رد: اسئله المبتدئين ..عفوا ممنوع الفتى :)))
 

معلش يا جماعة البوست ده كان من عضو بيحاول يعمل اختراق للموقع وكان بيدخل بعضويات اساميها زى اسامى الاعضاء المعروفين ويحط بيها كلام قذر زى اللى شوفتوه فيوقع الدنيا فى بعض وتم السيطرة عليه الحمد لله وايقاف عضوياته وحذف غالبية المشاركات بس يظهر كان فيه جزء منسى عموماً اشكركم على التنبيه وتم اتخاذ الازم وشكر خاص للاستاذ حسام البورسعيدى

و Welcome back CARDIO ROSE4U

رد: اسئله المبتدئين ..عفوا ممنوع الفتى :)))
 

شكرا لحضرتك يا ابو نورا على التدخل السريع ..

وزى ما بيقول المثل الشعبى "النخله العالية بتتدحف بالطوب" .. يعنى امثال المشاركات دى اللى بنتفاجئ بيها من حين لاخر ان دلت على شئ فتدل على نجاح منتدانا الكبير وحقد الاخرين على ما وصلنا اليه ..

ربنا يعين الادارة على مسئولياتها الكتير .. وربنا يعيننا على مساعدتكوا وعلى خدمة الاعضاء ...

رد: اسئله المبتدئين ..عفوا ممنوع الفتى :)))
 

انا عاوز اعرف ياجماعه ازاى اطلع بالعربيه بسرعه عاليه
انا سمعت انى ادوس بنزين عالاخر وفى نفس الوقت ارفع من عالدبرياج بسرعه
بس مش كده ممكن تفصل ولا ايه ؟؟
وازاى اطلع عالتانى مش الاولانى والعربيه ثابته

رد: اسئله المبتدئين ..عفوا ممنوع الفتى :)))
 

لو قصدك على الطلعه الامريكانى (ان العربية تفوت فى الارض) انت بتدوس سنه بنزين بزياده وترفع رجلك فجأه من على الدبرياج .. بس خلى بالك الحركة دى كترها غلط على العربية ..

لو عاوز تطلع بسرعه بس من غير امريكانى ولا حاجة نفس الطريقة بس تخف رجلك سنه من على البنزين وترفع رجلك بالراحه شويه .. وده لو انت واققف فى اشاره مثلا وفتحت او ما شابه من مواقف تتطلب طلعه سريعه ..

تطلع عالتانى ازاى ؟؟ بتدوس بنزين جامد وترفع دبرياج سنه سنه علشان متبطلش منك .. وسهوله الحركة دى تختلف من عربية للتانية وبتبقى صعبه فى العربيات القديمة نسبيا بسبب ضعف عزم مواتيرها .. الحركة دى ملهاش اى لازمة وكترها يسبب تاكل اسطوانة الدبرياج ...

رد: اسئله المبتدئين ..عفوا ممنوع الفتى :)))
 

طب لو رفعت من عالدبرياج بسرعه كده مش هتفصل منى ولا ايه ؟؟
ولا عشان هدى بنزين جامد

رد: اسئله المبتدئين ..عفوا ممنوع الفتى :)))
 

وكمان اعمل ايه لو طالع كوبرى والدنيا زحمه ومش عاوز اريح عاللى ورايا

رد: اسئله المبتدئين ..عفوا ممنوع الفتى :)))
 

طول منتا مديها بنزين جامد مش هتفصل

وبالنسبة لطلعة الكوبري هتسحب فرامل يد وتظبط الدبرياج مع تنزيل الفرامل لما تيجي تتحرك
التفاصيل هتلاقيها موجودة في نفس الموضوع ده بس فوق شوية