المشاركة الأصلية كتبت بواسطة ramy01011 (المشاركة 171415)

لو رايح اشتري عربية مستعملة اخد معايا مين بالظبط تاجر عربيات بيفهم في العربيات بحكم شغلة و لا ميكانيكي ؟ انا معروض عليا كورولا 2003 اوتوماتك فبريكة برة و جوة اوتوماتك فل اوبشن ماشية 130 الف كيلو صاحبها عايز فيها 75000 يا تري ده كويس و لا اية؟

المشاركة الأصلية كتبت بواسطة zizophone (المشاركة 171453)

اولا الف مبروك مقدما :GROWIN~12: وربنا يكرمك بيها ان شاء الله لو كانت كويسة وحلوة ويبعدك عنها لو كانت وحشة .




ثانيا بانسبة للسعر ptmnlo123per118 هي تعتبر غالية حبتين ياعني 2003 وماشية 130 الف كيلو كتير بردك ياعني انا في رايي لو تعرف تخلصها على 71 72 يبقي حلو انما كدة تعتبرغالية , الا لو كنت ركبتها وشايف ان حالتها كويسة دي حاجة ترجعلك.



ثالثا بقي موضوع الكشف عليها والله حضرتك لما كنت بشتري عربيتي الكورولا ال 2005 كان ليا راي مش عارف يعجب حضرتك ولا ايه :CHUBBY~36:

وانا رايح اشتري كنت بفكر ptmnlo123per118 في اني اخد سمكري و ميكانيكي بس لما قعدت افكر قولت طيب هو الميكانيكي حيفهم ايه في المكنة ولو فهم حيقدر يقولي حالتها ايه ولو قال حيعرف في الفتيس الاوتماتيك اصلا ولا في العفشة ولا حتي حيعرف الزيت المستخدم كويس ولا وحش والسمكري طيب مهي لو معموله صح قوووي مش حتبان وبردك حتدخل عليه .

قولت ptmnlo123per147 ماندي العيش لخبازة واروح التوكيل واعمل كشف بيع وشراء و صيانة كاملة وهو الي يقولي حالة العربية من ( مكنة - عفشة - الات جر - فتيس - كهربا - كاوتش ) واهو اعرف راي التوكيل فيها , وقولت مش بيقول فبريكة برا وجوة والتوكيل كدة كدة بيتلكك اصلا على اي حاجة متغيرة او مرشوشة برا وفي الكشف بيبص على القنطرة وعلى الشاسية بالكامل و العفشة ولو في اي خربوش في الدواخل بيقول عليه .


رابعا بالنسبة لتوكيل تويتا عندهم كشف البيع دة طريقتين

أ- كشف من غير زوايا (صاج - عفشة - كبس ماتور - كبس فتيس ) ودة بياخد وقت ساعة ونص وبيكلف 150 جنية .

ب- كشف بزوايا ( صاج - عفشة - كشف على القنطرة والزوايا والعفشة - كبس ماتور - كبس فتيس - سيور - فلاتر - كهربا -الحالة العامة للسيارة - تكاليف الصيانة) + ظبط زوايا للسيارة ودة بياخد وقت ساعتين ونص وبيكلف 250 جنية .

واكيد طبعا انا اخترت ابو 250 جنية لان دي فلوس وبتتدفع .

ويا باشا انا تحت امرك في اي حاجة تحتاجها ويارب اكون افدتك ptmnlo123per133

المشاركة الأصلية كتبت بواسطة ramy01011 (المشاركة 171457)

شكرا للإفاده انا ناوي اعمل كده فعلا ان شاء الله انا بس كنت يتكلم عن الفحص المبدئي قبل ما ادفع عربون لصاحب العربية يعني مين اللي يقدر يقول العربية دي تمام عربن وروح اعمل الفحص ؟

المشاركة الأصلية كتبت بواسطة ramy01011 (المشاركة 171415)

لو رايح اشتري عربية مستعملة اخد معايا مين بالظبط تاجر عربيات بيفهم في العربيات بحكم شغلة و لا ميكانيكي ؟ انا معروض عليا كورولا 2003 اوتوماتك فبريكة برة و جوة اوتوماتك فل اوبشن ماشية 130 الف كيلو صاحبها عايز فيها 75000 يا تري ده كويس و لا اية؟