|
رد: من وجهه نظركم ايه العربيات اللى خساره فيها الفلوس
اقتباس:
ناس مش حاسه بقيمه النعمه اللى فى ايديها عندك انا مثلا معايا 128 تساوى 1000000 جنيه وعمرى ما ببص لحدرراكب باسات او كامرى بقرف تواضع منى طبعا :fun_rofl: ملحوظه : سعر السيارة اقل بصفرين بس وده طبعا لا يؤثر فى قيمه السيارة |
رد: من وجهه نظركم ايه العربيات اللى خساره فيها الفلوس
كل اللى بنقوله ان العربيات سعرها مبالغ فيه جدا
مثلا سعر سيارة تويوتا كرولا مثلا خارج مصر تقريبا بـــ 12000 دولار ، يعني ما يعادل مصري بــ 66000 جنيه ،،،، أما سعرها بمصر ماشاء الله اللهم لا حسد 145000 جنيه يعني أكثر من الضعف مع العلم أن مصر إلي الآن لم تصنع مسمــــار واحد في سيارة ، بمعني أن مصر ليست دولة منافسه في مجال صناعة السيارات والغريب جدا أيضا أن مواصفات تجميع السيارات بمصر سيء جدا جدا جدا ، يعني سعر غالي وجوده سيئة ، يعني مفيش أي ميزة أو مبرر للأسعار دي ده طبعا غير توكيلات العربيات اللى زى الزفت هنقولها تانى وتالت ورابع ياجدعان بطلو تشترو زيرووو انا شايف ناس كتير بتشترى زيرو وبعد كده تشتكى م التوكيل سواء لوجان ولا سيراتو ماتشترى مستعمل وخلاص وع الاقل توفر فرق السعر ولا ياعنى خلاص فلوووسك كتير ؟؟؟؟؟!!!! ولا فرحان بالزيرو اللى وانت ماشى اول يوم هييجى توكتوك معدى م جنبك يضيعلك مرايه ولا جنب وتقعد تعيط جنبه يلا كفايه كده علشان الواحد اتخنق :shwt: والحمدلله على كل شيئ |
رد: من وجهه نظركم ايه العربيات اللى خساره فيها الفلوس
اقتباس:
و اذا كنت انا موش خبرة في العربيات و ممكن اروح اشتري واحدة و احط فيها تحويشة سنين و يطلع فيها فتيس و لا موتور و لا اي مشكلة ... و اذا كنت انا لا لية في الميكانيكا و لا نظام حياتي يسمحلى اقعد جنب العربية و محتاج العربية جاهزة و مستعدة للانطلاق في اي وقت ... و اذا كنت بحب العربية اللي بسوقها لدرجة اننا بتعود على بعض و لو حصلها رعشة او زنة او صوت غريب بتعكنن و اجري على التوكيل الحرامي اظبطها هناك ... في ناس مينفعلهاش الا الزيرو ... وانا منهم ...و في نفس الوقت قرفانيين و زهقانييين من استغلال التجار ..و نفسهم يعملوا حاجة ...يعملوا ايه ؟؟؟:shwt: و تقبل سلامي |
رد: من وجهه نظركم ايه العربيات اللى خساره فيها الفلوس
انا تابعت الموضوع من اوله لاخره مالقيتش عربية ماقلتوش عليها وحشة!!!!
طيب نركب ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ الحاجة التانية شراء العربيات المستعملة له ميزة السعر لكن كله عيوب كفاية ان البايع تلاقيه في الشيخ زايد ولا العبور ولا اخر شبرا او الحي العاشر ويقولك هات الميكانيكي وتعالى وطبعا هو مش خاسس عليه حاجة انت اليي هاتدفع مواصلات وميكانيكي وقرف وفي الاخر تلاقي كل اللي قاله عن العربية غلط في غلط وترجع وانت تجر اذيال الخزي والعار على الوقت والمجهود والتعب ويسلام لو نزلت السوق اشرب مقالب واشتغالات لحد ماتشبع دا غير بقى انك اول ما تجيبها يا اما هاتغير مساعدين او ترش نظافة او طقم سيرفس او تغير كمبروسر تكييف او تغير الفرش بتاع الصالو لانه معفن يعني على الاقل الفين جنيه كمان دا غير قرف التعامل مع الميكانيكية - ما جيبناش سيرة تسجيل الشهر العقاري وتجديد الرخصة اللي يطلعو عين اجدعها واحد غير انك هاتخد اجازة من شغلك يومين تلاتة -انا لو بافكر في الجديد بافكر فيه علشان اريح دماغي مش علشان انا مقتنع بيه بالعكس دا انا لو هاجيب جديد هايبقى قسط والقسط " قطم وسط " دا غير شبهة الحرام اللي في القسط والتامين الاجباري على العربية وحسبي الله ونعم والكيل في اصحاب توكيلات العربيات في مصر وكل الجهات الرقابية اللي سايبه التوكيلات تدبح فينا كدا |
رد: من وجهه نظركم ايه العربيات اللى خساره فيها الفلوس
dr.wael7yran
يادكترا الواحد بيزعل لما حد يشترى زيرو ويلاقى فيها عيب وما يعرفش ياخد حقه من التوكيل وتقبل تحياتىSLAM |
رد: من وجهه نظركم ايه العربيات اللى خساره فيها الفلوس
اقتباس:
ترشح ايه فى المستعمل فى حدود من 30000 الى40000 تقبل تحياتى موضوع رائع:fun_36_3_16[1]: |
رد: من وجهه نظركم ايه العربيات اللى خساره فيها الفلوس
من وجهه نظرى كل عربيات مصر خساره فيها الفلوس مع احترامى لرأى جميع الاعضاء .. لما الاقى عربيه زى سيراتو ولا النترا سعرها فى مصر بالمواصفات المصريه بأقل وسائل امان واضعف مواتير واوبشن كله متغير سعرها فى بلده اقل من نص سعرها فى مصر بكل الاوبشن المتغير ده :3_8_14: ابقى فى مصر مشترى الانترا وفى اى مكااااان خارج مصر راكب موستنج او كامارو بنفس السعر .. شكرا للجمارك والوكلاء :110105~127: |
| الساعة الآن 09:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017