مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - كلمتين وبس (https://www.masrmotors.com/vb/showthread.php?t=39982)

رد: كلمتين وبس

اقتباس:

المشاركة الأصلية كتبت بواسطة EgyZizo (المشاركة 293812)

يا باشمهندس سمير .. كتر ألف خيرك على المعلومات الهايلة دى ..

بس بهذه المناسبة ، أحب احكى لك عن حاجة لاحظتها فى عربيتى الـ 128 ..
أنا ليا فترة ماشى بالنصيحة بتاعة حضرتك وفعلاً لاقيها مفيدة جداً خصوصاً فى الشتا الصبح بتبقى الدوارة أسهل كتير وأنا دايس دبرياش ..

بس مؤخراً العكس بالظبط حصل معايا وده أنا مستغرب له جداً ..
العربية تدور كويس بدون دبرياش ، ولو دست دبرياش وحاولت أدور ألاقي المارش يعتل وتدور بصعوبة.

الموضوع ده ليه حوالى من شهر إلى شهرين .. مع ملاحظة إنى العربية كانت ضاربة جوان وش السلندر ولم أكتشفه غير لما العربية بقت مدربكة فى المشى وبقت تبطل منى وبقت الميه أول ما أحظها فى الرادياتير تتشفط ، فالميكانيكى لما شاف مقاس الزيت لقاه طحينة ، فقال لى ده جوان وحل وش السلندر وحط شوية لحامات علشان كان فيه بارومة فى وش السلندر وعمل جوان جديد.

بس الحكاية دى مازالت مستمرة.

فمش عارف هل فيه علاقة ، ولو مافيش ، ايه اللى يخللى العربية تعتل وتعاكس فى الدوارة مع دوسة الدبرياش مع ان المفروض العكس هو اللى يحصل؟

طيب بيحصل الكلام ده فى كل الأوقات

يعنى الصبح قبل ماتدور

وأمتى تانى بالضبط

لأن دى حاله بحاجه للتفكير جيدا

وحنلاقيلها حل بأذن الله

ومتابع معاك

اقتباس:

المشاركة الأصلية كتبت بواسطة الصيداح (المشاركة 293835)

كلمتين فيهم الخلاصة
تسلم إيدك على الموضوع الرائع حقا

الله يخليك

رد: كلمتين وبس

اقتباس:

بس مؤخراً العكس بالظبط حصل معايا وده أنا مستغرب له جداً ..
العربية تدور كويس بدون دبرياش ، ولو دست دبرياش وحاولت أدور ألاقي المارش يعتل وتدور بصعوبة.

الموضوع ده ليه حوالى من شهر إلى شهرين .. مع ملاحظة إنى العربية كانت ضاربة جوان وش السلندر ولم أكتشفه غير لما العربية بقت مدربكة فى المشى وبقت تبطل منى وبقت الميه أول ما أحظها فى الرادياتير تتشفط ، فالميكانيكى لما شاف مقاس الزيت لقاه طحينة ، فقال لى ده جوان وحل وش السلندر وحط شوية لحامات علشان كان فيه بارومة فى وش السلندر وعمل جوان جديد.

بس الحكاية دى مازالت مستمرة.

فمش عارف هل فيه علاقة ، ولو مافيش ، ايه اللى يخللى العربية تعتل وتعاكس فى الدوارة مع دوسة الدبرياش مع ان المفروض العكس هو اللى يحصل؟

لقيتلك السبب بفضل الله

تطحين الزيت بسبب تلف وش السلندر

أثر للأسف على سبايك عمود الكرنك

وزادت نسبة الخلوص بين بطن السبايك ومناطق التحميل على الكرنك

بوش يعنى الكرنك على سبايك التحميل

وطالما بوش بسبب زيادة نسبة الخلوص

يبقى مش حينفع تدور تانى وأنت فاصل دبرياج

ليه أنا بأقولك هذا الكلام ...............؟

1- لما بتفصل دبرياج ومع زيادة الخلوص ....الفلام بعمود الكرنك بيلعب وبيعمل زاويه خفيفه

مع دخول ترس البندكس الخاص بالمارش عليه

ومن هنا

لايحدث تقابل جيد بين أسنان ترس البندكس وأسنان ترس أدارة حدافة المحرك ( أى

أسنان ترس الفلام )

وبناء عليه

لازم يحصل التعتيل من المارش وعدم أستطاعتك للدواره وأنت فاصل دبرياج

2- ليه بأه بدور بصوره معقوله وأنت سايب الدواسه ( الدبرياج معشق )

كون الدبرياج معشق

يعنى مفيش حركه زاويه ممكن تحصل بصوره كبيره للفلام بالكرنك أثناء دخول

ترس المارش عليه من أجل محاولة الدواره

لأن الفلام فى هذا الوضع محكوم إلى حد ما من الجهتين

جهة عمود الكرنك الطبيعيه

وجهة أخرى تمسك الفلام بسبب وجود عناصر أخرى ( مثبته الفلام بالكرنك )

ألا وهى مكونات الفتيس العلويه بالليله إللى عليها

رد: كلمتين وبس

مكرر
--------------------------------

رد: كلمتين وبس

ياااااااااه يا باشمهندس ، ده كلام كبير قوى تشكر عليه ..
بصراحة أنت أستاذ ومافتكرش ان حد من اللى باتعامل معاهم ممكن يوصل لتفسير زى ده.

طيب يا ترى نصيحتك ايه؟
يبقى الوضع كما هو عليه ولن يكون من المتوقع أن يسوء أكثر ،
واللا فيه حاجة ممكن تتغير (فى الحـًــنين ) ممكن ترجع الأمور لسابق عهدها؟

رد: كلمتين وبس

س -

اقتباس:

طيب يا ترى نصيحتك ايه؟

ج -

اقتباس:

يبقى الوضع كما هو عليه ولن يكون من المتوقع أن يسوء أكثر ،

أى من ذقتنه .....وأفتله

أى الأجابه على تساؤلك فى طيات كلامك