رد: لا للاستغلال
 

بعد التحية ..
1) ندائى اولا موجة الى السادة مشرفى ومراقبى منتدى الجاك ... من اسمة منتدى الجاك يعنى لايعقل يكون من بين اعضاء المنتدى من يدعى انة يحب السيارة ويحث الاخرين على الاعتقاد انها سيئة او ان الوكيل قد وصل الى درجة الاستغلال القصوى لدرجةتضر اصحاب وملاك السيارة لدرجة تحسسهم انهم اشتروا الترام.
2) لابد وضرورى على مراقبى المنتدى ايقاف هذة المهزلة وعلى ملاك السيارة ان يكونوا حازمين فى رايهم عندما ذهبوا واشتروا السيارة ولا يدعوا اى شخص يشككهم فى السيارة اوالوكيل .
3) من يدعى ان الاسبرانزا لم يزيد سعرها اليك ما حدث لكى تعلم
سعر العربية 516 A كان عامل 67 الف جنية ثم نزلت السيارة الى 59900 الف جنية كما قال البعض ولكنة لم يعلم باقة الخبر ان هذا السعر الخيالى وهو 59900 كان فى سيارة A516 LSيعنى عربية شالو منها الكاسيت (الكلريون ) وشالة (التكييف التتش) وغيروا مقاس العجل لانة (كان 15 بقى 14 ) بالاضافة الى ان الوكيل شال( جانت العجل) ووضع مكانةطاسات
اما بالنسبةلنفس فئةالعربية فنزلها فعلا الى 61900 الف جنيةولكن بعد يدوب اقل من 15 يوم وامام عينى زادت الى 64900 لف جنية وبردة كان الكاسيت متشال والتكييف عادى والله دة اللى حصل ولسة بقى فى M11الوكسةكانت اكبر على اللى عملة فيها الوكيل
= وبعد كل دة يجى اى حد يتكلم عن وكيل جاك
= وياجماعةكام مرة نقول ان هورس موتورز ملهاش دعوة بستروين .
وبالمناسبة العبد لله محامى بالاسكندرية ومحاضر فى معهد المحاماة ولدى ماجستير فى القانون الدولى الخاص ودبلوما فى الاقتصاد السياسى
يعنى مينفعش حد يقول نعمل مظاهرةونقف امام الوكيل ونجبرة يغير وينزل سعر العربية لان دة اقتصاد
= معلومةاخرى العربية البى واى دى سعرها الاتوماتيك بـ 80 الف جنية طب دة مش استغلال
= وهل تعلم ان هناك سيارةتدعى (انفينيتى)وسعرها 999 الف جنية طب انت فين بقى من الاستغلال ولا اية
= وكلامى مش موجة لحد علشان مفيش حد يعتقد انى بهاجمة انا بس بوضح القصور فى المعلومات
يعنى قبل ما نتكلم لازم نبص مش اغلب السوق لا دا على كل السوق
= كمان المهم تقديم الخدمة فى التوكيل للعربية يعنى (عمى يمتكلك M11) وقريب لدى يمتلك التيجو (صح دا انا نسيت اقوللكم كمان على اللى عملة الوكيل فى التيجو بالنسبة للاسعار ) علشان بس اللى بيتكلموا على الجاك لازم يروحوا توكيل الاسبرانزا ويشوفوا
= فالخدمةفى التوكيل سئية للغاية وهناك قطع غيار مش موجودة اصلا وهذا كلام على لسان اقربائى مالكى الاسبرانزا
وفى الاخر يجى اى حد يقول لا للاستغلال طب حضرتك كنت فين واحنا بنستغل 30 سنة وبتتكلم على حاجة اقصد سلعة (السيارات) بالنسبة للرجل الفقير والرجل ذو الدخل اقل من المتوسط حاجة كمالية لانة المهم عند هذا الرجل اكل العيش ودخلة ومرتبة ومصاريف التعليم والنور والمياة والصرف مش بقى عربية زاد سعرها من كذا الى كذا
= قولتها وبقولها فى كل محاضراتى ان هناك سلع ضرورية وسلع كمالية
فالسلع الضرورية : مثل الخبز , المياة , الكهرباء , الملابس , الغذاء , الكساء , التعليم
وهناك سلع كمالية : يسميها علم الاقتصاد (ادم سميث) بسلع التفاخر والتباهى
مثال المجوهرات بكافة انواعها , والملابس الفاخرة الصنع كالحرير , والسيارات , سفن التنزة وغيرها
= ودا ابسط رد ممكن اقولة بخلاف انى والحمد للةاملك الكثير من الرد ولكن نظرا لعدم الاطالة
وبالنسبةللزميل المحامى ولة كل الاحترام طبعا
*حضرتك تعلم جيدا انك لم ولن تسطيع اتخاذ اى اجراء قانونى اوحتى اجراء بتقديم طلب للوكيل الا اذا كنت من مالكى السيارة لكى يكون لك حق الكلام
*وانك من المفروض ان تعلم ان هناك جهة يتم فيها تقديم الشكاوى (لو فى شكاوى) من اى وكيل هذة الجهةهى المختصة بذلك كما حدث فى سيارات التاكسى الاسبرانزا وتم تقديم الشكاوى بالفعل الى هذة الجهة من مالكيها وبكرر على مالكيها
= اخر كلامى موجةالى مراقبين المنتدى من فضلكوا المفروض ان هذا المنتدى لاتناقش فيةاى امور سياسية او امور تؤدى انقلابات او عتصامات اومظاهرات
واللة الموفق....

رد: لا للاستغلال
 

رد: لا للاستغلال
 

شكرا يادكتور كمال ليك بس انا تعبت من الكلام وملقتش حد يرد بموضوعية
المهم بجد انت وحشنا ايةاخبارك وهل ذهبت الاستفتاء
سلام..

رد: لا للاستغلال
 

رد: لا للاستغلال
 

يا استاذ يا محترم واضح انك مركز فى حاجة واحدة وهى ان سعر العربية الجاك غالى وكتير عليها وان سعر العربيات فى الخارج ارخص من سعر العربية عندنا ومركز فى السعودية
طب ما سعر العربيات فى لبيا ارخص من السعودية وفى دبى وفى البحرين ارخص وارخص
معنى كدةان السعودية بالنسبة للبيا والبحرين حرامية ذى ما حضرتك بتقول او ان لبيا حرامية بالنسبة للبحرين
وعلى فكرةدا مش فى العربيات بس دا فى كل حاجةواببسطها فى الموبايلات اسعرها فى الخارج رخيصة جدا
طب مكلمتش عليها لية ولا واضح ان حضرتك معاك موبايل اما العربية ......
المهم لازم حضرتك تكون موضوعى فى كلامك انت وغيرك
ارجع واقولك ان فرق السعر دة اللى عملةكدةهو الجنية المصرى بتعنا مش الوكلاء زى ما انت بتقول انت وغيرك كالاستاذ mms فالجنية المصرى هو السبب وراء الزيادةالكبيرةفى الاسعار بيننا وبين الخارج ومتقوليش متكلمش على فرق السعر والعرض والطلب اللى هيا حاجات لازم تتقبلها لانها اقتصاد عالمى ولوانت مش عارف دى بقى حاجة تانية
فسعر الريال السعودى مقارنة بالجنية المصرى 1.54
وسعر الجنية الليبى قبل الثورة الليبية 3جنية بالمصرى
وسعر الدينار 21جنية
فهل كل ذلك يخفى عليك بحجة ان الوكيل حرامى او ان الناس سلبية ومبتتكلمش
لابد عليك ان تتقبل وجهتك ووجهت غيرك وتتبع الاغلبية كما حدث فى الاستفتاء الخاص بالتعديلات الدستورية19-3 (هى دية الديمقراطية)
وبدل ما تتكلم عن وكيل يمشى او نخسرة عربياتة او نحارب الوكلاء فكر كمصرى ناضج فى رفع اقتصاد بلدك مما يؤدى الى ارتفاع الجنية المصرى فبالتالى يصبح الوكلاء بطريقة غير مباشرة غير قادرين على الزيادة الغير طبيعية من وجهت نظرك عن الدول الاخرى
واخير ... لابد ان تتقبل وجةنظرى بموضوعية لان هى دية الديمقراطية رايك والراى الاخر والاصلح لمصر يحصل ان شاء الله

رد: لا للاستغلال
 

طبعا مركز على الجاك ومش الجاك بس ...لا.....كل العربيات......ومتزعلش من السعوديه.....المره الجايه انزل اسعار العربيات فى الامارات وليبيا والكويت كمان...طالما السعوديه مزعلاك

كويس ان حضرتك معترف برخص العربيات فى الدول دى.......وكأننا احنا من كوكب تانى...او البلد الوحيده لو رخصت من سعر العربيات وفتحت الجمارك الاقتصاد حيقع......كأننا احنا بس اللى عندنا اقتصاد والدول دى لا....اى حاجه نعلقها على شماعه الاقتصاد.....ليه عشان اشتر ى عربيه ادفع تمنها مرتين.....فلوس الجمارك والضرائب بيتعمل بيها ايه يامحترم....الناس دى عملت ايه بيها فاد البلد ده غيره وغيره......وفى الاخر طلعونا مديونين وبيشتكوا الفقر اصل خزينه الدوله مافهاش .....وفى الاخر بيشتروا بفلوسنا شاليهات فى مارينا وشارم....وبيتفسحوا بيها بره فى اوروبا واميركا....
والله انا تركيزى على العربيات بس..........ده بعد اذن سيادتك ......اما العربيه .......والله كان معايا اتنين كمان مش واحده......يعنى تنظيمى للحمله على الفيس بوك مش عشان ماعيش فلوس اركب عربيه.....لا.......عشان ليه ادفع تمن الحاجه مرتين......اما الموبيلات اوعدك ان شاء الله انظم حمله للموبايل عشان حضرتك ماتزعلش

كل الكلام ده مش منطقى ........باين من كلام حضرتك ..انك يا من مصلحه الجمارك او صاحب توكيل او شغال فى توكيل......كلامكم بيبقى باين اوى

وماله الجنيه يابيه....ودلوقت بتلوموا عليه.....مش انتم اللى ضيعتوه.....تقتلوا القتيل وتمشوا فى جنازته....نسيتوا ايام الجنزورى لما كان عايز يعمل قناه السويس بالجنيه .......رحتوا حاطييييين عليه........وفين فلوس الموارد بتعتنا.....ولا بنتكلم فى نقطه ونقطه لا......لانى فلوس مواردنا تخلينا نسدد ديون مصر ونبقى من اغنى الدول دون المساس بالجنيه المصرى يعنى قناه السويس ماتبقاش بالجنيه تبقى بالدولار زى ماهيا....امال بقى لو اتعملت بالجنيه!!!!!!!!!!!!!انت ماشوفتش الملايين والمليارات اللى يحتكم عليها كل عنصر فاسد فى النظام السابق ولاايه.....ولا مش متابع اخبار..... فين بقى فلوس مواردنا........ولو انت مش عارف تبقى كارثه.....لو فيه زى حضرتك كده كتير

زى ماوضحت فوق.....من كلامك باين انك شغال فى توكيل........والله دى وجهه نظرى ونظر معظم الناس ومقتنع بيها....اما وجهه نظرك فطالما حضرتك مقتنع بيها فدى ترجعلك ولا تمثل رأى الاغلبيه

رفع الاقتصاد مش محتاج تفكير......وفى خطط مدروسه كتير ..وكانت محرومه انها تطبق من قبل النظام الفاسد.......اقتصاد وموارد البلد غنيه فوق ماتتخيل.....بس البلد تنضف من الحراميه

اهلا بالدميقراطيه.....يامرحب

رد: لا للاستغلال
 

كل الشكر والتقدير لهذا النقاش المثمر.... ولا يعيبه انه احيانا يبتعد عن الموضوع الاساسى لان هذا من طبيعه المناقشات دائما . وعلينا بين الحين والاخر ان نعيده الى مساره الصحيح . احب ان ابين ان ارتفاع سعر الجاك لا يتماثل مع ارتفاع اسعار السيارات الاخرى . صحيح ان شركات السيارات ترفع اسعارها ولكنها تخفض احيانا وجاك لم تفعل ذلك فهى ترفع السعر دائما .ان الشركات التى ترفع الاسعار هى جميعا شركات مستقره فى السوق المصرى وتحمل ماركات عريقه وعلى مر تاريخ سوق السيارات المصرى لم نجد شركه تجرات على رفع السعر كما فعل وكيل جاك وعمره لم يتجاوز العشره اشهر . كان هذا الوكيل المحترم لا درايه له بسعر اعاده البيع بالنسبه للسيارات الصينيه . ثم ان وكيل جاك له التفرد والسبق فى رفع السعر بشكل متسارع ومتلاحق اذهل الكثيرين واغضب واغاظ الكل .حتى صار الاجدر من وجه نظرى بان تنطبق عليه قاعده 0 خليها تصدى وموديلها يعدى .لكل هذا فان مشكله رفع سعر الجاك ليست امرا عاديا .