رد: محتار بين التويوتا كورولا و اسكودا فانتازيا
 

استاذ
Limoway

اولا هو حضرتك معاك عربية ايه( الى انت بتقيس عليها ان الكورولا سيئة اوى كده)

طيب ايه راى حضرتك فالهيونداى النترا و ا لميتسوبيشى لانسر والنيسان صنى

رد: محتار بين التويوتا كورولا و اسكودا فانتازيا
 

من غير تفكير كورولا وبس كفايه انك راكب عربيه عليها علامه تويوتا GIFT4U

رد: محتار بين التويوتا كورولا و اسكودا فانتازيا
 

أكيد يا دبور بك ... طيب ما تشترى علامة تويوتا وتحطها على سيات 133 أو زستافا 750

رد: محتار بين التويوتا كورولا و اسكودا فانتازيا
 

أنا معايا حته شيفروليت لومينا 2007 (حاططلك صورتها)

عربيه عاديه (إسترالي) ولا ألماني ولا حتي ياباني

بس بغض النظر عن عربيتي.
أنا بقيم الكورولا في حد ذاتها مش بقارنها بعربيتي لإن عربيتي فئة مختلفة.

بالنسبة لرأي في السيارات الي طلبتها:

1. نيسان صني : بالنسبة لسعرها تعتبر أفضل الياباني (طبعا الي في مصر تقفيل مصري)

2. الهيونداي إلنترا: أفضل السيارات التي ذكرتها بالنسبة للسعر. بدل ماتجيب ياريس ب 120 الف تجيب إلنترا بمحرك جبار وهاي لين فرش جلد ب 126 الف

3. اللانسر الشارك سيارة أفضل من الكورولا (بالنسبة لسعرها) لو مش هاتجبها من مصر. لإن الانسر فل أوبشن في أي حته في العالم أرخص من الكورولا ومتورها مايفك 2000 سي سي ماعدا مصر الدنيا معكوسة. بسبب إستغلال الوكيل لإنتشارها وكثرة الطلب عليها. يكفي شكلها العصري وإن نفس السيارة بتتعمل إفليوشن ببعض التعديلات.

من الاخر لو أنا هشتري من مصر يبقي هرتبهم كالاتي بالنسبة للقيمة المستفاده / السعر:

1. هيونداي إلنترا (كوري)
2. نيسان صني (مصري)
3. تويوتا كورولا (جنوب أفريقي)
4. لانسر شارك (ياباني)

لو هجيب من الخليج هجيب شارك 2000 بدون تردد

طبعا ده رأي الشخصي

رد: محتار بين التويوتا كورولا و اسكودا فانتازيا
 

انا قصدت من سؤالى حاجتين

ان مينفعش نقارن عربيات من فئات مختلفة

وبما انى استنتجت من ارائك فبعض العربيات

انك بتشترى من سوق اخر غير السوق المصرى الى العربية بتتباع 4 مرات سعرها فامريكا مثلا

انا برده رايى ان الالنترا احسن عربية تتجاب بمبلغ 120 الف و هاى لاين اعلى فئة

يعنى انا مثلا معايا اوكتافيا a5 2007

ويوم لما اغيرها بالاسعار الحالية للبى ام 316 و الهوندا سيفيك الى مبالغ فيها بطريقة غريبة

هاجيب شيفروليه كروز توب لاين

اه عربيية مش خطيرة ولا جبارة

انما اهى كويسة

لان السوق المصرى العربيات فيه قليلة

ومجال الاختيار ضيق جدا

وبرده رايى لو واحد معاه 160 الف فقط

احسن حاجة بالمبلغ ده كورولا هاى لاين 9 ايرباجز مثبت سرعة الخ

احسن مايجيب جيتا فاضية خالص

لان رايى الشخصى ان الى عايز يتمتع بعربية يجيبها اعلى فئة