المشاركة الأصلية كتبت بواسطة fares515 (المشاركة 226387)

أنا قمت بتغيير التوقيع واتمنى على كل الاعضاء اللي قرأو الموضوع انهم يغيرو توقيعهم كذلك
وبتمنى يكون فيه دعم اعلامي من اصحاب المنتدى يعني بنر كده على السريع بيعلن عن الحمله وكمان جروب الفيس بوك مهم جدا وملصقات وتصميمات حلوه عشان الحمله تنتشر بسرعه وبنا يعمل اللى فيه الخير

المشاركة الأصلية كتبت بواسطة mercedes (المشاركة 226396)

أنا ماكانشى قصدى أن الناس تبطل تشترى عربيات و تتنطط فى المواصلات لأن ده هيكون حل غير عملى و خصوصا للى معاه أسرة و اطفال و كده و خصوصا أن المواصلات فى مصر ماتسرش حد و حالتها زبالة .

أنا رأيى أن اللى حاجز عربية زيرو فى التوكيل , يحاول - و لو مجرد محاولة - أنه يشترى كسر زيرو و هيكون هو المستفيد , أنه يشترى عربية بحالة الزيرو وممكن كمان تكون لسه فى الضمان و كمان فيه فرق سعر كبير و الفيصل فى حالة العربية هو الفحص الفنى فى التوكيل أو مراكز الخدمة المعتمدة و بالتالى يبقى ضربنا عصفورين بحجر واحد , أننا , ماشتريناش من التوكيل و الموزعين و فى نفس الوقت و الحملة نجحت , العميل اللى عاوز يركب عربية عشان هو أكيد تعباااااااااااااااااان جدا من غير عربية , بالفعل اشترى عربية و بحالة ممتازة و طبعا الأفضل لو اللى هيشترى عربية ينزلها من برة من الخليج و هتكون بحالة أفضل و بمواصفات خليجى و مضمونة مليون مرة عن الخليجى اللى بيتباع هنا , الكلام ده لو يعنى الحكاية زانقة معاه أوى أنه يركب زيرو .

شكرا و آسف للاطالة

المشاركة الأصلية كتبت بواسطة islam-muhammad (المشاركة 226397)

احنا كنا هنشتري ماتركس اوتوماتيك ب 95 الف بس اجلنا لشهر واحد يا رب ساعتها ال95 الف تجيب حاجة احسن بعد الحملة

المشاركة الأصلية كتبت بواسطة meshooeng (المشاركة 226402)

انا كنت رايح الاسبوع الماضى اشترى هيونداى ماتركس اللى على قدها قوى بس اعمل ايه على قد فلوسنا فى مصر اللى من المفترض انها تركبنا افخم السيارات بره مصر
ماعلينا
اتصلت بمعرض الطارق وحددو السعر ب 83500 ج
اتفقت على انى اذهب اليهم فى اليوم التالى واشترى بشرط انهم يخفضوا ال 500 ج وتبقى ب 83 الف فقط قال الموظف حضرتك شرفنا وربنا يسهل
المهم روحت فى الصباح للبنك سحبت الفلوس وطلعت على المعرض وهوبجوارالبنك فى الدقى وهناك صدمت ان الاسعار زادت والماتركس بقى سعرها 93000 ج
وقالو ان الجمارك زادت بالامس على الجديد
طعبا المفروض ان قارار الزيادة ينطبق على السيارات التى سوف تدخل البلاد بعد صدور القرار لكن فى بلدنا القرار بيطبق فور صدورة على كل البضاعة المتواجدة بالمخازن
علشان كده انا موافق على حملة المقاطعة
خليها تصدى ومودياها يعدى

المشاركة الأصلية كتبت بواسطة _amr.mostafa_ (المشاركة 226413)

عى فكرة الحمة قديمة وموجوده في مصر من العام الماضي ...

وبعد شهر واحد من نزول الحملة في المواقع والمنتديات حققت مبيعات

السيارات في مصر اعلى معدل بيع ....

المشاركة الأصلية كتبت بواسطة bam8572 (المشاركة 226443)

تسلم والله وتغيير التوقيع دا شئ ممتاز

الحملة والدعاية اوعدك ان فى خلال الشهر الكريم بإذن الله تعالى واذا وفقنا الله ستكون الحملة معروفة ومشهورة وحديث كل المصريين الى بيهتموا بالعربيات




لما يستنى بردو كام شهر مفيهاش جاجة يعنى وربنا هيوفقنا بإذن الله

موضوع زيرو او كسر زيرو مش هتفرق اللى يهمنا العربيات اسعارها لازم تنزل


شهر مش كفاية ومين عالم يمكن نجيب حاجة ممتازة جداً بس اصبروا ومحدش يستعجل نهائى والله وانا بإذن المولى عز وجل واثق من نجاح الحملة



تجار وتوكيلات معندهمش ضمير وكذلك الجمار

احنا نمتنع عن شراء السيارات وهما يولعوا فى بعض الاتنين


حضرتك بتتكلم على اى دولة ؟

انا سمعت ان الناس مش عاجبها اسعار العربيات اه وكدا ودخل فى الموضوع الازمة العالمية وخلافه وكانت كل السلع تقريباً واقفة ونزلت اسعار العربيات شوية

لاكن حملة خليها تصدى وموديلها يعدى معمولة وحققت بعدها مبيعات عالية والكلام دا اعتقد انه مش فى مصر

كامل احترامى

المشاركة الأصلية كتبت بواسطة ahmed_menaiem (المشاركة 226470)

بس ياريت الناس كلها تشارك فى الحملة

المشاركة الأصلية كتبت بواسطة _amr.mostafa_ (المشاركة 226541)

لا الحملة امتدت لي مصر لو بصيت على مواقع مصرية كتيييييير جدا هتلاقي

ان في ناس عملت مواضيع وحملات ...لكن !!!