مصر موتورز مجتمع السيارات - ارشيف الاستراحة 2009

انا كنت بتكلم مع وائل أبو نورا عن موضوع الجزائر تليفونيا

و طبعا أي اتنين عندهم شئ من الفهم

حوارهم هيوصلهم لنفس النقطة

ازاي يحصل التغيير و نخرج من نفق الفشل المظلم في كل المجالات

وائل الصراحة لفت انتباهي لتجربة ناجحة جدا

و هي التجربة التركية

تجربة الديمقراطية المحمية بقوة الجيش

أنا عارف أن الناس المرحبة بالرئيس أو التوريث

وطنين أيضا و وجهة نظرهم المحافظة علي الاستقرار

حتي لو كان استقرار الفشل افضل من تغيير الفوضي او التغيير بديكتاتورية أقسي

و ده هدف النظام الحالي اساسا انه يقنعنا أنه مفيش بديل

حتي المعارضين للأخوان المسلمين أو ما شاباههم فهما مش معترضين علي الأفكار أو المبدأ في حد ذاته

و لكن اعتراضهم ان الأخوان عايزين الديمقراطية لمرة واحدة يصلوا بيها للحكم و يلبدوا فيها

فبما إن حلم الديكتاتور العادل غير وارد و الوريث حتي الآن مفيش أي بادرة تقول انه هيكون افضل من الموروث

و حلمنا انه يصعد للحكم انسان مثقف محب لبلده و يقود عجلة التنمية علي الطريقة الماليزية و تجربة مهاتير محمد

فالتجربة التركية ,, تجربة التغيير عن طريق الديمقراطية مع حماية المبادئ و الديمقراطية عن طريق قوة الجيش

هي الأفضل

حتي لا تكون الديمقراطية وسيلة صعود لديكتاتور فاسد اخر

و طبعا دي كلها احلام و كلام بنقوله لنفسنا