المشاركة الأصلية كتبت بواسطة MMIBRAHIM (المشاركة 751408)

اولا الناس اللي بتقول ان الجراج اامن وتحافظ علي عربيتك فيه
اسمع يا سيدي اسمع حكايتي
انا بركن في جراج علطول لما كان معايا اول عربية 128 وكنت لازم اسيب المفتاح
في يوم جيت اطلع بالعربية لقيت النور العالي قايد قلت يمكن نسيته ويم تاني لقيت الكاسيت شغال علي محطة غير القران الكريم قلت عادي يمكن غيرت المحطة رغم ان دا مش بيحصل ابدا وجيت في يوم كمان ادور العربية مش تدور وروحت للكهربائي وشحنتها بعد ما قاللي انها فضت الشحن بتاعها وانا بساله فضته ازاي انا دايما بشيك ع العربية قبل ما امشي قاللي تلاقيك نسيت حاجة مش مطفية قلت يمكن
لحد ما في يوم روحت اركب عربيتي في معاد مش متعود اروح الجراج فيه
لقيت السايس جاي يجري وبيسبقني قال ايه بيفتح العربية ليا رغم اني مش متعود منه علي كدا اتاريه بيحط الولاعة اللي كان ناسيها في جيبه قبل ما اخد باللي من هنا لهنا عرفت انه بييشحن موبايله في العربية وبيولع سجاير كمان يبقي عشان واحد يدلع نفسه يخليني الف حوالين نفسي ويوميها عملت فيلم صغير كدا وعدي وخلاص عشان هو كان بيشحن الموبايل من غير ما يدور العربية ودا طبعا بيخلص شحن البطارية
نصيحة لا تترك المفتاح مع سايس او اي حد تاني عشان فيه موقف تاني اصعب من دا هحكيلكم عليه بعدين
:Bravo:

المشاركة الأصلية كتبت بواسطة yaso12 (المشاركة 751415)

عن نفسى بيحصلى كل يوم نفس المشكلة وعكنن عليا بقه جيت فى يوم لاقيت واحد زارع حديد فى الارض باقفال وحاجز مكانه غصب عن الجميع والاغرب انه مفيش ولا واحد من عندهم نفس مشكلتى فكر يقوله انت بتعمل ايه والاغرب والاغرب بقه انه بيغييب باليومين والثلاثة بره البيت يعنى ولا منه ولا كفاية شره .
وعجبى

المشاركة الأصلية كتبت بواسطة zaraki (المشاركة 751497)

الحل السحرى للمشكلة دى و الفى معظم الاحيان بتبعه ... لو حد قالك اركن فى مكان تانى قوله 5 دقايق و نازل تانى انا بس نسيت موبايلى و طالع اجيبه ... او انا بس جى زيارة سريعة 10 دقايق و نازل و عيش حياتك و فى موضوع انك تسيب المفتاح انا عمرى ما عملتاها بس لو حصل هحزر السايس ان لو العربية اتلمست او لقيت حاجة متغير مكانها هنفوخه بكومبريسور كهربا و بعدها هخرمه عشان يفرقع و مظنش بصراحة انى ممكن اسيب المفتاح لحد عشان ممكن اتهور لو حصل حاجة للعربية :01A0FF~139:

المشاركة الأصلية كتبت بواسطة sherif4004 (المشاركة 899857)

شوفو يا جماعه المشكله من الاول مشكله تخطيط
يعنى الشارع مش ملك لحد
بس مثلا مينفعش ان الواحد يبقى عايز يركن ادام بيته ومش يعرف مع العلم انه عامل حساب الركنه فى المساحه
وكمان اللى بيسكنو فى برج المفروض يا يركن ادام البرج او فى جراج او فى مكان مخصص لانتظار السيارت انما يركن مكان حد تانى دا برضو غلط
يعنى من الاخر دى مشاكل متراكمه .. والحل بسيط اننا نشوف الدول العالم كلها بتعمل ايه ونعمل زيها

برضو احنا دوله فقيره والمفورض الغاء دعم البنزين دعم البنزين والمفروض يطون فيه رسوم زحام
وكذلك الغاء الجمارك على كل المنتجات