رد: تكييف سوزوكي ماروتي 800 cc
 

السلام عليكم ورحمة الله وبركاته
اولا كل سنة وانتو كلكم طيبين
ثانيا .. آخر أخباري انا رجعت التكييف القديم وخصموا من تمنه 300 جنيه يعني رجعلي 2900 والحمد لله
أستخرت ربنا والحمد لله رحت للشركة اللي قلتلي عليها يا حبيب الناس.. وما شاء الله عليهم فعلا ركبولي حاجة مختلفة خالص من حيث الشكل والمضمون صحيح انه بقالي 24 ساعة بس مركباه ولكن الحمد لله فيه فرق كبير وربنا يتمها علي خير ان شاء الله
المشكلة الوحيدة انهم خدوا مني 3200 برضة مش عارفة ليهwhat .. وبصراحة انا قلتلهم اني اللي دلني عليكم قالي انه مركبه ب 2700 .. المهندسة قالتلي لأ اصل كنا عاملين عرض ومش عارف ايه ودي مكونات تانية .. المهم كانت غلطتي لاني كان مفروض اتفق قبل ما أركب ولكن انا قلت انه سعره عندهم معروف ومش هيحصل مشكلة ..
والحمد لله ماحصلش مشكلة وكويس اني كنت واخدة فلوس زيادة صحيح اني فلست بس كله فداء عبد الله عشان الحرILIL

رد: تكييف سوزوكي ماروتي 800 cc
 

ربنا يخليلك عبد الرحمن ويبركلك فيه

رد: تكييف سوزوكي ماروتي 800 cc
 

حبيب الناس كل سنة وانتا طيب ان شاء الله
ألف مبروك عالتكييف وشكرا على الموضوع كله

انا حاليا بفكر اركبه برضو
بس نفسي اشوف صورة للتغييرات اللي حصلت للعربيه
وياريت تبعتلي نمر وعناوين الشركه اللي ركبت عندها

تحياتي ليك وشكرا على ردك مسبقا

اخوك حازم

رد: تكييف سوزوكي ماروتي 800 cc
 

الحمد لله الذي بنعمته تتم الصالحات.. وسبحان الذي سخر لنا هذا وما كنا له مقرنين وانا الي ربنا لمنقلبون
بجد التكييف فارق معانا جدا وربنا يجزيك عنا خيرا يا حبيب الناس .. ويجعله في ميزان حسناتك
هي طبعا العربية تقيلة شوية وخصوصا لما بتبقي الشوارع واقفة .. لكن مش مشكلة كله بالتعود
كل سنة وانتو بالف خير وبصحة وفي سعادة ان شاء الله

رد: تكييف سوزوكي ماروتي 800 cc
 

وعندي استفسار كمان
ياترى التغييرات اللي بتتعمل ممكن تقلل من تمن العربية ولا لأ؟

تحياتي