المشاركة الأصلية كتبت بواسطة tham1010 (المشاركة 688938)

أنا أحيك على رأيك ووجه نظرك. ولكن لى تعليق بسيط بخصوص نعطى الأخوان فرصة. بص يا أخى تعال نفترض أن مرسى نجح ( وهذا هو الأغلب أنه سوف يحدث) وعمل الدولة الدينية اللى بيحلم بها الكثيرون ( وسف يترك للأقباط فكرة الأحتكام لشرائعهم إذا جاءت مخالفة للشريعة الإسلامية) ماذا لو لم يعجب الحال كثير من المسلمين وشعروا أن أختيارهم كان خاطئ وخرجت الناس تقول " لا عوزنها مدنية" ماذا سيكون رأى الكثيرون من جماعة الأخوان. سوف يرون أن هذا خروج على الدين لانك عندما ترفض أن يكون الإسلام دنيا ودين فأنت ترفض الإسلام نفسه. المشكلة ليست فى الشريعة بحد ذاتها المشكلة ان طريق الأخوان طريق لا عودة فيه.

أنت بتقول ان وراءه حزب معاه فلوس. ألم تسأل نفسك من أين هذه الأموال الطائلة. حملات دعاية للبرلمان رغم أن مغظم أعضاء البرلمان كلهم غلابة ومش لقين يأكلوا. فلوس مين دة اللى عماله تبنى مقرات لحزب الحرية والعدالة فى كل مكان وببناء محترم بالملايين؟ وطبعا أنت عارف ان اللى بيرمى قرش بيكون حاسس انه هيكسب منه عشرة قروش. فاللى عاوز يخلى الأخوان فى الحكم دول ناس عوزة مصلحة. والخطر أن اللى بيدفع الفلوس دى من برة مصر. لو شفيق من الفلو وبيأخد فلوس من ناس هيكون الناس دى جوة مصر ناس عيشة فيها وعوزة الأمور تهدأ لان عندها رؤس أموال ضخمة وعوزة تحافظ عليها. الفرق واسع يا أخى بين أن اخوك الى عايش معاك فى نفس البيت يساعدك بقرشين وبين أن واحد جارك يساعدك بقرشين.