رد: دليل الاعطال و الاصلاحات للفيرنا
 

وبالنسبه للسرعه هل انا لي سرعه محدده عشان انا زيرو او امشي عادي زي ما انا عايز وفي حاجه تانيه انا مش بجري ولا بحب الجري بس مش بنقل الفتيس من 1 الى 2 الا بعد 35 ومن التاني للتالت الا بعد 70 ومن التالت للرابع 85 والخامس بين 95 وال 100 بس هل دا فيه مشكله على العربيه او عادي ادوس لاني متعود اسوق المانوال بالطريقه دي واسف على الاطاله والازعاج

رد: دليل الاعطال و الاصلاحات للفيرنا
 

بص ياباشا
في الاول بلاش تقرص على المحرك يعني كبيرك 90 او 100 كلم و حاول تنقل قبل ماصوت المحرك يعلى بعد ماتعدي اول الفين كلم خدلك مشوار كدة للعين السخنه بالعربية صد رد و تاني يوم هتحس بفرق في العربية
بص لو موبيل غيره على 3000 كلم
شل الاصفر عادي الطبيعي بتاعه 5000 كلم
شل الفضي كل 10000 كلم و دول موجودين في اي بنزينه شل
زيت ليكو مولي ممتاز انا بستعمله في موضوع هنا عنه دور عليه هيفيدك جداا هاتوا من اول صفحة
بانسبه للكاوتش مقدرش افتي لاني مجربتوش

رد: دليل الاعطال و الاصلاحات للفيرنا
 

انا عاجز عن الشكر وربنا ما يحرمنا من نصايحك وتوجيهاتك وانا زي ما بيقولو اصحابي هنا موسوس شويه بس واشكرك مرة تانيه على التوجيه والتوضيح

رد: دليل الاعطال و الاصلاحات للفيرنا
 

معلش انا قلتك شويه معاي الزيت موبيل 1 بتع المحطه قلي بيمشي معاي لغاية 10000 عشان كدا انا حطيت منه ودا قبل ما اسجل واعرف المنتدى لكن خلاص بعد ماسجلت معاكم واتعرفت على المنتدى وقريت كلام وردود خبراء الفيرنا مش هفك مسمار الا بعد ما اجيلكم هنا واستشيركم وكلامكم هوا ايلي هيمشي وهاخد بيه عشان الورش والصناعيه مش ثقه والواحد بيخاف من كلامهم وكل واحد منهم بيقول كلام واسف على الاطاله يا غالي

من فضلكم ساعدوني العربية بتسخن مع التكييف
 

السلام عليكم اعضاء المنتدى الكرام
عربيتي فيرنا موديل 2004 اوتوماتيك 1600 عاملة 100 الف
المشكلة ان العربية بتسخن وانا ماشي بس لما يكون التكييف شغال و لما الطريق يتزحم شوية او اركن العربية مش بتسخن وهيا واقفة لما ارجع امشي بيها تاني تسخن بردة اقفل التكييف العربية مش بتسخن اشغله تسخن وهيا ماشية
غسلت الردياتير و غيرت سائل التبريد من سعودي لموبيل و مفيش فايدة المشكلة زي ما هي مش عارف ايه الحل

رد: دليل الاعطال و الاصلاحات للفيرنا
 

رجاء الرد علي سؤالي

رد: دليل الاعطال و الاصلاحات للفيرنا
 

صباح الفل يا فيرناوينة يا حلوين
بالنسبة لزيت موبيل وان المظلوم ياجماعه انا معايا الزيت زي الفل والله والحمد لله اخر مره منزله 9000 والراجل والله العظيم كان متضايق انا بنزله علشان كان من الممكن يكمل اكتر هو انا في رايي بترجع لاستخدام صاحب السيارة وسواقته وكده
واتمني ان شاء الله ان الثقه ترجع للناس تاني
مع الشكر