رد: اول خطاب لمبارك بعد التنحى ( على قناة العربيه)
 

حضرتك ماخدتش بالك من شكلنا خلال 30 سنه كان عامل ازاى ؟؟؟؟؟؟؟؟

• لما كنا بنتهان جوه وبره بلدنا ( وجوه اكتر اهانه على فكره ) على مرئى ومسمع من العالم كله وكان الغريب فى بلدنا بياخد حقه وكان صاحب البلد مش احنا..
• لما العالم كله كان بيوصله تقارير من منظمه حقوق الانسان المصريه باللى بيحصل فى السجون والمعتقلات وامن الدوله من انتهاك لحقوق الانسان بطريقه فاقت التوقعات
• لما كان العالم كله كل يوم بيسمع عن قضايا الفساد السياسى والمالى والادارى داخل البلد
• لما العالم كله عرف ان مصر باعت نيلها مقابل حفنه من الدولارات
• لما العالم كله كان بيشوف ان اسعار معظم السلع الاساسية والضروريه فى حياتنا بينزل فى العالم كله ومصر الوحيده هى اللى كانت بترفرع اسعارها

• لما العالم كله يشوف ويسمع عن نزول مؤشرات ترتيب الجامعات ومراكز البحث العلمى بين العالم كله
• لما العالم كله يشوف ويسمع عن بلاد ماكنش ليها اى تاريخ بقت من القوى العظمى فى العالم ومصر انحسر دورها فى انها مش عارفه تسد على مشاكلها الداخليه
• لما العالم كله يقتنع تمام الاقتناع بان مصر هى مقبره النفايات ومش لازم المشعه ولكن تصدير المبيدات المسرطنه والخضروات الفاسده ومياه الصرف الصحى اللى دخلت على مياه الشرب مش دى برضه تعتبر مشعه
• لما العالم كان بيستفيد من الفكر المصرى والمصريين فى تطوير بلدهم ودلوقتى بقى المصرى هو اقل ثمن بالسوق العالمى
• لما العالم كله يبقى عارف ان حكامنا هما سبب الفتنه الطائفيه فى مصر مش اى بلد تانى واحنا اخر من يعلم
• لما العالم كله يبقى عارف اننا بناكل فى بعض كل يوم وبنقتل بعض بسبب 10 و 20 جنيه ورئيسنا كل يوم بيدخله فى بنوكهم ملايين الدولارات
• لما شويه شباب خارجين فى مظاهره سلميه رافعين شعار سلمية سلميه كان كل هدفها ولا خلع الرئيس ولا غيره .. كل اللى كانوا عايزينه حل مجلس الشعب اللى ريحه فساده عبئت العالم كله وحل الحكومه الحالية اللى امتصت دم الغلابه يقوموا خارجين عليهم بالمصفحات تدهسهم وترش عليهم ميه وهما بيصلوا ( لو كافر هيخاف يعملها ) وقنابل مسيله للدموع منتهيه الصلاحيه ورصاص حى ومطاطى منها اللى استقر فى مخ واحد واللى فى عين واحد وضيعت وحسرت بيوت كتييييييييييييييير قوى من بيوت اهالينا. وبعد كده يخرجولنا الجمال وغيره

رد: اول خطاب لمبارك بعد التنحى ( على قناة العربيه)
 

عارف ما هربش ليه:
كان عنده أمل إن أعوانه هيسيطروا على الوضع ويرجعوه محمولا على الأعناق للتكريم.
كان عنده أمل إن جمال ممكن يرجع تاني يرشح نفسه للرئاسة بعد نجاح الثورة المضادة.
كان عنده أمل إن التعتيم على الأموال وتهريبها لن يتم كشفه.
كان عنده أمل في بكرة، وطبعا من حقه يحلم، لكن للأسف الشعب المصري هيحول حلمه لكابوس بإذن الله.

رد: اول خطاب لمبارك بعد التنحى ( على قناة العربيه)
 

رد: اول خطاب لمبارك بعد التنحى ( على قناة العربيه)
 

مش موضوع غل

كما تدعى

الموضوع

موضوع حقوق غلابه وناس نايمه فى العشش

وناس بتشرب مياه مخلوطه بالمجارى

وناس مش لاقيه فتات العيش

ويجب عليك وعلى كل مصرى

النظر لأحوال من هو دونه

مش الواحد يبص لنفسه ويسيب غيره

مش لاقى حاجه

____________

أمال إسمنا مسلمين وموحدين إزاى ...............؟

رد: اول خطاب لمبارك بعد التنحى ( على قناة العربيه)
 

والله الراجل بيقول كلام موزون
في ايه يا جدعان ما تسيبوا العدالة تاخد مجراها!!!
واللا انتوا عاجبكوا حال البلد!
البلد مبقاش فيها بيتزا!!!

رد: اول خطاب لمبارك بعد التنحى ( على قناة العربيه)
 

بلاش الحجة دى بالذات,
لا أعتقد ان حضرتك تعانى من اى من هذا.
و بعدين كل بلاد الدنيا فيها فقراء حتى أغنى البلاد, السعودية فيها فقراء, أمريكا فيها فقراء يمكن احوالهم اسوأ من مصر.
دى سنة الحياة, و ربنا وزع الارزاق و فى ذلك حكمة لا يعلمها الا هو سبحانه و تعالى.
يا عزيزى, لا تنجرف مع هذه المزاعم,
فالثورة أصبح بها للأسف رائحة شيوعية و اشتراكية بغيضة قد تعود بمصر عقودا الى الوراء.

رد: اول خطاب لمبارك بعد التنحى ( على قناة العربيه)
 

انت خايف على الثورة؟ انها تبقى فيها رائحة اشتراكية او شيوعية؟
انا كنت فاكر انك ضد الثورة!
عموما كلامك عن ان وجود فقراء في كل مكان ده كلمة حق اريد بها باطل
لان في امريكا و العالم كله السكير او المدمن او الللي مبيشتغلش هو اللي بيبقى فقير

لكن في مصر في عهد مبارك ( اسم على غير مسمى ) اصبح الطبيب بياخد 250 جنيه من بعد ما بيتخرج الى ما شاء الله مع بدلات و علاوات و نفخ في الميت بيوصل 600 جنيه ( مش للجميع ) يعني المفروض دكتور متزوج و يعول يصرف 20 جنيه يوميا شاملة مواصلاته و ايجار السكن و الفواتير و الاكل و الشرب ( حنقول انه مبيتفسحش و مبيلبسش مقضيها نيوديتي و مبيعياش!!! )
اديلك 20 جنيه في اليوم و تتصرف؟ بس قوللي حتجيب شقة و تأجرها بكام الاول
انا و لله الحمد كنت باخد فوق ال 3 الاف جنيه بس اخواتي 3 دكاترة كلهم بياخدوا اللي انا بقولك عليه ده!
اصدقائي من محاسبين بياخدوا 550 جنيه و واحد بس شغال في شركة مقاولات بياخد 900 جنيه