|
رد: ما هي عيوب ومميزات ماتركس 2010
سلام عليكم
من فضلك اخبارها ايه العربيه دى فى البنزين فيه ناس معاها بتقول انها بتاكل بنزين كتير فى موديلات السابقه ياريت تفيدنى فى موضوع ده وكمان اسعار الصيانه ايه وقطع الغيار ياريت تفيدنى بتقدر تحط شنط وانت مسافر فى الشنطه ولا ضيقه ومبتقدرش تحط شنط كتير لازم على السقف؟ وكمان مقارنه بالتيجو ايه بمنتهى لاامانه مع العلم التيجو اعلى وكده وشكرا وربنا يستر طرقك ويبارك لك فيها |
رد: ما هي عيوب ومميزات ماتركس 2010
بالنسبه للاوتوماتيك ... متوسط استهلك البنزين 8 لتر لل 100 كم ... او 240 كم للصفيحه
وطبيعي الاوتوماتيك استهلاكه اكبر من المانيوال ... الموتور هو موتور الفيرنا و النترا 2006 و الجيتس ... لكن على عربيه وزنها طن وربع .. وبالتالي ادائها اقل من الفيرنا و الجيتز الصيانه ( زيوت و فلاتر و تربيط عفشه و تشييك عام ) متوسط 600 ل 800 جنيه حسب حتغسل رادياتير ... تغيرتيل ... زيت فتيس ... صيانه ال 60 الف تدخل في الف و نص بالسيور و البليه الشنطه سعتها 350 لتر اد شنطه الفيرنا و الانوس ... لكن حجمها ناتج من الارتفاع اكتر من العمق ... و دي ميزه او عيب حسب طبيعه الاحتياج .. لكن الكنبه بتطلع لقدام وورا و بالتالي ممكن تكبر الشنطه ... او تطبق الكنبه و تشيل غساله او تلاجه صغيره و يبقى فيها مكان لحاجات تانيه التيجو مجربتهاش ... لكن هي اعلا من الماتريكس ... شنطه اكبر ... لكن صالون الماتريكس اوسع و قعدتها افضل ... لكن على الطريق مقدرش افتي بالنسبه لبقيه اسعارقطع الغيار مقدرش افيدك اوي ... لأني الحمد لله لحد دلوقتي ( 83 الف ) معملتش اكتر من الصيانه كل 10 الاف يمكن تيل لفرامل في حدود 300 جنيه بالضريبه .. و عموما الصيانات الاولى بتبقى ارخص ... يعني لحد صيانه ال 30 الف من سنتين كنت بدفع 300 ل 400 جنيه ... الله اعلم دلوقتي تعمل كام ... لكن اخر صيانه ال 80 الف .. دفعت 800 بتغيير بوجيهات و الزيت شل الترا و زيت فتيس و غسيل رادياتير و مياه خضرا ... و بقيه الصيانه العاديه الزيوت عملت 313 - قطع غيار 174 - مصنعيه 280 ... والباقي ضريبه :( |
رد: ما هي عيوب ومميزات ماتركس 2010
ربنا يكرمك وشكرا على الرد المفصل وربنا يسهل واخد قرار صح و ان شاء الله هقولك هعمل ايه
|
رد: ما هي عيوب ومميزات ماتركس 2010
ربنا يوفقك لاحسن حاجه ... و مبروك مقدما :)
|
رد: ما هي عيوب ومميزات ماتركس 2010
زميلي العزيز، دائما العربية بتبقى حسب الاحتياج والاستخدام، الماتريكس واضح جدا إنها مش عربية شبابي، يعني مش هتعمل بيها غرز وتخش بيها سباقات، وتمشي بيها على 250!!!!!!!!!!! دي عربية عائلية عملية قوية في الفئة دي، يعني لو حضرتك عايز عربية تنفعك في شغلك، ومع العائلة في سفرك، منتشرة ومريحة وصالونها واسع، وقطع غيارها أسعارها كويسة يبقى الماتريكس طبعا، أما لو عايز عربية شبابي يبقى ابعد عنها تماما، وشكرا
|
| الساعة الآن 07:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017