مصر موتورز مجتمع السيارات - تطورات غريبه مع استخدام النيتروجين

اقتباس:

المشاركة الأصلية كتبت بواسطة aboelesaad (المشاركة 231669)

بسم الله الرحمن الرحيم

امبارح يا شباب اخت قرار ان اغير الهوا الي موجود بالكاوتش الي نيتروجين
وقولت اجرب الفكره واي الي هحسه بالتغير في العربيه لاني اساسا كنت مسافر تاني الصبح مشوار 150 كيلو

فطرت و لله الحمد و روحت حطيت النتيروجين

حصل بقي تطورات اغرب مما يمكن

1) الدركسيون بقي خفيف جدا مع العلم وزن العربيه ثابت وانا هوا انا الي راكب

2) العجل مبقتش سامعله صوت خالص كنت الاول بحس بالعجل علي الارض دلوقتي مفيش اي احساس

3) مع المطبات مقدرش اقول بقي احساسي بيها اقل يعني محستش فرق اوي
بس في ملحوظه ان اي مطب خفيف " حفر بلاعات مثلا وما اكثرها " او زلط او ما شابه ذلك مبحسش بيهم خالص

4) في حاجه بقي استغبرتها جدا انا كل يوم تقريبا بقطع المشوار ده 150 كيلو كنت بمون قبلها ب 20 جنيه وبيخلصو ويتبقي مثلا 2 لتر منهم مع العلم بدون استخدام التكيف
يعني تقدر تقول كل مشوار 16-18 جنيه
الي حصل ان قولت امون ب عشره جنيه واشوف اي الي هيحصل
روحت و رجعت والعشره جنيه مخلصتش مع العلم شغلت التكيف
في ملحوظه " انا بظبت الحوار ده ان اول ما لمبه البنزين تنور بمون بالعشرين جنيه
كنت طالع النهارد فنورت قولت امون بعشره و اشوف اي الحوار رجعت و لسه العداد مجبش المنطقه الحمرا ومنورتش خالص "

5) سحب العربيه زاد جدا و بقت اسرع من الاول بطريقه ملحوظه مع العلم انا بخرج بالعربيه باستمرار وعلي طول علي الطريق يعني احساسي بالعربيه مستمر ومش مفقود

ملحوظه تانيه ان اما رجعت من السفر حكيت لاخويا وادتله العربيه يجربها كلامه تطابق مع كلامي

ده الي حصل بالتفصيل والله خير شاهد
مع العلم كل الظروف ثابته ولا عملت اي حاجه بالعربيه
مفيش اي تغير والطريق هوا هوا والبنزينه الي ممون منها هي هي مغيرتهاش ويوميا بمون منها ونفس المعدل باستمرار
يعني الظروف المحيطه ثابته والمتغير الوحيد هوا النيتروجين

احب اسمع ارائكم و كل اراء الي حط نيتروجين

وتحياتي للجميع

اولا كل سنه وانتم طيبين

دى اول مشاركه ليا فى المنتدا العظيم ده

انا طبعا من ملاك الام 11

وطبعا انا قريت موضيع فى المنتدى كتير قبل ان اقوم بالتسجيل

وطبعا ولله الحمد انا معيا العربيه وحطيط نتروجين فى العجل من يوم ما استلمت العربيه من الصاله

والعربيه بتعمل معيا فى البنزين فى السفر حوالى 270 كيلو متوسط استهلاك البنزين

طيب ازى ياخى انتا العربيه بتعمل معاك فى مسافه 150 كيلو باعشرين جنيه بنزين

وبعد معبيت النتروجين عملت باعشره جنيه فى مسافه 150كيلو

يعنى العشره لتر بنزين بتعمل كده معاك 300 كيلو كده

يعنى ال20 لتر بنزين هتعمل معاك 600 كيلو طيب ازى

ممكن حضرتك تشرحلى ازى

ولا حضرتك بتحط بنزين اقل من 80

انا اللى اعرفه ان العربيه بتاغد بنزين 92 مشكده ولا ايه

ومعلشى على اطاله

وفى النهايه اقول الله يسامح اللى كان السبب فى انى اشتريت الام 11

وياريت الوحد سمع كلام الناس اللى قالت ابعد عن الام 11