|
رد: أعرف كل شئ عن السباكة
السلام عليكم
انا عجبني اوى الموضوع ده ربنا يبارك لحضرتك و يبارك لوالدتك عندى استفسار بسيط لو مش بتقل على حضرتك انا ركبت بانيو ايدال استنادر بس الارضية بتاعته بتطبل فى اجزاء معينة لسه السيراميك ماركبش انا جبت طابق تركى ؟! هل ده كويس؟ فنى الشركة (ايجيك) علم على المواسير بس و المفروض هستلم شهادة الضمان قريب لكن ما اختبرش حاجة او اللحمات اللحام كان عن طريق غراء ؟ هل ده صحيح |
رد: أعرف كل شئ عن السباكة
تحديث:
انا كلمت الشركة قالت لى اذا كان فيه مشكلة الفنى مش هيستلم. |
رد: تشطيب الشقة و الديكور
ممتاز لكن فين الصور
|
رد: أعرف كل شئ عن السباكة
اقتباس:
أيمن أبو شروق 01005314147 01287710555 |
رد: أعرف كل شئ عن السباكة
موضوع جميل جدا وتسلم ايدك يا ابو شروق
عندى استفسار فى تركيب البانيو السباك طلب مني اجيب بانيو صاج فرانكى سامي عشان يدفنه فى السيراميك وحذرنى من البانيو الالكريليك عشان عندى اطفال رغم ان اصدقائى عندهم بانيو ايديال استاندرد خارجى وبيشكروا فيه هل الكلام ده سليم السئوال الثانى لو انا هركب البانيو الاكريك النضيف من السلاب مثلا ابو شاسيه بس مش هشتريه حالياً السباك المفروض يطلع ماسورة الصرف بتاعته على بعد كام سم من الحائط وهل ليها مواصفات معينة هذه الماسورة؟ هو البانيو 170 سم والجنب اللي هيركب فيه البانيو 2.5 متر وتفبل تحياتى |
رد: أعرف كل شئ عن السباكة
اقتباس:
شكرا لزوق حضرتك البانيو الاكليرك الى بيركب قبل السيراميك بيعتمد كلى وجزئى على الصنايعى فى أختبار الصرف وطريقة التركيب لأن البانيو بياخد وقت عن الصاج عشان لازم الفراغ بين البانيو الحائط يتكبس رمل ناعم وبيتم التأكد من أن كل أجزاء البانيو ليست فارغة بالخبط عليها أما البانيو بعد السيراميك بشاسيه فليه مواصفات تانيه أولا حضرتك هتروح مثلا السلاب هتشوف الموديل الى هيعجبك سواء أيديال أو ديورافيت وتعرف أسم الموديل أيه؟وتطلب من السيلز المندوب الى بيفرجك على البانيو صورة البانيو لعمل السباك الابعاد المطلوبه للصرف ومكان الخلاط لأن كل نوع وموديل ليه مقاسات خاصه بيه يعنى مثلا مكان خلاط الدش الشائع يا فى المنتصف يا أما فى رأس البانيو الى هو العرض ال 70سم مثلا لأ فى الانواع الى بتركب بعد السيراميك بكون ليه مكان معين فى التصميم عشان الاماكن العريضه فى حرف البانيو ممكن تكون فى المنتصف أو فى رأس البانيووبكده المياه من الخلاط تصب على حرف البانيو وكل المعلومات دى بتكون موجوده فى الصورة الخاصه بالموديل الى حضرتك تختاره ثانيا يجب التأكيد على المبلط لـاكد من زوايا الحمام وتسليمها زوايه قائمه عشان البانيو يبقا مخدم على الجنبين كويس وليس مفتوح من زاويه ومضبوط من زاويه هيؤدى لتسرب المياه من خلفه أرجو أن أكون أفدتك وقدرة أوصلك المعلومه ويشرفنى زيارة صفحتى على الفيس أرجو أن تتقبل تحياتى ولو فى أى أستفسار أتصل بى رابط الصفحهhttps://www.facebook.com/pages/%D8%A...?ref=bookmarks |
رد: أعرف كل شئ عن السباكة
الف شكر يا ابو شروق وتسلم ايدك وتعبك معانا
انا اسف على التأخير فى الرد |
| الساعة الآن 08:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017