

وتباطؤ نزول الشرطه للشارع مش خيانه من الشرطه بقدر ماهو عدم رغبه لدي طوائف معينه من الناس ان الشرطه مترجعش خااالص

انا اقول لحضرتك علي موقف حصل معايا

لجنة من الشرطه بتوقف السيارات وبتفتشها وتشوف الرخص والهويه وكنت انا معاهم بس واقفين بعيد عنهم شويه

جت عربيه فيها 5 شباب الضابط وبرتبه عقيد بيقولوا الرخص البطايق لو سمحت ...

تخيل ايه اللي حصل

كل مااتتخيله من انواع السباب والشتائم ومحاولة التعدي علي رجال الكمين وطبعا تدخلنا احنا ورميناهم قدام الدبابه عبرة لمن يعتبر .....

واللي عصبني عليهم اكتر انهم بيقولوا احنا من شباب الثورة

رد: ** مليونية عودة مبارك - 25 ابريل - مطالب تيتتتتتتتتتتتت **
 

[QUOTE=إنسانة;388741]
حد يقولى لما الرئيس مبارك ترك الحكم اية الجديد اللى حصل؟ انا هقولكوو الجديد مفيش امن ولا امان والبلد بتخرب حد فيكووو حاسس بالامان على بيته ولا اختة ولا مراته ؟
اتقوا الله في بلادكم
اكرموا رئيسكم مهما كان عادلا كان او غير ذلك
واعيدوا حاكما لكم حتى تستقر مصر وتهدأ
[/QUOTE




وحياة ابوك اقعدينا علي جنب مش مكسوفة من الكلام ده هوا انت كنت عايشة فين مش معانا ولا اية كفاية ان حرمية البلد - مش كلهم - لقو حد يحاسبهم وبتحاكموا دلوقت وبالنسبة لسؤالك اه حسين بالامان عارفة لية عشان حنقدر نامن مستقبل ولادنا بس لما نقضي باذن الله علي امثالك

رد: ** مليونية عودة مبارك - 25 ابريل - مطالب تيتتتتتتتتتتتت **
 

علي فكرة انتي بتفكري في نفسك وبس ومفكرتيش لحظه في الناس اللي كانت بتتاخد ظلم في عهد سيادته واهليهم يتشردو ويطلع عين اللي خلفوهم

يا ريت حضرتك تراعي الكلام اللي بتقوليه علشان في ناس كتير الكلام ده بيستفزها وانا اولهم علي فكرة

وبعدين عاوزه ترجعيه رجعيه بس يا ريت ترجعيه في بيتكم علشان يحكومكوا انتوا بس

رد: ** مليونية عودة مبارك - 25 ابريل - مطالب تيتتتتتتتتتتتت **
 

يا محمد باشا محدش يقدر ينكر دور الجيش في الثورة ديه يعني من بعد ربنا ثم الجيش كان زمانا في خبر كان

واللي ينكر دور الجيش في الايام ديه يبقي مبيفهمش

احنا كنا بنبقي واقفين في اللجان بالشوم والسكاكين وكان البلطجية وحاشية حسني داخلين علينا بالاسلحة النارية

ولولا ربنا ثم الجيش كان زمان كل اللي في اللجان الشعبية مدبحيين في الشارع

رد: ** مليونية عودة مبارك - 25 ابريل - مطالب تيتتتتتتتتتتتت **
 

ياسيدي ده قصدي والله

كلنا ابناء شعب واحد وكلنا اخوات مافيش فرق بين ضابط جيش وضابط شرطه

طالما بدانا عهد جديد يبقي ننسي كل اللي فات ونبدأ صفحه جديده