مصر موتورز مجتمع السيارات - سؤال لملاك الميجان، ليه بتبيعوها برخص التراب

مصر موتورز مجتمع السيارات (https://www.masrmotors.com/vb/index.php)

- رينو ميجان Mégane (https://www.masrmotors.com/vb/forumdisplay.php?f=159)

- - سؤال لملاك الميجان، ليه بتبيعوها برخص التراب (https://www.masrmotors.com/vb/showthread.php?t=1474)

رد: سؤال لملاك الميجان، ليه بتبيعوها برخص التراب

مرحبا
بدايه اشكر الجميع على ردودهم واراءهم و اود من الجميع اذا امكنهم المشاركه وان نحاول ان نجد سوياً اجابه لهذا السؤال المحير : ما هى حقيقه الرينو ميجان ؟
http://www.masrmotors.com/vb/showthr...3635#post73635
وشكرا

رد: سؤال لملاك الميجان، ليه بتبيعوها برخص التراب

صح الصح الآراء السابقة وإضافة صغيرة ان اهم شيء في اى حاجة تشتريها خدمات ما بعد البيع تكلفتها إيه بالنسبة لثمنها يعني ثمنها في البداية رخيصة وبعد كدة حتقعد تصرف عليها دم قلبك ولا غالية لانها حتوفرلك بعدين عند استخدامها لكن سيئة من الناحيتين يبقى حرام وتبقى عايزة حد هو عارف هو مقبل علي ايه والعربيات ام كمبيوتر الحديثة بتصعب عليا قوى هي و اصحابها لما تعطل وتبقي محمولة عفوا علي الاعناق بالشيء الفلاني وتروح في آخر الدنيا في أماكن صيانتها المحدودة علشان صاحبها يتقلب في التوكيل ولولا اختلاف الاذواق لبارت السلع والله الموفق وشكرا لصاحب الموضوع علي نقل خبرتة الغااااااالية

رد: سؤال لملاك الميجان، ليه بتبيعوها برخص التراب

اقتباس:

المشاركة الأصلية كتبت بواسطة gogom (المشاركة 69189)

الميجان فيها لوح الكترونيه كتير كل حاجة وليها الكمبيوتر بتاعها اللي بيشغلها فلو حاجة باظت صعب جدا بل ممكن يكون مستحيل ترجع زي الاول فعشان كده بتتباع المستعمل منها رخيص اوي وعشان كده برضه نصيحة مني واخداها منه ان محدش يشتري ميجان مستعمل

الكلام ده صحيح إلى حد كبير فأنا مثلا كان لدي عطل في الفتيس وهذا العطل كان دائم التكرار وكنت كل مرة أتوجه إلى التوكيل وأشرح لهم ما يحدث من فصل للنقلات أثناء السير وبعدها يسلموني السيارة بعد أن اقوم بتغيير صمام او تنين في الفتيس وألاقي بعد كده الفتيس رجع تاني لنفس العطل ، إلى أن أصريت على أن تحل هذه المشكلة ودار حديث طويل بيني وبين المهندس المسؤل عن الصيانه هناك في فرع العبور وقال لي أنه لا يستطيع الدخول على الفتيس لقراءته ومعرفة ما هو العطل الموجود فيه لأن الكومبيوتر الرئيسي لا يستطيع الأتصال بالفتيس نهائيا
وبعد كلام كتير ومجادلات أكتر تركت العربيه إلى أن قاموا بتغيير الفتيس والسوفت وير ولكن أكتشفت بعدها في مركز الميكانيكون العرب أنهم لا يستطيعوا الدخول على سوفت وير الفتيس من خلال الكومبيوتر
وعندما سألت عن الحل قيل لي يجب أن أغير اللوحة الألكترونية الأم (الكمبيوتر) وطبعا ماغيرتش حاجه
وقمت ببيع السيارة و لم يكن الفتيس متصل باللوحة الألكترونية الأم التي يدخل عليها مهندس الصيانة لقراءة الأعطال المسجلة لديه

رد: سؤال لملاك الميجان، ليه بتبيعوها برخص التراب

توكيل ايه ياجماعه هو اللى عندنا دول توكيلات دول شوية لصوص انا مش فاهم يعنى ايه احنا كمصريين ثقافتننا بتقول ان العربية لازم تكون حديد وتشيل الزلط وهل من الواجب انى العربية تبقى متبرمجة بحيث كل شوية عطل وتجرى تبرمجها من جديد ده مشوار التوكيل ده بيضيع فيه ساعتين تلاتة يعنى عايز ناس فاضية تروح كل شويه لن لما يبقى صيانة بسيطة اهو الواحد لما يلاقى وقت يروح ولما تبقى صيانة جامدة يبقى الواحد يضيع وقته على حاجة تستاهل لكن تروح كل شوية التوكيل وانت مجبر لان الكومبيوتر ناطط لك فيها يبقى التوكيل ده ده كده عامل زى اللى اللى بيبيع جوز حمام وبعد الزبون ميدفع الحمام ييطير ويرجع لصاحبه تانى ثم فين الجدوى الاقتصادية اذا كانت كل شوية التوكيل ومصاريف ومعقول فى فى الدنيا بطارية تتغير كل 25 الف هيا بطارية راديو وبعدين العربية زيها زى اى مشروع اقتصادى احنا بنتكلم عن الغالب الاعم من الشعب لكن مش قلة مبسوطة ان التوكيل بينصب عليهم وحسبى الله ونعم الوكيل ملحوظة انا راكب نيسان وهيا عربية ماشاء الله لاقوة الا بالله ممتااااازة ومستحملانى وكونها مستحملانى ف ده يثبت انها ممتازة لكن الكلام اللى قريته عن الميجان يغيظ

رد: سؤال لملاك الميجان، ليه بتبيعوها برخص التراب

,والله انا معايا رينو ميجان 2008 زاي الفل مع اني بشاكسهم في التوكيل بس ناس زاي الفل وانا عامل 100000 كم والعربية زيرو وتحياتي الي المهندس حسام في التوكيل مدير الورشة والصيانة تحياتي ليه بزوقة خلاني احب العربية جدا ة

رد: سؤال لملاك الميجان، ليه بتبيعوها برخص التراب

معلش ياجماعة أعذروني لسطحية السؤال هل الإنطباع داه عن التوكيل والصيانة والمشاكل الناتجة عن التكنولوجيا الفرنسية ينطبق على السيمبول أيضاً ولا دا خاص فقط بالميجان لأنني بفكر في شرائها وأصدقائي بيحذروني من التوكيل إنه أحياناً ممكن يحجز السيارة بالأسابيع لعدم توافر قطع الغيار أو للزحمة

رد: سؤال لملاك الميجان، ليه بتبيعوها برخص التراب

ملحوظة ياجماعة بقاس مدى نجاح السلعة اى سلعة فى السوق بمستوى مبيعاتها ولذلك رغم اى راكب نيسان صنى لكن الشهادة لله الهيونداى متفوق فى مبيعاته وانت ماشى فى الشارع اتفرج هتلاحظ معظمها موديلات لهيونداى ومحدش يقوللى علشان رخيص لانك هتلاحظ ملحوظة تانية ان موديلات المرسيدس برضه مبيعاتها كتير وده معناه ان الموضوع ممكن يكون موضووع سعر لكن مش هتستمر هيونداى من سنة 1990 لحد النهاردة بالسعر بس وبعدها اللانسر بموديلاته و ده لانها عربية اخدت شهة لاننا زى م قال احد اخواننا هنا بنسمع بدون منتأكد من دقة المعلومة وانا شخصيا زى كلام الناس كنت هشترى لانسر وفوجئت انها اقصر من النيسان وانا كنت عايز عربية واسعة وهيا تقريبا النيسان اعرض حاجة بسيطة وطبعا الفرق ده خلان غيرت رايى رغم انى كنت متخوف جدا من النيسان و زى موضوع الغاز يعنى انا لما اشتريت العربية اخدتها من معرض السيارات وروحت احولها غاز وعقدونى من موضوع الغاز سنتين كاملين وانا خايف من الغاز لانه بيدمر الموتور وكنت بستعجب ان سواقين التاكس كلهم اجمعو انه بيدمر الموتور رغم انهم مركبين غاو واتااريهم بيكدبو لانهم خايفين على البنديرة واحقيقة انا كنت بدفع شهريا بنزين بس من 2500 جنيه الى 3000 لكن قريت موضوع الغاز هنا فى الموقع ده وغيرت فعلا الغاز ودلوقت بدفع حوالى 500 جنيه القصد من الكلام ده اننا بنسمع بدون منتحقق من دقة الكلام وبعدين عربية ب 160 الف جنيه مطلوب اننا نتعامل معاها على انها هانم بنت ذوات طبعا مع احترامى لاخونا ابو نورا صاحب المثل ده لكن فىى الواقع العملى والزحام الرهيب والطرق السيئة فى مصر يبقى ده معناه تركب العربية دى تروح بيها شغلك وترجع وباقى النهار تحت البيت او المكتب لكن تعمل لها حوالى 7000 كيلو متر شهريا زى حالاتى يبقى هتلعن سنسفيل اللى جابونى من اول شهر ياباشوات دى 160 الف جنيه وموتورها 1600 بيعمل 110 حصان بس يعنى موتور مش جامد موتور النيسان 1600 لكن بيطلع 118 حصان وكلها على بعضها دلوقت بعد م غليت حوالى 93 الف المنيوال و عل فكرة معنى ان الموتور بيطلع 118 حصان يعنى سحبها محترم وفعلا لما ركبت غاز السحب بتاعها قل بنسبة غير ملحوظة خاااالص يعنى بتوصل الى 165 كيلو فى الساعة بالغاز