رد: رابطه مالكي بيجو 305
 

الربطة دى كويسه جداً
بس انا اللى كاره ال305 هى معايا مطلعه عينى مفيش حد بيفهم فيها
1- الحرارة قعدت الف بيها قبل كه عشان درجة الحرارة فى الصيف بتوصل للأحمر و بعد ماروح لخمسه كل واحد يغير طقم الكهربه و اللى يظبطه مره و للى و الللى و فى الخر واحد قى الميه مبتغليش ممكن يبقى العيب فى المؤشر و ولدى قلى فى صباع مقياس الحرارة يمكن يكون هوه ده اللى باظ من الاخر انا زهقت منها و ماشى بيها بقالى سنتين كده لان انا مشويرى كلها مسفات قليلة و اخرهه نصف ساعة او ساعة .
2- العفشه انا مبجريش بيها و اخرى بيها ثمانين مبقرص عليها و فى الاخر القى الحديدة اللى مسكه الميزان بتاع العربيه بيبقى فى اثنين واحده لقتها مشروخة و مسكه من نحية واحدة اعملهه و شهرين و القى العربيه بترزع من كل حته قدام قولت خلاص العفشه باظت اروح لعفشجى يقولى امال النحيه التانيه فين معاك دى مش موجوده خالص بنزل يبص عليها ميلقيش اى اثر حتى لمساميرهاو حاجه تقرف .
3- بعد مكانت مبتشتغلش الصبح ولفيت بارده على اكثر من 8 مكنيكيه كل واحد قرفنى بتخلفه فى الاخر واحد جمبنات ميكانيكى بيفهم قلى دى الموبينه حرارى بوش عشان كده لما تبرد الصبح مبتشتغلش مش هتلقيها جديدة روح هات مستعمله .
4- بعد ده كله و بعد كمان معملت المرش عشان هوه قلى ابقى اعمل المرش عشان صوته غريب و عملت المرش و قعدت 6 شهور و اكتر مفيش مشكله رجعت الهبل تان تشتغل عادى و تيجى مثلا فى اشارة او زحمه لو طفت منك متشتغلش مفيش صوت حتى للمرش و تتزق و قرف و فى الخر اوصل البيت اطفيها و اشغلها كذا مره تشتغل و ثانى يوم و اسبوع و ممكن لو حد جه يركب معايا اجى اشغل بقى و خرجين و لبس كويس و اشغل مفيش صووووووت انضف اوشيط اطنطط حوليها و ابهدل نفسى و لازم ازقها تدور اطفيها قدام الناس و ادورها تانى فى نفس الوقت تشتغل عادى عربيه غبيه غبيه غبيه غبييييييييه . ياريت لو حد يعرف المشكله دى يقولى على حلها انا خلاص اتخنقت منها حد يقول حل المشكله دى الله يباركلوكم .

رد: رابطه مالكي بيجو 305
 

احسنلك بيعها وريح نفسك

رد: رابطه مالكي بيجو 305
 

اولا واخيرا اهم حاجة لازم تعرفها مش اي حد يشتغل فى العربية دي
انا معايا 305 gl موديل 79 ممتازة بقطع فى الشهر بيها تقريبا متوسط 1500-2000 ك مبتقولش لا وسعات بسافر بيها القاهرة التانك بيكفينى رايح جاي
بالنسبة للحرارة اكتر من حاجة
1- التاكيهات ممكن تكون عاوزة تتنضف
2- كهرباء الاسبراتير
3- سلك ملمس
4- بوبينة
5- مؤشر الحرارة نفسة بايظ
6- رادتير مصدي او بيسرب
7- لو متاخر في غيار الزيت الماتور
انت عاوز واحد بيفهم فيها وهتلاقي العربية ممتازة جدا معاك
انت لو من اسكندرية ممكن نتقابل ونشوف العربية محتاجة اي واساعدك باذن الله
بس اهم حاجة موديل العربية كام.....

بالنسبة للعافشة متجبش حاجة استعمال لانها بتبوظ بسرعة او متلحمش لانها بردو بتبوظ بسرعة وده عن خبرة
مش شرط السرعة علشان العفشة تبوظ المهم انت بتاخد المطبات ازاى .. حنين ولا بترزع العربية
اتاكد من الجلب لانها الاساس

بالنسبة للمارش لو بايظ
- لو ترس ... يتغير اما لو حاجة اكبر ترمي وتجيب واحد جديد مش استعمال

رد: رابطه مالكي بيجو 305
 

اه وبالنسبة لحاجة العربة متوفرة فى السوق كل الحاجات الاساسية واغلي حاجة فى العربية الكبالن وعمرة الماتور بس غير كده كلو رخيص
الكبالن ... صينى 500-550 ايطالي 950 ارجنتينى 1200 فرنساوى 1800-2000
طبعا متخدش الصينى لانو حظوظ
مساعدين امامى جديد فرنساوى ريكورد 450 خلفي 350-450
اسكترا كاملة مستعمل 100-150
يايات ورا 250-300 امامي 300-350
اسبراتير 650-800
كربراتير 700-800
دي اهم حاجات انا سائل عليها
واي حاجة انا فى الخدمة
:danceW7::018A1D~146::dan ceW7:

رد: رابطه مالكي بيجو 305
 

ارجوا الرد سريعا علي هذا السوال انا لدي سيارة بيجو 305 اريد شراء مساعدين من اين ؟ وما السعر؟