رد: السلسله الذكيه للصيانه الوقائيه
 

فين الناس دى بس يا هندسا الناس دى قليلة جدا كله وخدها بالدراع
كان فيه مشكلة فى عربية واحد زميل هى فليشيا المهم صرف عليها كتير وغيرلها 2 كربراتير واطقم بوجيهات كان بيشتكى من العربية بعد متاخد سرعتها تروح نتشة
المهم رحنا لمركز وصل الكمبيتور وقله عندك السلكة رقم 3 فى الاسبراتير عيزة تتغير وخلصت المشكلة
للأسف احنا عيزين كده
طيب فيه مشكلة عندى هى انى لما اجى اسخن الصبح الار بى ام يوصل لـ 2 وفى ثوانى يروح نازل زى الصاروخ لحد لما العربية تبطل فلازم اقعد اكارك عشان متبطلش وتسخن العربية
ولما تسخن العربية تتحل المشكلة دى بس سعات اللاقى الار بى ام يقعد يعكسنى اللاقيه بينزل وهى فى السلانسيه
مع العلم لسه طالع من صيانة كربراتير وعشان اقنعه بالموضوع ده لازم اركن العربية عنده من بليل واخليه هو الى يسخن وده صعب جدا
يترا ايه المشلكة واروح اقله ايه بتاع الكربراتير
لك منى كل حب وود
ابراهيم من اسكندرية

رد: السلسله الذكيه للصيانه الوقائيه
 

ماهو نوع الصيانه ....حتلاقيك تقولى أكس وباب سلانسيه علوى

رد: السلسله الذكيه للصيانه الوقائيه
 

ولا اى حاجه من الحاجات دى اتعملت
والراجل قلى انه مفهوش حاجه غير ان باب السلانسيه مفتوح شوية بس ممكن امشى بيه على كدا

رد: السلسله الذكيه للصيانه الوقائيه
 

أمال صيانة إيه إللى اتعملت

ايه ياترى

نظافه وتغيير بيكات مثلا

ولا مسح الكربوراتير من بره

ودمتم

رد: السلسله الذكيه للصيانه الوقائيه
 

انا كنت ريحله بمشكلتين
الاولى الاستهلاك فى السلانسية
الثانية موضوع التسخين والعربية بتبطل الى هى مازالت قائمة ومش عارف اروح اقله ايه والفلوس الى انا دفعتها كانت مقابل انه نظف الجزء بتاع التسخين
شكرا هندسا

رد: السلسله الذكيه للصيانه الوقائيه
 

هو ده الحل علشان تقنعه أن بتقابلك مشكلة دواره على البارد بتخللى المكنه تبطل منك

وواضح أن باب السلانسيه العلوى بالكربوراتير فيه مشكله عدم شغل صح

بيعلق وبيقفل دخول الهواء على الكربوراتير على السلانسيه

ممكن يكون عاوز يتوارب شويه بظبط آلية عمله عندك

سواء كان بيشتغل بمية المكنه أو بملف تسخين كهربى

______________________

وممكن تستعوض ربنا فى القرشين إللى أخدهم

وتشوف صنايعى أشطر منه

وتعرض عليه مشكلة الباب العلوى دى

ولو أنت حليت عمة الكربوراتير

ولقيت الباب قافل نهائيا ومش منور حتى

يبقى توقعاتى سليمه

أنك محتاج مواربه صح للباب

________________________

وجايز يكون أكس الباب بوش جامد

ومحتاج صيانه بأى شكل

زى تغييره مثلا من كاربوراتير قديم يكون بابه وأكسه تمام

رد: السلسله الذكيه للصيانه الوقائيه
 

انا حاسس انى باخد من وقتك كتير يا هندسا معلش سمحنى بالله عليك وكله بثوابه
وجزاك الله خيرا باشا
وربنا ما يحرمناش منك
وحجرب موضوع الباب الموارب ده بكرة ان شاء الله وكمان ححاول اسخن والعمة مفتوحة ولو عرفت الوارب الباب حوربه واشوف هل حيفضل ولا لأ وحبلغك بالى حيحصل ان شاء الله