رد: دليل الاعطال و الاصلاحات للفيرنا
 

متشكر جدا لإهتمامك يا أستاذ ميدو
وجارى التجربة ويارب تتحل المشكلة

رد: دليل الاعطال و الاصلاحات للفيرنا
 

الحمد لله لقيت الحل
اللى بيعمل الصوت ده احتكاك قفل الباب مع شنكل الباب اللى في القايم
العلاج المؤقت انى لزقت شريط لحام على الشنكل بس مش كتير علشان الباب يعرف يقفل كويس
والحمد لله الصوت راح خالص

بس ده برضو مش علاج نهائي ياريت لو فيه أي إضافة أو فكرة هاكون شاكر لحضرتك وأعضاء المنتدى الكرام.
تقبل تحياتي

رد: دليل الاعطال و الاصلاحات للفيرنا
 

أنا اشتريت فيرنا م 2007 اوتوماتيك من شهر ونصف بالضبط وغيرت سرفيس كامل وكشفت عليها ف بنزينة وكمبيوتر وقالوا كويسة جدا... وبدأت اتعلم عليها مع مدربة من شهر ونزلت بيها بالضبط 5 مرات... اول مرتين كانت كويسة... ثالت مرة فرامل اليد سابت وغيرت سلك فرامل اليد والميكانيكي قال ان المدربة استعفت ع فرامل اليد لانها بتوقفني بيها ع طول.. رابع وخامس مرة ظهرت المشكلة دي.. مش عارفةادوس بنزين ع الشعرة زي مابتقولي المدربة لانها مش بتمشي لما بعمل كده واضطر ادوس بنزين جامد والموتور يعمل صوت وحش... ده غير ان فرامل الرجل لما اهدي بيها مثلا في اشارة وارجع اشيل رجلي من عليها العربية مش بتمشي الا لما ادوس بنزين... وفي برضه حاجة غريبة؟ مؤشر البنزين مدي اشارة انه فارغ Empty بينما العربية متفولة... المدربة قالت لي العربية فيها مشكلة ورحنا للميكانيكي مع العلم اني اول مرة اسوق واتعامل مع ميكانيكي... المهم قال زيت الفتيس عايز يتغير قلت له انه متغير من 6 اسابيع فقط قال يبقى حط لك زيت سئ غيري وهاتي موبيل.. رحت البنزينة قال لي اتاكدي الاول ان العيب من الزيت مش من الفتيس نفسه.. روحي الحي السابع شوفي الفتيس... علما باني من مدينة نصر... انا بصراحة خفت لاني معرفش حاجة ولا اعرف ميكانيكي معين واسمع ان الفتيس الاوتوماتيك غالي... اتصرف ازاي دلوقت كمبتدأة؟؟؟؟ اسفة على الاطالة...http://www.masrmotors.com/vb/images/...0102%7E318.gif

رد: دليل الاعطال و الاصلاحات للفيرنا
 

مشكككككوررررررررررررر

رد: دليل الاعطال و الاصلاحات للفيرنا
 

روحي التوكيل خليهم يكشفو عليها علشان تتأكدي من كلام الميكانيكي ان بصراحه كلهم حرميه الا من رحم ربي وانشأ الله الموضوع يطلع بسيط

رد: دليل الاعطال و الاصلاحات للفيرنا
 

FLASHCar:Bravo:.......... ......................... ......................... ......................... ......................... ......................... ......................... ......................... ......................... ......................... .........

رد: دليل الاعطال و الاصلاحات للفيرنا
 

سؤال فنى هام جدا يا جماعه
دلوقتى يا جماعه أنا بدور على فيرنا أتوماتيك مستعمله, وشفت عربيه 2012 معروضه للبيع وجربتها على بسيط, سحبها كان كويس, بس حسيت إن عصاية الفتيس غياراتها مش دقيقه أو واضحه أوى (يعنى تكات الدرايف والمارشدير مثلا مش واضحه كده سايحه شويه وممكن تيجى تدى مارشدير مثلا ما تحسش بالتكه وتلاقى إنك عديته والعصايه ما تثبتش عنده لوحدها لازم تاخد بالك توقف إنت عنده), بس الراجل صاحب العربيه ساقها قدامى وما لخبطش فى حاجه وقالى إنت متعود عالزجزاج بس (كان كل مره يجيب مارشدير يبوقف على p اï»·ول بعدين يرجع مش بيروح من d ل r على طول, أنا جربت من d ل r مره واحده بتيجى بس محتاجه تاخد بالك من العصايه), طبعا أنا بقارن بإن كان عندى عربيه بيكانتو أوتوماتيك برده بس كان الفتيس زجزاج ومفيهوش زرار lock فى العصايه زى الفيرنا) مش عدل كده, فهل ده طبيعى ولا ï»·, وإزاى أقدر أطمن إن الفتيس سليم