رد: اسئله المبتدئين ..عفوا ممنوع الفتى :)))
 

انا شايف ان كل الناس دي صح
انا بعمل الطريقتين، بس الاغلب فرامل ودبرياج مع بعض، ولما رجلي الشمال بتقى وجعاني بنفض شوية للدبرياج لما اجي ادوس فرامل
شوف انتا بتستريح مع انهي طريقة اكتر واعملها، مش موضوع كبير
بس اهم حاجة مش كل مرة تفرمل تنزل للغيار الاقل وتسيب الدبرياج عشان الماتور هوا اللي يوقف العربية، دي مش وظيفة الماتور ولا وظيفة التروس، الحركة دي بتقصر عمر العربية جامد

رد: اسئله المبتدئين ..عفوا ممنوع الفتى :)))
 

امال انا اللي لسه بتعلم اعمل ايه

بص يا باشا انا الحاجة الوحيدة اللي اتعلمتها ان السواقة مالهاش قواعد و مش 1+1 = 2

انت حاول تفهم على قد ما تقدر طريقة عمل العربية و اسمع الاراء و الباقي يرجعلك انت و تقديرك و احساسك بالعربية .. اللي يريحك و يرحيها هي الاول اعمله و في النهاية العربية طول ما هي ماشية بنستهلك من عمرها مش معقولة هفرشلها سجاد تمشي عليه و امسحها بكلينكس .. اهم حاجة ما نفتريش عليها و نتنتب المحرمات زي انك تنسى و تسيب رجلك على الدبرياج و هي ماشية

رد: اسئله المبتدئين ..عفوا ممنوع الفتى :)))
 

شكر وتقديرشكر وتقديرشكر وتقدير
أولا أحب أشكر حضرتك على الرد
ثانيا كل هدفى أنى أسوق بطريقة مثالية تريح العربية أثناء السير
:fun_car::fun_car::fun_ca r:

ولا عمرى أفكر فى حاجة زى كدة واللى يعمل كده يبقى عاوز يجيب أجل العربية بتاعته
و انا عن نفسى بهدى بالفرامل مع الدبرياج أو أمور العربية بمدة و مسافة كافيتين أن تنزل من سرعة العربية عن المطب أو نزول كوبرى أو أى حاجة لازم أهدى لها و أول ما عداد الكيلو متر يوصل 20 بانزل من الرابع للتانى و أكمل
حاولت أهدى بنص فرملة بدون دبرياج عند المطب العربية بطلت منى للأسف
ممكن أهدى و ادوس فرامل بسيطة جدا جدا عشان الفوانيس الخلفية تنور و اللى ورايا يعمل حسابه اللى قدامه بيهدى أو يقف
تحياتى
:Wkiss5::Wkiss5::Wkiss5:: Wkiss5:

رد: اسئله المبتدئين ..عفوا ممنوع الفتى :)))
 

شكر وتقدير

رد: اسئله المبتدئين ..عفوا ممنوع الفتى :)))
 

السلام عليكم ورحمة الله وبركاتة
يا جماعة لو سمحتم حد يقولى على خطوات سهلة للوقوف على الكوبرى او المطلع والسير بعد ذلك دون ان تنزلق السيارة
ارجوكم الرد وشكرا :fun_Meting:

رد: اسئله المبتدئين ..عفوا ممنوع الفتى :)))
 

بالنسبة للوقوف

انا بروح دايس فرامل و دبرياج لحد ما تقف خالص و بعدين امور و ارفع الهاندبريك و ابطل العربية

بالنسبة للطلعة فيه طريقتين

1- بتدوس فرامل و بتخلي رجلك عليها و تدي الغيار و بعدين تنزل الهاند بريك و تبتدي تسيب الدبراج لحد ما تحس ان الغيار اتعشق و العربية بدات تتحرك بسيط و تسيب الفرامل و تدوس بنزين على طول

2- بتشغل العربية و تدي الغيار و تبتدي تسيب دبرياج وتدي بنزين و اول ما العربية تبتدي تتحرك تنزل الهاند بريك و دي الطريقة الامن و الاسهل

رد: اسئله المبتدئين ..عفوا ممنوع الفتى :)))
 

+11111
انا بعمل كده فعلا
MADDRIVE