رد: كل شئ عن الأسبويلر.
 

الله ينور يا إنجيكشن موضوع جديد و ممتاز,,,
إسمحلي بعد إذنك ألحق أقول حاجة صغيرة لأي حد عايز يركب سبويلر خلفي أو أمامي,,,
زي ما إنجيكشن قال إن السبويلرالخلفي بتقوم بتوليد قوة عمودية على ظهر العربية (على العجل الخلفي) علشان تمنع فقدان إرتباط العجل الخلفي بالأرض وده في حالة الجر الخلفي فقط لأن الجر الخلفي هو مصدر حركة العربية ,,, يعني أي حد عربيته جر أمامي لو ركب سبويلر يبقى مركبه زينة فقط ولو حد سأله يقول مركبه زينة فقط ,,,
طبعا تركيب السبويلر الخلفي في الجر الأمامي غير مستحب خصوصا لو وزن العربية خفيف (وغالبا معظم الجر الأمامي وزن عربياتها خفيف مقارنة بالخلفي) ,,, ليه غير مستحب؟ ,,, لأن وظيفة السبويلر الخلفي زي ما قلنا توليد قوة إضافية على ظهر العربية مما يؤدي إلى زيادة ثبات العجل الخلفي والمشكلة إنه لو وصل إنه بقى ثبات العجل الخلفي أعلى من الأمامي ,,, الأمامي هايفقد إلتصاقه بالأرض وبالتالي هايزيد إهدار قدرة الموتور على السرعات العالية (تلاقي التسارع بعد ال 140 كم/س مثلا بقي أضعف من الأول) وممكن توجيه العربية كمان يقل.

السبويلر الأمامي ده أهم مليون مرة من الخلفي ,,, لأن وظيفته إنه بيقلل الهواء إللي بينزل تحت العربية على السرعات العالية وبيوجه الهواء يمين وشمال العربية ,,, وهو ده الكلام ,,, الهواء إللي بينزل تحت العربية على السرعات العالية بيبقى عايز يرفع العربية عن الأرض ويقلل إلتصاق الكاوتش بالأرض وبالتالي يقل الثبات وده في كلا من الأمامي والخلفي ,,, بس السبويلر الأمامي منطقي أكثر في الجر الأمامي لأنه بيبقى عايز يجيب بوز العربية للأرض وبالتالي ثبات الجزء الأمامي للعربية الجر أمامي و بالتالي زيادة إلتصاق العجل الأمامي (مصدر الحركة والتوجيه) في العربية.
تحياتي للكل وكل عام و حضراتكم بألف خير :)

رد: كل شئ عن الأسبويلر.
 

رد: كل شئ عن الأسبويلر.
 

الله يكرمك ويبارك فيك وعليك يا Injection ده البركة فيك إنك بتعملنا مواضيع رائعة علشان نقول آرائنا فيها وكلنا نستفيد.
وكل سنة وحضرتك والأسرة و أسرة مصرموتورز بألف صحة وخير وسلام :) ,,, ويا رب دائما يجعل تجمعنا تجمعا مرحوما و ترفقنا من بعده تفرقا معصوما. آمين. :)

رد: كل شئ عن الأسبويلر.
 

رد: كل شئ عن الأسبويلر.
 

مشكوووووووووووووووووووووو ر