خالدخليفة |
16-03-2010 07:06 AM |
رد: الحق تليفونك الصينى لا يعمل ( من المخطى)
هو فعلا ممكن يكون السبب امنى لان كل الاتصالات فى مصر والعالم مراقبة وليها اجهزة خاصة بالكلام ده سواء نت او موبايل او تليفون ثابت كله مراقب وانا فوجئت بواحد جارى كل م اساله بتشتغل ايه يقول فى الداخليه لحد فى يوم م وقع بلسانه وقال كل منطقة ليها شخص معين قاعد على جهاز كومبيوتر ومعاه جهاز تانى بيشوف جميع الاجهزة فى المنطقة اللى حواليه داخلين على مواقع ايه وبيقولو ايه وبيكلمو مين وقال ان المنطقة عندنا غير المنطقة عند الناس يعنى مثلا منطقة الزيتون دى مقسمة الى حوالى 15 او 20 مربع كل مربع عليه كذا شخص ولذلك انت قول اى كلام فى السياسة وادخل على مواقع غير مرغوبة سياسيا هتلاقى الجهاز هنج والويندوز وقع والفيروسات زادت المهم بينى وبينكو قلت لما اجرب وروحت ادور على موقع تنظيم القاعدة اشمعنى قناة الجزيرة بتوصل للموقع ده وبعد ساعات طويلة من البحث لقيت موقع تنظيم القاعدة فى بلاد الرافدين بتاع الراجل اللى اسمه ابو مصعب الزرقاوى طبعا كلكم فاكرينه وكان عليه فيلم مدته حوالى 45 دقيقة عن بطل عراقى دوخ الجيش الامريكى وطلع عينيهم وجايبينه وهو بيصطادهم كما الذباب والمخابرات الامريكية مش عارف تصطاده ولا الجيش الامريكى وسموه اسم وهمى اعتقد سموه ويجا تقريبا المهم عجبنى الفيلم روحت منزله عندى امعانا فى تجربة كلام صاحبنا وبعد م نزل الفيلم ب 5 دقايق بالظبط لقيت الجهاز تقل ومبقاش يستجيب خالص ووقف تماما قلت اقفله وافتحه تانى عملت كده لقيت شاشة سودا قلت الويندوز ضاع انزل ويندوز جديد لقيته بيقوللى انه مش شايف الهارد من اساسه وان الهارد ادامه حتة واحدة ممبهمة وديته للراجل اللى بيصلح قال ده عايز اعادة تقسيم الهارد لان الهارد فيه مشكلة وعايز تقسيم من جديد ولازم يتفرمت كله طبعا علشان نعرف نقسمه من جديد وطبعا اتكلفت وقتها حوالى 40 جنيه او 50 مش فاكر غير مواقع جميلة كتير كنت حفظتها فى المفضلة راحت طبعا ومن يومها حرمت
|