يبقى إنت أكيد فى مصر
 

لما تلاقى واحد واقف الساعة 7 الصبح بينظم المرور ومش مستنى فى المقابل حاجة




* لما نجم الجيل فى هذه اللحظة العظيمة من تاريخ مصر يبقى عصام شرف مش تامر حسنى



* لمل يبقى يوم الجمعة أوله ترانيم وبعد كدة صلاة جمعة وبعدها أغانى وطنية و كله فى مكان واحد

* لما رئيس وزراء دولة يصلى جنبك ع الرصيف



* لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال



* لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت



* لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه



* لما الناس لسة لاقية تاكل فى بلد بتتنهب بقالها 30 سنة



* لما أبوك يسيب أخبار التلفزيون ويجى يقولك شوفلى الناس بتقول إيه على تويتر



* لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد



* لما الجيش يبعتلك مسجات أكتر من خطيبتك



* لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور



* لما أهلك يفتخروا بيك قدام الناس ويقولو ده مش بيقوم من عالفيس بوك



* لما العالم كله يتابع السباق الرئاسى فى مصر كأنه إنتخابات أمريكا



* لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين

يبقى إنت أكيد فى مصر

رد: أغرب جراج في العالم
 

رد: the komy and the secret
 

رد: بيان على المعلم
 

لقد هزتنى هذه الصورة الرائعة الى هذا الحد يصل تواضع رجل الجيش ذى الرتبة العالية مع أم فقدت ابنها ، والله هذه صورة أبلغ من أن نعلق عليها وهى هدية لكل أم أستشهد إبنها فى سبيل الحرية ...فى سبيل مصر
وكل عام وكل أم مصرية بخير بمناسبة عيد الأم

رد: يبقى إنت أكيد فى مصر
 

الله الله الله - مش لاقي حاجة تتقال اكتر ولا اكبر من كده - بس حابب اضيف - لما تلاقي واحده ست عدت الخمسين بسيطة جدا واقفة تتكلم مع شباب في السياسة وليه يقولو لا وليه بلاش يقولوا نعم (والله عندنا في الاسكندرية في ارض الحلواني بميامي) - لما تلاقي راجل كبير في السن بتقولو تعالي يا حج متقفش في الطابور وادخل اللجنة علي طول يقولك انا مش اقل من الشباب اللي واقف - يبقي انت اكيد في مصر