رد: الماروتى بتاعتى اتقلبت و الحمد لله على كل حال
 

الف شكر يا رجالة على ردكم عنى
و ده لينمك المشاركة بتاعة الانذار و السنتر لوك
http://www.masrmotors.com/vb/showthread.php?t=40363&pa ge=3

و اثناء التركيب شوفت داخل الباب ماسورة سميكة اكبر اسمك من ماسورة المياه بتاعة السباكة ماشية داخل الباب بالعرض كنوع من الامان للسائق و السيارة

اما القوايم و الكلام دة فكل شىء سليم بالرغم من انها انقلبت على ظهرها و فضلت فترة على الوضع المشقلب دة و كنت زيك كدة بقول فى نفسى العربية انتهت و ما صدقتش انها طلعت بالسلامة

و لو نفسك تجربها و تسوقها لفة كدة على الطريق السريع ما عنديش مانع اقبلك و تطلع بيها وتجربها بس لازم اكون جنبك علشان ماتزعلش منى

رد: الماروتى بتاعتى اتقلبت و الحمد لله على كل حال
 

نسيت اقولكم ان الشبكة بتاعة السقف هيه اللى اخدت الحمل كله و قامت بتوزيعه على القوايم و بكدة السقف فضل سليم و القوايم سليمة

بس من تداعيات الامور ان هناك زيت نزل فى الاسبراتير فى الفتحة بتاعة التوصيلة بتاعة البوبينة و مش عارف دخل ازاى جايز اتسرب من الخبطة السلك بتاع البوبينة فصل من مكانة و لما اتعدلت نزل فى المكان بتاعه زيت
و اكتشفت الحكاية دى امبارح و لقيت السلك دايب فى المنطقة دى و كانت العربية تعبانى قوى و بتنتش و غيرت لها ابلاتين و كوندنسر و بوجيهات و مغلبانى و النهاردة روحت التوفيقية و اشتريت ابلاتين و كوندنسر و بوبينة من مكان تانى اسمه الشركة اليابانية و الابلاتين مختلف عن بتاع سوزوكى سنتر رغم انه نفس العلبة و مهعاه كيس شحم صغير و يابانى و امتن فى الخامة و جيبت البوبينة اللى نفسى كان فيها من عنده الالكترونى ب65 جنية و قال لى دى هيه اللى تمشى مع الماروتى و الابلاتين و الكوندنسر ب15 جنية و تيل فرامل امامى ب35 جنية علشان انا عملت كدة 20 الف كيلو وداخل على الواحد و عشرين
و ربنا يسهل و اركبهم بكرة و لا بعدة
بس نسيت اجيب الزرجينة لانى لقيتها ب25 جنية و قولت الف يمكن الاقيها ارخص و نسيتها
مش مشكلة ممكن اؤجل تركيب تيل الفرامل حتى لغاية ما اغير الزيت لان الزيت اهم و الفرامل شغالة ما اشتكتش لسة
و الله الموفق

رد: الماروتى بتاعتى اتقلبت و الحمد لله على كل حال
 

الحمد لله علي سلامتك
بسيطه إنشاء الله
انا كمان عملت حادثه بالماروتي بتاعتي الأسبوع إلي فات
متوسيكل صيني دخل في وش العربيه
بس لحمد لله أنا سليم والحاجات غلي في العربية إتلمت من فضل الله
صحيح الفوانيس الجديده مش عجباني بس بدور علي الأصلي بتوعها
أنا حاليا راكب العربيه ومبسوط بيها جدا
والحمد لله وربنا يعوض عليك وعليا وما يكتب علينا حوادث تاني

رد: الماروتى بتاعتى اتقلبت و الحمد لله على كل حال
 

ألف ألف حمدالله على سلامتك وفداك الف عربيةROSE4U

رد: الماروتى بتاعتى اتقلبت و الحمد لله على كل حال
 

الف شكر يا جماعة و الله يسلمكم
و دة اخر حاجة فى الماروتى
http://www.masrmotors.com/vb/showthread.php?t=40363

و تم تركيب بوبينة الكترونى
و جارى البحث عن الابلاتين و الكوندنسر الالكترونى

رد: الماروتى بتاعتى اتقلبت و الحمد لله على كل حال
 

انا كنت قبل كدة دخل فيها جرار من الامام و كسر لى فانوس الاصفر الصغير بتاع الاشارة و جيبت من فيصل الوش ب4 جنية و مرة تانية كنت دخلت فى بيجو على الدائرى و جبت فانوس الكورنر من احمد حلمى باللمبة ب 15 جنيةو الشبكة نوع شكل تانى من سوزوكى سنتر بالتوفيقية ب 10 جنيةاما الكبار بتوع النور العالى لسة مجبتش حاجة لانهم سلام
المطلوب هوه اللى ورا لانى دخلت فى نقل عند المحمل و الاصابة كانت بس فى الفانوس الخلفى بتاعى
بس على ما اعتقد فيه موضوع عن الفوانيس الكبيرة هدور عليهم و ابعتهم لك على الخاص