|
رد: ليه بتحبو ال128 وبتكرهو الادا ؟
اقتباس:
أنا مع الرأى ده بالإضافة إلى إن قطع غيار اللادا اقتصادية وغير مكلفة بالمرة وكمان استهلاكها فى البنزين اقتصادى وعن تجربة وعربية جامدة جدا وبحبها جدا وبكره 128 جداجداجدا |
رد: ليه بتحبو ال128 وبتكرهو الادا ؟
طبعا 128 أحسن من اللادا 100 مرة .
أنا فى مرة حبيت أجرب عربية واحد صاحبى وكانت لادا 2009 جيت ألف الدريكسيون كوعى خبط فى البرابيز الامامى روحت سايب العربية فى نص الشارع ونزلت منها . |
رد: ليه بتحبو ال128 وبتكرهو الادا ؟
الـ 128 أنعم بكتير من اللادا.
|
رد: ليه بتحبو ال128 وبتكرهو الادا ؟
اقتباس:
واللادا أمها مش دايرة أمها نايمة على ودانها يعني لو شركة لادا بتهتهم بخدمة ما بعد البيع وبتوفر لك قطع غيار رخيصة مكانش حد في مصر ركب أي عربية إلا لادا أنا لما جيت أشري عربية كنت مستحيل وقتها أشتري 128 إشتريت لادا أوكا رائعة كفكرة يعني لو رجع بي الزمن لسنة 2000 وقت نزولها مصر ومعي ضعف ثمنها كنت هأشتريها جديدة زيرو مش حاجة تانية لكن تعالى شوف لما بتعطل بأخاف أوديها للميكانيكي ليقول لي محتاجة حتة سلك ولا حتة خرطوم عارف البطاحة بتاعتها بكام؟ 145 جنيه عارف كوع البنزين عبارة عن حتة كاوتش 15 سم بكام؟ ب 65 جنيه من 3 شهور وأنا بأشتربه من حمدي لادا قال لي الدفعة الجديدة هيجي لي ب 75 جنيه سيارتي محتاجة إسكاترة أنا خايف مجرد أسئل على سعرها لكن 128 لو وقفت على الرصيف وبصيت يمين وشمال ممكن تلاقي قطع غيارها وببلاش هو ودانا في داهية إلا غباء الروس في السلاح لو كانوا خدموا أسلحتهم ووفروها ووفروا قطع غيارها كان زمنا بنصلي العيد في المسجد الأقصى عرفت يا باشا ليه الفيات مش اللادا؟ لو رجع بي الزمن ليوم ما أشتريت اللادا أنا كنت اشتريت 126 أرحم ولا زيستافيا حد يأخد لادا أوكا ويديني بدلها مروحة؟؟؟؟!!!!! تصدق بالله مرة عطلت مني أمام العيادة سيبتها وروحت ماشي رجعت العيادة تاني يوم والله كنت على أمل تكون اتسرقت وحزنت لما لاقتها وقلت مكنتيش أنت اللي اتسرقتي بدل موبايلي السامسونج يعني كنت على الأقل يبقى جت منها بدل نظرات اللوم اليومية من أمي ومراتي على شرائها وأبقى مجني عليه مش جاني في حق نفسي يغور اللبن من وش القرود يا راجل |
رد: ليه بتحبو ال128 وبتكرهو الادا ؟
اولا اهلا بيك يا دكتور اسامه في مصر موتورز
بصراحه اسلوبك في الحوار شيق و ممتع جدا اتمني نشوف مشاركاتك قريب بس علي فكره احنا هنا بنتكلم عن اللادا ال 2105 و ال 2107 مش الاوكا و بنقارنهم بال 128 |
رد: ليه بتحبو ال128 وبتكرهو الادا ؟
اقتباس:
ولا أعتقد الفرق كبير في الخدمات المقدمة لموديلات اللادا فالكل يعاني وروسيا فعلا لا تخدم صناعتها بالقدر الكافي لو نزلت بمستوى الخدمة المقدم للفيات أعتقد فعلا محدش هيركب فيات فما الذي يضطر أحد لركوب فيات 126 ولا سيات طالما الأوكا والتافريا مخدومة وما الذي يجبر أحد لركوب 132 و131 و128 لو 2105 و 2107 إتخدموا كويس أنا بأتكلم في سياسة عامة فشل ف منظومة التسويق بالكامل لدى الروس |
رد: ليه بتحبو ال128 وبتكرهو الادا ؟
اقتباس:
علاوه علي الشكل و النعومه و الاعتماديه يعني لما يبقي قدامي 131 و قدامي لادا مثلا و الاتنين قطع غيارهم متوافره لكن ال 131 اعتماديه اكتر من ال 2107 و شكلها افضل و موتورها احسن يبقي بالتاكيد حختار ال 131 و ابعد عن اللادا 2107 رغم رخص قطع غيار اللادا |
| الساعة الآن 11:07 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017