رد: للرد على استفسارات الاعضاء والدعم الفنى لمالكى الفيرنا
 

رد: للرد على استفسارات الاعضاء والدعم الفنى لمالكى الفيرنا
 

العمود اللى انت بتتكلم عليه ده اسمه قربه المساحات
اللى هوا لما تشغل المساحات بيطلع ميه من الرشاشين الاتنين الموجودين فى الكبوت
فاهمنى
ونصيحه منى عشان يلمع معاك الزجاج وانت مستعجل ومكسل تاخد الزجاج بفوطه
انك تحطله نقطتين تلاته بريل كده عشان والمياه طلعه على الزجاج تلاقى فيها نسبه رغوه هتساعد فى تلميع ونظافه الزجاج

مشكله دبرياجى اتحلت الحمد لله وانا رديت عليك فى التوبيك بتاعى
زيت الباكم المفروض انك تبص عليه على طول طول مهو فى النص بين العلامه المين والماكس تطمن
وبعد سنه او سنه ونص تنزل الزيت كله وتغيره
والدبرياج على زيت اها مش وايز زى الاكسل

رد: للرد على استفسارات الاعضاء والدعم الفنى لمالكى الفيرنا
 

بص هو انا عربيتى هاف وجايبها فى 9-2009
اللى كان نازل فيها الكوريك والاستبن ومفتاحين ومفك
نصيحه منى غير الكوريك الحقير اللى نازل فىا لعربيه بواحد تمساح محترم عشان يسعفك وانت فى الطريق او كاوتشك اتخرم فى مكان مش امان
لان الكوريك اللى نازل فيها ده كوريك عاوز بال طويل وتعد تلف حوالين نفسك عشان ترفع العربيه بيه
انا جيبت كوريك مساح بعد شرائى للعربيه بحوالى شهر
وكنت جايبه ب85 جنيه
بالنسبه لاسألتك على الانذار معنديش معلومه والله لان انا عربيتى هاف وكانت نازله من غير انذار وانا اللى ركبت الانذار برااا
والانذار الصينى اللى انا مركبه ليه فعلا زرار بيعلى ويوطى
ان شاء الله محمد تونسى يرد عليك فى استفسارك ده لان على حد علمى عربيته كامله وهيبقى عارف اكتر منى

عيب عليك متقولش تقلت عليك والكلام اللى مالوش لزمه ده
احنا كلنا بنسفيد من بعض

ربنا يباركلك فيها ياااارب

رد: للرد على استفسارات الاعضاء والدعم الفنى لمالكى الفيرنا
 

ازاى تحافظ على عربيتك

مبدئيا اعرف كده ان عربيتك اجره يعنى معرضه فى اى وقت تاخدلها خبطه او بوسه او حكه خفيفه كده على الماشى
اهم حاجه توكل على الله وربنا هو اللى بيسترها لان احنا بنغلط كتير جدا وربنا وحده هو اللى بيعديها
ونصيحه منى لازم تعين للعربيه متوسط 10-15 جنيه يوميا يعنى من 300-450 جنيه شهريا يكونوا على جمب خارج مصاريف العربيه
وده ياسيدى عشان لو لقدر الله حصل اى حاجه فى العربيه فى وقت انت مديون او ممعكش تدفع فلازم يكون معاك رصيد باستمرار وتكون جاهز

متركبش العربيه لسواق ابدا ابدا مع احترامى لكل السواقين المحترمين لان العربيه خيرها للى راكبها مش لصاحبها وممكن ربنا يوقعك فى واحد بن حلال يخبطلك عيل او يعمل حاجه غلط فى العربيه وفى الوقت ده انت اللى هاتتشد لغايه ماتثبت ان الوقت ده انت مكنتش سايق
ولو اضطريت اوى تركب لسواق بعد ماتزهق وتتعب بعد سنه لازم تمضيه وتبصمه على وصل امانه عشان يحس ان العربيه بتاعته ويخاف عليها زيك بالظبط
لو معملتش كده الله لايقدر العربيه فى مره هاتتخبط هاييجى يرمهالك عند البيت ويسيبك ويمشى

ثانيا : ابعد نهائيا عن الشراشير لانك هتقابلهم كتير جدا واقدر اقولك نص الشغل بالليل بيكون مع النماذج ديه
ثالثا : الشغرنه مؤرفه الى ابعد حد تتخيله وعشان كده بقولك متحاولش ان حد يستفزك وخلى اعصابك بارده ومتضايقش نفسك خالص لانك لو مزاجك اتعكر هاتلف على العربيه وهاتروح على البيت ومش هاتشتغل وانا انصحك بكده لو حسيت انك اتضايقت لاتتردد وروح على بيتك على طول احسن متعمل جريمه او تخبط عيل او تفترى على العربيه فى السواقه وانت اكيبد عارف سواقه النرفذه عامله ازى
وانت اصلا ياما هاتشوف فى شوراعنا الجميله فلازم تكون اعصابك هاديه

رابعا : متشتغلش فترات طويله لانك اليوم اللى هاتشتغل فيه كتير غصبن عنك هتلاقى نفسك نايم اليوم اللى بعديه فعشان كده بقولك حاول تقسم وقتك وخليك فى متوسط 6 -8 ساعات يوميا فقط ودول اعتقد فى بلد زى المنصوره ممكن يعملوا معاك 100 جنيه او اكتر كمان لان انتوا بتركبوا واحد واتنين وتلاته عكس هنا فى اسماعيليه بنركب واحد فقط بياخد التاكسى كله وممنوع ان اقف لحد تانى فى الطريق
ملحوظه (( اسماعيليه البلد الوحيده اللى فيها الموضوع ده لان بيقولوا عليها سياحيه ))

خامسا : مش هوصيك طبعا على الزيت والفلاتر والتشييك باستمرار على العربيه لانها هاتبقى ان شاء الله ايدك ورجلك ومتحاولش تسترخص فى اى حاجه وجيبلها افضل حاجه واسال فى كل حاجه انت مش عارفها سواء هنا فى المنتدى او مع الصنايعيه اللى هخايركبوا معاك كتير عشان تقدر تاخد قرار بالعيب اللى موجود عندك او القطعه اللى انت عاوز تشتريها
وانت لما هاتحول غاز حاول تشتغل ساعه يوميا بنزين عشان الغاز فعلا بياذى المكنه على المدى البعيد والبنزين زى ما انت عارف بيعمل طبقه تشميع او كاربون او تزييت على البساتم والسبايك وكده
بالنسبه للريدياتير حد ميه خضراء موبيل الجركن عامل 74 وهايعد معاك سنه او سنه ونص كمان حسب استهلاكك لان الفيرنا اصلا مبتسحبش مياه كتير والعربيه اصلا زيرو ربنا يباركلك فيها
انا عن نفسى لسه شارى 3 جركن من شهر والعربيه بقالها معايا 3 سنين

سادسا واهم حاجه اى حد غلبان لقيته فى طريقك وممعهوش فلوس ركبه على طول حتى لو شكيت انه بيشتغلك
صدقنى كده هتلاقى ربنا بيسترها معاك فى حاجات كتير والعربيه هيبقى فيها لله

معلشى الكلام مش مترتب
بس لو احتاجت اى استفاسر تانى فى كيفيه الشغل او اى حاجه تانيه انا تحت امرك ياكبير
وقولى بقى
انت عملت ايه فى المكتبه ؟؟؟؟؟

رد: للرد على استفسارات الاعضاء والدعم الفنى لمالكى الفيرنا
 

نصيحة هامة لكل الاحباب مالكى الفيرنا واى سيارة جديدة:من فضلكم نرجوامنكم عدم وضع اى صابون سائل داخل قربة المساحة
وللحصول على زجاج لامع وماءمساحة برغوة
1.يوجد زجاجةماء مساحةمركز تركى/امريكى /صينى وفترة الاستهلاك للزجاجة الواحدة تتجاوز 18شهر وذلك مع امطارالاسكندرية
2.وهوحلايسر غيار سائل زجاج :جلانس/ويندكس او اى نوع اخر ثم اكمال الباقى مياة
اضرار الصابون السائل وان كان مجرد نقطة :تأكل موتور القربة وفسادة وهذا للفيرنا واى سيارة
AHLNWSHALNAHLNWSHALNAHLNW SHALNAHLNWSHALNAHLNWSHALN AHLNWSHALN

رد: للرد على استفسارات الاعضاء والدعم الفنى لمالكى الفيرنا
 

رد: للرد على استفسارات الاعضاء والدعم الفنى لمالكى الفيرنا
 

السلام عليكم ورحمة الله
العربيه فيرنا مانيوال مو 2013 ماشيه 200كم ؟

ملاحظ صوت زى صوت التربو اللى بيركب فى الشكمان
بس مبيزدش مع التزويد
وصوته واطى طبعا بخلاف صوت التربو ؟
هل الصوت ده هيروح ان شاء الله مع التليين ؟
والتليين بيكون لحد كام كيلو من فضلكم؟
وايه اجراءات التليين المثلى ؟


فى صوت صفارة ضعيفه والعربيه دايره وواقفه ؟

متابع حضراتكم
وشكرا جزيلا