المشاركة الأصلية كتبت بواسطة luckyman (المشاركة 641755)

بص درجة اللزوجة دى بس احد خصائص الزيت مش كل حاجة على كل الاحوال هى خطر فعلا لو فى مناطق باردة لازم الزيت يكون بكثافة ولزوجة اقل انما فى منطقة زى مصر جوها فى الحقيقى صحراوى ومعظم التحرك بالسياره بيكون داخل مدن مزدحمة يعنى المرور واقف فيها ومشلول يبقى مش ديما عدد الكيلو مترات هو المعيار ممكن عدد ساعات التشغيل يعنى فرضا انك فى يوم ما مشيتيش بالعربية الا 25 قضيتها فى اشارات المرور ثلاث اربع ساعات كدة يبقى انت بتحرق برضة بتستهلك الزيت اذا بلد زى مصر المعيار مش بس الكيلومترات لا ساعات التشغيل يعنى ممكن اكون ما مشيتيش بالعربية الا 1500 بس قضيت معظمها اشارات طويله يبقى مهلك اكتر من 7000 كيلو طول العربية ماشية بتبقى احسن وبرضة المشى على الاول والتانى يعنى بالعزم العالى فيها استهلاك لخصائص الزيت
مثلا عندك مولدات احنا بنحسبها بعدد الساعات والعربيات عندنا كلها عدد ساعات
علشان كدة ساعات بيقولك 5000 كيلو او 3 اشهر ايهما اسبق لية لانة اعتبر ان جو مصر خدمة شاقة لانة حط فى اعتبارة ان المرور واقف يعنى خدمة شاقة وصحراوى نفس الشىء
طبعا المحرك على السرعات المنخفضة والمرتفعة معدل تاكل اللاسطوانة بيكون اكبر وبالتالى بيكون فى الزيت رايش حديد بس انت مش بتشوفة الزيت بينضف وبياخدة ويرمية فى الفلتر وكل ما يكون عمر محرك عربيتك قديم اعمل تغير زيت على اوقات وفترات اقصر لان الخلوص بيزداد وبالتالى بياكل زيت ولو بنسبة مش محسوسة وتستخدم زيت اتقل وشكرا

المشاركة الأصلية كتبت بواسطة samirayad (المشاركة 641770)

SJ ذو الجركل البنفسجى الغامق .....زيت تمام

ويقعد معاك لحد 4000 كيلو مرتاح

SL ذو الجركل الأصفر ....أنا بأستعمله وبغيره

بعد ال5000 كم

( وممكن أخليه لحد 6000 بدون مشاكل )

وفى كتالوج التعاون

كاتبين فعلا

و هذه الأنواع بتستخدم فى محركات الديزل والبنزين

---------------------

بصراحه عالم تلخفن العفريت

لأن SJ أو SL

أساسا ده تقسيم لزيوت محركات البنزين

على فكره

حرف ال S

قادم من التعبير الخاص بمحركات البنزين

SPARK IGNITION ENGINES

-----------------------------

وعلى الرغم من العك بتاعهم ده

فيه عندهم زيوت مسبوقه بحرف ال C

القادم من التقسيم الخاص بزيوت الديزل

COMPRSION IGNITION ENGENES

وبرضه بتلاقيه عاكك فى كلامه

وكاتبلك على نوع مخصص للديزل

زى CG-4 ( جركل أصفر برضه )

مخصص للبنزين والديزل

---------------------

تحس فعلا أننا فى مصر لسه قدامنا كتير

على مانبقى ناس دقيقه ومنظمه

-----------------

طيب ماتخللى ياعمنا

أى زيت عندك بادىء بحرف الS ( للبنزين فقط )

وأى زيت بادىء بحرف ال C ( للديزل فقط )

ولزمتها إيه اللخفنه دى


طالما بتنج النوعين

-----------------

بالله عليك

مش ده تصرف غريب وشاذ من شركات الزيوت

----------------

وبناء عليه

علشان نمشى صح

أى زيت تلاقيه بادىء بحرف الS ( يبقى بنزين )

وأى زيت تلاقيه بادىء بحرف ال C ( يبقى ديزل )

لأن ده هو تقسيم الزيوت للناس بتوع بره

اللذين يدققون فيما يفعلون

المشاركة الأصلية كتبت بواسطة samirayad (المشاركة 641484)

إقتنعت بإيه ياباشا

دى أمور موش محتاجه ذكاء

ولا سماع أى كلام يتقال كده وخلاص

----------------------

وخللى بالك

فى أى شىء تعمله فى حياتك

تعامل معاه بالمنطق

بدون أن ترهق تفكيرك وتشتته

فى حاجات خايبه أساسا

أأقولك إزاى ياصديقى العزيز

---------------

هنفترض أن أنا شخصيا

( علشان محدش ياخد كلامى على محمل سيىء )

رايح أشترى فول ناشف

علشان أدمسه من عند العلاف

( لأننا شعب أكيل للفول )

ولقيت العلاف بيقوللى

ده فول مخصص للبنى آدمين

وده فول مخصص للمواشى ( لمؤاخذه)

--------------------

بالمنطق ....علشان أن بأموت فى المنطق

هشترى طبعا

الفول المخصص للبنى آدمين

--------------------

وكل واحد بأه يشترى الفول إللى يعجبه

مش كده ولا إيه

على رأى فؤاد المهندس

المشاركة الأصلية كتبت بواسطة khaabas (المشاركة 641826)

هههههههههههههههه يعنى انا اخترت زيت المواشى اه الكلام اللى فيه تلميح صعب ده :shyy:
بس الخطير كار أدميرز :Wkiss5: برده اتكلم بالمنطق واقنعنى جدا