مصر موتورز مجتمع السيارات - حقيقة البنزين الـ80

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - حقيقة البنزين الـ80 (https://www.masrmotors.com/vb/showthread.php?t=82069)

رد: حقيقة البنزين الـ80

كنت بحط 80 في كورولا عيون وكانت ماشيه زي الفل وعمري ماشتكيت منه بس بيقلل سحب العربيه شويه وخلاص

رد: حقيقة البنزين الـ80

اقتباس:

المشاركة الأصلية كتبت بواسطة Hisham.Elgazzar (المشاركة 676200)

أستاذ خالد و أستاذ Vinditta
ارجو من سيادتكم التكرم بتوضيح معنى ان صوت الموتور بيعلا أزاى
يعنى مع تزويد البنزين اه الصوت العالى اللى بيحصل فى الموتور
وهل انتوا ظبطوا التاكيهات فى العربيات بتاعتكوا بمناسبة الصيف الجميل اللى احنا دخلنا فيه ؟؟
انا لقيت عندى 3 تاكيهات محملة وصوت الموتور اختلف قبل وبعد الظبط ياريت تقولولى اه اللى بيحصل عندكوا بالظبط علشان لو كده نتقابل يوم الجمعه الصبح بدرى و أظبطهالكوا بإذن الله

يابختهم بيك ياهندسة

رد: حقيقة البنزين الـ80

فى حاجتين عايزة اعرف معناهم بعد اذنكم
السلانسيه
ار بى ام
جزاكم الله خيرا

رد: حقيقة البنزين الـ80

السلانسيه : الموتور وهو شغال من غير ماندوس على دواسة البنزين
ار بى ام : عداد لفات الموتور فى الدقيقة Revolution per minut
rate of revolution of a motor
والمفروض ان عداد لفات الموتور على السلانسيه يبقى على 8

رد: حقيقة البنزين الـ80

لو سمحتولى بالاشتراك
عن تجربة بنزين 80 مش وحش ولا بيوسخ ولا بيسد الطرمبة ولا الكلام ده كلة والله عن تجربة ولكن لما كان عندي 132 كنت بحطة وماكانش بيقعد في العربية بحس انه بيطير واحيانا لما كانت بتحصل ازمات ونمون 90 والله كنت بحط 20 لتر بس لغاية الزمة ما تعدي والله كانو بيعدوا في التانك قد 30 لتر من ال80
دي من ناحية التجربة العملية ومن الناحية العملية ايضا الناس الى معاها لانسر وتويوتا وعربيات حديثة وبتمون 80 عمرك ما هتكون محافظ على العربية وفي لحظة مثلا تقل معاها بحاجة هتفضحك وقتها انما اصبر شوية وهتشوف والله بشوف الناس اللى بتقوله عليهم ماشيين بالعربية كانها بطه بلدي ده غير صوت الموتور الى بسمعه حاولوا تركزو وهتشوفو:THE_PR~18:

رد: حقيقة البنزين الـ80

اشمعنى البنزين 80 دلوقتى اللى وحش
ما كل حاجة فى البلد وحشة
المرور
الشرطة
المكيانيكية
العيش
الايجارات
حتى احنا
كلنا وحشين الا من رحم
لازم نصلح نفسنا الاول قبل ما نصلح اللى حوالينا

رد: حقيقة البنزين الـ80

اقتباس:

المشاركة الأصلية كتبت بواسطة Vanditta (المشاركة 641672)

مع انى حاسس بنبرة تريقة بس مش مهم اكيد حضرتك ماتقصدش
ولو كلمة سواقة 80 مزعلاك يا سيدى انا بعتزرلك عشان ماوضحتش معناها اللى اقصدة ظنا منى ان اللى بيحط 80 و 90 عارف انااقصد اية

اقولك الفرق يا باشا هو مش محتاج جدول ولا حاجة
كل الحكاية انة فى ال80 بلغى شوية حاجات طبيعية اى حد بيعملها وهو سايق

1-فى الطلعة لو حد راكب معايا رجلى لازم تبقى تقيلة شوية على البنزين عشان العربية ماتسقفش ولا تكركر زى مابيقولو (فى ال 90 لا)

2- لو خدت مطب ماينفعش اطلع على التانى عشان هاتسقف لو ماخدتش بالى وطلعت عادى من غير ما اوازن الدبرياج مع البنزين كدة سنة سنة لحد ماتطلع (فى ال90 بطلع عادى جدا ولو العربية واقفة كمان ممكن اطلع على التانى )

3- فى كل غيار لو نقلت اقل من 3 ار بى ام الغيار اللى بعدية بيشلنى على مايجمع سرعتة وياسلام بقى لو على طلعة كوبرى (فى ال 90 بنقل على 2-2.5 ار بى ام وكل غيار بيجمع بسرعة عادى جدا)

4- احيانا بتبقى ماشى هادى وعايز تسرع فجأة فبتدوس بنزين جامد عشان العربية تسحب لو فى ال 80 العربية هتسقف مع الدوسة الجامدة دى (فى ال 90 بتسحب عادى جدا ) ف بنسى موضوع التسارع دة لو مفول 80

4- مع ال80 العربية مابتجيبش اكترمن 100-110 مهما فحت الدواسة
مع ال 90 بتجيب 120 وبيبقى لسة فية سحب بس مابزودش عشان العربية عندى خفيفة اوى على السرعات

ف نقدر نلخص الموضوع دة كلة فى الفرق بين سواقة ال 90 الطبيعية وسواقة ال80
1- رجلى لازم تبقى تقيلة على البنزين فى الطلعة لو محمل
2-فى كل مطب لازم اطلع منة على الاولانى
3-الغيار لازم ياخد حقة تماما لو عايز اجارى بس العربيات اللى جنبى فى الطريق (مش بشد)
4-مابحاولش اعدى ال 100 عشان مابتعديهاش
5- مابحاولش اسرع مرة واحد عشان ماتسقفش وباخد الغيار واحدة واحدة على مايجمع سرعتة

ممكن يكون الكلام دة كلة بيحصل عشان الكهربا لازم توطى عشان ال 80
بس انا زى ماذكرت مابحطش 80 الا فى اواخر الشهركدة (مضطرا) غيركدة بحط 92
ف ماينفعش اظبط كهربتى على ال 80 وعشان كدة بحاول اتعايش مع الموقف بما يسمى سواقة ال 80 اللى مزعلة حضرتك دى
اسف للاطالة وتقبل مرورى :CONGRA~238:

:Wkiss5: :Wkiss5: :Wkiss5: :Wkiss5: :Wkiss5: :Wkiss5: :Wkiss5: