رد: دعوة لمقاطعة المستعمل
 

مع احترامى فى مثل انجليزى بيقولك .. I'm not a rich to buy a used car .. انا مش غنى عشان اشترى عربية مستعملة .. كان قصد اللى بيقوول المثل دة انه هيصر على المستعمل اضعاف ثمنه و هو مش غنى عشان يصرف عليه كل شوية .. بس للاسف هنا فى مصر الحالة العامة للمواطن المتوسط متسمحش انه يجيب جديد .. الجمارك مش مخلية حد يشترى .. اخره لو جاب هيجيب فيرنا و بردو ييجى يبص على قطع الغيار ولا يبص على امان ولا سلامة ولا تقنية و لا كماليات .. و لهذا السبب انتشرت الماروتى الزيرو فى الشوارع مع انى متأكد ان بره والله ما يرضوا يركبوها مع احترامى للعربية دى ( كان معايا واحدة :shyy: ) .. والله لو كان ب يد الواحد انه يشترى زيرو ماكان حد اشترى مستعمل .. مهو بالعقل ...قدامى زيرو و مستعمل و على الاختيار , اكيييد الزيرو .. كل مسمار فى العربية جديد لم ستخدم .. فى حاجة احلى من كدة ... تحياتى :Wkiss5:

رد: دعوة لمقاطعة المستعمل
 

عزرا علي التاخير
وربنا يحفظك من كل سوء

ربنا يعينك ويذهب عنك الحزن
وحسبي اللهونعم الوكيل في ال مبارك واعوانهم

فعلا لو الجمارك اتلغت السعر حيقل
بس الزحام حيشتد:fun_10_1_124[1]:

رد: دعوة لمقاطعة المستعمل
 

والله يا اخي 128 مريرة ايضا
ربنا يرزقق ما تتمنا

ربنا يباركلك في سيارتك ويكفيك شرها
وعن موضوع استهلاك البنزين برجاء راسلني علي الخاص
واكتبلي كل حاجة عن سيارتك
وانا متابع معاك باذن الله

رد: دعوة لمقاطعة المستعمل
 

الموضوع مش مقاطعة في الكامل ولاكن في غلو الاسعار

ممكن تجيب حاجة خفيفة تتعم عليها
وبعد كدة ربنا يرزقق ما تتمنا
بالنسبة لسواقين الديناصورات
اهم حاجة ما تعاندش حتي لو انت صح في السواقة


بالله عليك مش حرام عربية من سنة 79 تعمل 35000

احيك علي هذا المثل الجميل ROSE4U

رد: دعوة لمقاطعة المستعمل
 

والله معاك حق انا مريت بتجربة بجد صعبه جدا خاصة انى كنت قعدت فترة طويله احوش فلوس العربية واعمل جمعيات وفى الأخر اشتريت عربية صينى موديل 2006 وطبعا عذبتنى وكل شويه عند الميكانيكى وطبعا مصريف ايه عاليه جدا والله انا صرفت عليها 4000 علشان اوضبها واعرف ابيعا واللى ياخدها ما يدعيش على لأنى والله واخداها متبهدله السمكره والأكر والزجاج والمرايات وكمان بتسخن سخونيه رهيبه ومش عارفه كانت عنينا فين بس هو نصيب قدر الله وما شاء فعل بس ما احبش حد يقع فى نفس المراره دى خاصة انى لما ابيعا ان شاء الله حخسر فيها تقريبا 5000 جنيه بس الحمد لله على كل حال

رد: دعوة لمقاطعة المستعمل
 

يا استاذ عمر انتا بتقول حارم لو تبقا موديل 79 ب 35000
واللهى اتعرض عليا اختها ف المنصوره ب 40000
ومكنش راضى ينزل ربع جنيه
ف عربيات قديمه اه لكن حافظه وجودها وبردو اكيد ملاكها محافظين عليها ومش حارمينها من حاجه
:Wkiss5: :Wkiss5: :Wkiss5:

رد: دعوة لمقاطعة المستعمل
 

طيب انا ايه حالي
انا حكايتي من بدايتها الي نهايتها وعايز قرار
انا شغال في المطار وقاعد في القاهره الجديده ومافيش موصله لي المطار مره وحده لزم علشان اروح المطار اركب بتاع 4 موصلات عقبال ما اوصل اكون نمت في الشغل
المهم بديتي مع عالم السيارات اشتريت عربيه بي ام دبيلو موديل 82 وبصراحه قدعت 3 اسابيع ما غيرتش فيها حاجه وعلشان كده العربيه وانا ماشي شافت عمود شكله كان معرفه قديمه قامت من غير مقدمات ولا اي كلام راحت حضنه العمود العربيه مبقتش تنفع بعتها في ظرف شهر كنت خسران 15 الف جنيه بعتها حدثه بي 5 الف جنيه جه خالي الله يسحمه هو الراعي الراسي في تنقيه العربيات الي بشتريها قال لي امي في عربيه 128 موديل 76 ولا 72 والله مافكر قالها صحابها عايز فيها 7 قامت امي مسكه فيه وهانجبها علشان ماتصرفش ال5 الف وتضيع الفلوس كلها كنت سعتها لسه متزوجتش ولسه قاعد مع الحجه في امبابه هوبا خالي جبها كانت احي عربيه تشوفها وهيا ماشيه ماشيه معوج :shyy: صرفت عليها عافشه وميكانيكا بتاع 2000 الي 3000 ومرحتش بيها غير مشوارين فقط وبعتها من كتر كل لما اخرج اركن اجي ادور القيها عايزه تتزق ولا كانت بتخلي هدومي كلها مملحه بكون نازل من فورن كهرباء بعتها بعديها بي شهر بعد ما ركنتها وقولت الموصلات ارحم بعتها بي 6 الف
لما جيت اتجوز بقا قولت لزم عربيه علشان القاهره الجديده وكده فعلآ نزلنا وكنت بدور علي بي ام E30 ملقتش سعتها في السوق واحنا مشين خلاص لقينا عربيه جولف 2 طلعه من السوق خالي سئل الراجل عايز كام وكده قاله 30 اللمهم اتفرج عليها هوبا تمشي معاك 25 المهم قاله 25 ونص قاله لا والبيعه كانت هتقف علي النص وحمدت ربنا لي ان العربيه كانت شكلها كنبه كنبه ملهاش حل المهم امي برضه هيا برضه قامت طلعه مره وحده خلاص ياعم ال500 عندي SPAGETY المهم العربيه دي صرفت عليها 20 الف جنيه واكتر والله كرهتني في الالماني كله
غيرت كل حاجه فيها من الابره للصاروخ ماتور بي كل مشتملته غير مفصلت الابواب غير قطمه الدركسيون كامله بي الطاره تخيلو العربيه دي كانت عامله ازاي غير 4 فرد كوتش
غير بطاريه غير دوكو وبويه غير عفشه كامله غير انها هيا العربيه الوحيده الي عالمتني السب
كنت عربيه عيل زبال باين ويسلام كانت عليها وقفات عنب كانت بتعطل علي الدائري علي نص الطريق بتعطل في كل مصيبه قولت خلاص مابدهاش هابعها يعني هابعها مع العلم انا مكنتش محوش علشان ازود لما ابعها بس قولت اخلص منها بعتها بي 30 الف
ومش عارف بي ال30 دول اعمل ايه اجيب مستعمل تاني ؟
ولا اشتري زيرو والمشكله ان الزيرو غالي اوووي وانا لقيت مش هينفع مع المبلغ بتاعي غير 3 عربيات ولا عربيه فيهم بحبها نهائي
شيفروليه لانوس رحت اتفرجت عليها حاسس انها مصنعه من اكياس زباله التبلوة بتعها فتحته وجيت اقفله مش راضي قام صحبي رزعه قالي اصله بيتقفل كده قولتله طيب الحمدالله الموظف الي في المعرض ماشفناش كان هيضربنا
وركبتها تكسي وكان مشغل التكيف عربيه زباله موت والعزل تعبان اووووي وكمان وصوت الكوتش في الارض عامل صوت وسمعه من جوه واحنا قفلين الزجاج
الفيرنا عربيه برضه تعبانه اووووووووووووووووووووووي وركبتها برضه مع وحد صحبي تكيفها حلو لكن تحس ان زويها من الامام عامله زي المركب بسبب شكل الكبوت تحس ان العربيه معوجه غير ان صحبي وبي لسانه قالي انها عيبها مافيهاش فرامل وخفيفه بعد 100
وانا شفتلها حدثتين علي الطبيعه
الوجان مش لقي وصف غير اني اوصفها بيه غير انها بجد عربيه ميكروباص راما

ايه الحل يا اخواني اعمل ايه بي الله عليكم مع العلم انا مش في استحمال قسط يوصل 1500 علي 5سنين علشان اركب عربيه محترمه بدل ال3 المعفنين دول
تاني شيئ انتم اكيد عرفين الي بيبقا معاه طفل صغير مصاريفه برضه عامله ازاي
غير النور والغاز والتليفونات والنت غير المعيشه
مش لقي حل ونفسي ارحم نفسي واركب زيرو بس الزيرو علشان تركب عربيه نظيفه من اول اكسنت ار بي وميتسوبيشي وطبعآ المقدمه في الحديد
والمشكله ان المستعمل غالي بي غباء كل ما اتفرج علي هوندا سيفك يقولك عايز 50 ليه ؟؟؟؟؟؟؟؟؟
اتفرجت علي هوندا سيفك EXرشه قوايم ومسقط ماتور جامد ومظبطه جامد اوووي وعايز 45 ونص وعارف انها رشه قوايم
ايه حالي بي الله عليكم