مصر موتورز مجتمع السيارات - مخطط تصفيه الثوره ,,

اقتباس:

المشاركة الأصلية كتبت بواسطة kj1 (المشاركة 1065191)

https://scontent-mxp1-1.xx.fbcdn.net...22&oe=58901EB1

اقتباس:

المشاركة الأصلية كتبت بواسطة kj1 (المشاركة 1065237)

https://scontent-mxp1-1.xx.fbcdn.net...8b&oe=589A9C16

https://scontent-mxp1-1.xx.fbcdn.net...42&oe=5892BAA8
احنا واللجنة ومليارات الدولة - ردي على النفايات كما وعدت
========================= ========
خرج علينا بلحة ببوسته التافه حول كوننا لجان إلكترونية، فمشى وراءه دباديبو، ثم من وراءه يويو، وبعدين سوسن، وبعدين كملت بأبو حمالات
طبعاً تفاهة لا حدود لها، ولكن حاسألهم كده شوية أسئلة ع الماشي:-
• هو احنا اللي تلوننا شوية مع دول وشوية مع دول؟...
• احنا اللي اتفتح لنا الإعلام على مصراعيه وبقينا نجوم من بعد ما كنا نكرات؟
• احنا اللي اتفتحت لنا أبواب الجرائد الصفراء نكتب فيها بفلوس رجال الأعمال؟
• احنا اللي استضافونا في الفضائيات واتعمل لنا برامج اشي حمرة واشي بنفسجي؟
• احنا اللي عملنا مداخلات واستضافات مع قناة الجزيرة بالدولار والريال؟
• احنا اللي سافرنا مؤتمرات وخدنا بوكت موني من السفارات؟
• احنا اللي قابلنا رجال الدولة ورجال الأجهزة في القصور والغرف المغلقة ؟
• احنا اللي جرينا ورا المناصب والجاه والشهرة؟
• احنا اللي بعد ما جرينا ورا المناصب خدنا شلاليت؟
• احنا اللي نظّرنا لرجال الدولة وتلقينا معلومات وتوجيهات؟
• احنا اللي بعد ما سكت علينا الدولة ولقينا نفسنا تحت الشجر يا وهيبة قلبنا عناتر ثورية؟
• احنا اللي فتحنا مراكز تستقبل أموال من كل من هب ودب؟
• احنا اللي جالنا وظايف ترضية عند رجال الأعمال؟
الحقيقة ده إنتو مش احنا، أقول لكو بقى احنا مين
• احنا اللي اترمينا لكلاب السكك في الشارع دون مورد رزق والدولة اتفرجت علينا مع إننا كنا موظفين في الدولة؟
• احنا اللي عدادات كهربة بيوتنا اتشالت واحنا بنتظاهر ضد الإخوان ورجعنا نجري نستلف ونجري ورا حملة تفتيش كهربة الدولة في الشارع عشان يركبوا العداد
• احنا اللي اتقطعت عننا موبايلاتنا 7 شهور وانعزلنا عن العالم عشان مش لاقيين نسدد فواتيرها
• احنا اللي كنا بنستلف من مراتاتنا 10 جنيه تمن التاكسي عشان ننزل نتظاهر
• احنا اللي بعد ما شلنا الإخوان ما حدش شكرنا في الدولة
• احنا اللي بعد ما مشيوا الإخوان فضلنا متسابين ومكاتب تحصيل أحقر بنوك بأحقر بشر بتجري ورانا وبتشتمنا عشان نسدد كروت ائتمان متأخرة
• واحنا اللي اتحطينا بلاك ليست في البنك المركزي بتاع الدولة (ولا نزال) عشان ما عرفناش نسدد 3 آلاف جنيه
• احنا اللي أمهاتنا ماتت ما عرفناش نحط إيدينا في جيوبنا عشان نعالجهم قبل، أو ندفنهم بعد، لولا خيلاننا قاموا بكده
• احنا اللي الدولة استضافت زعيط ومعيط ونطاط الحيط في كل احتفالاتها وما حدش عبرنا بدعوة على طهور
• احنا اللي ما طلبناش مناصب وترفعنا عنها، مع إننا أكفأ ناس في مصر
• احنا اللي ما طلبناش حاجة من الدولة اللي بتدعوا إنها مأجرانا بمليارات الدولارات
ورغم اللي انتو خدتوه من الدولة ومن غيرها باليمين والشمال بتهاجموا الدولة
ورغم اللي احنا ما خدناهوش من الدولة غير القفا ورا القفا بندافع عنها
عارفين ليه؟
عشان احنا خايفين على هذا الوطن اللي انتو شوهتوه
وعشان احنا أنضف وأشرف ناس في مصر
وعشان جزمنا أنضف من شنبات عائلاتكو وسلسالكو كله من آدم ليوم القيامة
بس خلاص
حسام نصار