مصر موتورز مجتمع السيارات - نصائح من ضابط شرطه ............

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - نصائح من ضابط شرطه ............ (https://www.masrmotors.com/vb/showthread.php?t=48961)

رد: نصائح من ضابط شرطه ............

اقتباس:

المشاركة الأصلية كتبت بواسطة I_AM_LEGEND (المشاركة 369155)

اهلا بحضرتك يا ضابط شرطة____

الله اعلم بحضرتك___وربنا يهديك وتبقى يارب كدة من الناس الكويسين من الشرطة_______

بس الى لازم تعرفة____وتعرفة كويس جدا جدا_____

انا شخصيا لا احترم اى شخص من افراد الشرطة ابدا ابدا ابدا____

لاسف كل ضابط شرطة دخها ب50% و50 اف رشوة جنبهم____

دة هاحترم فيه ايه دة_____

وبعدين كل بتوع الشرطة فاكرين نفسهم سبايدر مان مثلا!!!!!!

لازم تفهم انى زى زيك ____

ويمكن احسن كمان______انا مش بتكلم عل شخصك انت اعذرنى____

بس لما ظابط شرطة مالوش اى لازمة موقف امين شرطة حققققققققققيييييييييييييي ر_____ويقلبوا الرايح والى جاى ويقسموا الفلوس اخر اليوم!!!!!____

لما تخش اى مكان وتعرضها وتقول انا ظابط!!!!! ايه ظابط يعنى ؟؟؟؟؟

طز فى حضرة الظابط لو ماكنش محترم..........

انت وظيفتك انك تحمينى____

مش تقلبنى____وربنا يحميك لو كنت محترم.....

ويهديك وكنت.......

بس نصيحة منى ..........

امشى جنب الحيط علشان ماحدش هايسكت لظابط تانى خلاص واولهم انا _____حقى وحقك.........

انا راجل مهندس تعبت وشقيت وذاكرت وطلع عين اهلى____هاتيجى انت يابتاع 50% تتنطط عليا____

يبقى ماتزعلش____وشهداء التحرير مش احسن منى____واعذرنى لو كامى تقيل شوية بس كلنا دمة محروق من الشرطة..........

يا جماعه :
من فضلكم تهدوا شويه ... ومش معنى ان الراجل ضابط فى الشرطه انه انسان وحش .
كل مكان وكل مهنه فيها الكويس والوحش . حتى فى مجال الهندسه ياباشا فى مهندسين كويسين ومهندسين خاينين وحرميه . واحنا ربنا ماخلقلناش صوابعنا زى بعضها .
ومش لازم أبدا نخللى الكره والإنتقام يسوودوا قلوبنا ونظراتنا للناس . بالعكس . احنا قمنا بثوره من أجل الأفضل . وعشان كده لازم نكون احنا الأفضل .
وأنا شايف ان الراجل ماغلطش فى اللى قاله وهو عمل اللى قددره عليه ربنا . اللى يعجبه الكلام ممكن يشكره أو يتناقش معاه . واللى مايعجبوش . اما انه يشكر برضو أو مايردش خالص . كده نكون أفضل . ودا رأيى الخاص جدا . وشكرا لكاتب الموضوع . وشكرا لكل من ساهم بمشاركته فى الموضوع مع كامل احترامى لكل الآراء .

رد: نصائح من ضابط شرطه ............

لوسمحتم كل واحد من حقه يعبر عن رأيه

بكل حرية

وشكراّ

رد: نصائح من ضابط شرطه ............

[QUOTE=سيف الدين سعيد;369337]يا جماعه :
من فضلكم تهدوا شويه ... ومش معنى ان الراجل ضابط فى الشرطه انه انسان وحش .
كل مكان وكل مهنه فيها الكويس والوحش . حتى فى مجال الهندسه ياباشا فى مهندسين كويسين ومهندسين خاينين وحرميه . واحنا ربنا ماخلقلناش صوابعنا زى بعضها .
انا مع حضرتك لغاية هنا
اسف جدا لحضرتك
كل مهنة فيها وفيها انا معاك
بس مردود الوحش فيها بيأثر على عدد قليل جدا من الناس
بمعنى دكتور فاشل مش فاهم معندوش ضمير حايتسبب في قتل واحد بس
مهندس معماري فاشل معندوش ضمير حايعمل عمارة مخالفة هاتتتهد على دماغ 10 او 20
لكن ضابط معندوش ضمير بياثر على ملاييين
وحتى لو اتمسك بيتنقل من مكان لمكان تاني ومعاه بلوتة اللي برضة حتاذي ملايين غيرة
الفاسد في كل مكان يجب بترة مش نقلة
وبعدين بيني وبينك من غير شرطة حالنا احسن كتير
على الاقل المرور سالك وحلو عما اذا كان رتبة محترمة واقفة بيبقى الطريق ملعبك ومنيل بنيلة

رد: نصائح من ضابط شرطه ............

انا مع حضرتك لغاية هنا
اسف جدا لحضرتك
كل مهنة فيها وفيها انا معاك
بس مردود الوحش فيها بيأثر على عدد قليل جدا من الناس
بمعنى دكتور فاشل مش فاهم معندوش ضمير حايتسبب في قتل واحد بس
مهندس معماري فاشل معندوش ضمير حايعمل عمارة مخالفة هاتتتهد على دماغ 10 او 20
لكن ضابط معندوش ضمير بياثر على ملاييين
وحتى لو اتمسك بيتنقل من مكان لمكان تاني ومعاه بلوتة اللي برضة حتاذي ملايين غيرة
الفاسد في كل مكان يجب بترة مش نقلة
وبعدين بيني وبينك من غير شرطة حالنا احسن كتير
على الاقل المرور سالك وحلو عما اذا كان رتبة محترمة واقفة بيبقى الطريق ملعبك ومنيل بنيلة
[/QUOTE]
يا باشا مع وافر تقديرى واحترامى لحضرتك .
بس انا مش مؤيد لإن النقاش يكون هجومى . الا اذا كان فى ضروره اليه. ودا مش وارد كتير . لأن النقاش الهجومى مؤكد حايؤدى الى احتداد ومهاجمات احنا فى غنى عنها .
ومش عايزين نكون سطحيين لدرجة اننا نمسك لكل واحد على كلمته ونحاسبه عليها . بمعنى آخر أخونا دا لو ماكانش اعلن انه ضابط شرطه اكيد كان الحوار حايكون اهدأ من كده .
بلاش نخللى الشرطه أو الداخليه بمعنى أدق تعمل فتنه وتقسيم بين الشعب وبعضه .

رد: نصائح من ضابط شرطه ............

ايه ياخواننا ايه اخبار الديمقراطيه والراى والراى الاخر ؟

رد: نصائح من ضابط شرطه ............

اقتباس:

المشاركة الأصلية كتبت بواسطة of_hon (المشاركة 368297)

حضرتك قولت معلومه هامه جداااااااااااا وبتوضح حاجات كتير وماخفي كان أعظم والحمدلله علي كل حال وعايز حضرتك تطمن ان فيه رجاله بتحارب دلوقتي وهتحارب لغايه أخر نقطة دم فينا معانا لغاية منعمل اللي مفروض نعمله .
والحمدلله انا فخوووور جدااااا بأني ضابط شرطة علي الاقل أنا بحارب وفيه ناس غيري نايمه وبتاكل فشار وبتتفرج علي التلفزيون انا مش بقلل من دور حد أو شغل حد أنا بتكلم عن طبيعة شغلي وأهميته .

ياباشا مع احترامى لحضرتك شخصيا كشخص مش كظابط شرطه لانى اولا لا اكن اى احترام لاى فرد من افراد الشرطه سواء مسؤل كبير او صغير فى جهاز الشرطه الا القليل جدا منهم وهم نسبه لا تتجاوز 5 فى الميه .
احنا عاوزين نعرف حضرتك بتحارب مين وفين وليه ؟
يعنى بتحاربوا زى ما كنتوا بتحاربوا الثوار الشرفاء العزل فى ميدان التحرير وتطلقوا عليهم الرصاص الحى وهما بيصلوا فى الشوارع ؟
بتحاربوا تجار المخدرات مثلا.!!!. طيب ليه ياباشا.!!!. هما سرقوا منكم المخدرات والزبائن كمان .!!!.ولا غلوا عليكم اسعار المخدرات ومش عارفين تشتروها.!!!. طيب ليه ياباشا كل ده ما جهاز الداخليه سابقا كان اكبر تاجر مخدرات GIFT4U
ولا بتحربوا الفلسطينين على حدود غزه ؟ علشان خاطر عيون ليفى ليفى وشارى شارى وباركى باركى !!!!!
يا ظابط شرطه بيه مع احترامى لشخصك جهاز الشرطه والداخليه هيا اساس الفساد فى مصر ورئيسك حبيب العادلى متهم اول فى تفجير كنيسه القديسين فى الاسكندريه من اجل عيون الموسوموسو ... الموساد يعنى وبعدين يتهم فصائل فلسطينيه وبعدين يحارب الفصائل فى فلسطين تحت زريعه محاربه الارهاب علشان يكسب حب مامته امريكا والست سوسو.
يا شيخ حلوا بقى عننا وسبونا فى حلنا وسبونا نختار جهاز الشرطه الى يمثل الشعب ويحمى الشعب ويكون فى خدمه الشعب ويكون جهاز شرطه شريف من شباب الثوره .

رد: نصائح من ضابط شرطه ............

اقتباس:

المشاركة الأصلية كتبت بواسطة lol64 (المشاركة 369395)

ايه ياخواننا ايه اخبار الديمقراطيه والراى والراى الاخر ؟

علاء باشا الديمقراطيه موجوده وفيه رائ ورائ اخر:crazyW14:
ما حبوب شخصيا مشرف فى الحبس مع الاربعين حرامى!!!! اكيد هيبقى فيه ديمقراطيه
حبوب والاربعين حرامى
حبوب ده بقى يطلع رئيس العصابه زى على بابا كده بس على بابا كان فى الخارج وحبوب فى الداخل ههههههههه