|
رد: تحذير ( من زيوت زادو Xado ) لوجه الله
اقتباس:
مهو كان لازم تيجى معايا ع الدوغرى وتعرفنى بنفسك مبحبش نظام الكلام ده احنا بنقابل كل يوم ناس كتير مش منتظر حاجة من حد وجربت اضافة الزيت ولا عملت اى حاجة ف الكرونة لكن مجربتش ولما تيجى تعمل بوست انك جربت الزيت فعربية امجراند وبعدين أعرف بعدها انها اسبرانزا عاوزنى أصدقك ودخلت ع البروفيل لقيت اسم محمود باشا ومفيش اى معلومات عنك فكان لازم أعملك بلوك يعم انت احسن منى ياعم وانا مبفهمش فحاجة لكن انا مليش أدنى مسئولية عن الزيت ده وحياتى كلها تجارب مبنقلش خبر او معلومة الا لو مجربها عشان محدش يدعى عليا الزيوت دى محل لغط وجدال ملوش 30 لازمة بين الناس واحسن زيت هو التعاون لأنه هو الأساس وكل الشركات بتاخده خام فبراميل وتحط عليه التكت بتاعها وتبيعه وتكسب فيه انا مش عاوز منك حاجة وعاوزك تفهم بس انك لما تكتب حاجة على جروب لازم تكون موضح الكلام ودوغرى ونتا مكتبتش نوع العربية ولا شرحت الموضوع بالظبط وكلنا بنتعلم محدش مخلوق متعلم وبالنسبة لجروب احنا عاملينه للملاك فقط عشان نحل مشاكلنا مع العربية ومش عاوزين سلبيات لأن كل واحد عارف عربيته وكل واحد ورزقة والعربيات أرزاق وبالمناسبة انا مدير لكزا صفحة وكزا جروب برضو ونتا شكلك فاضى للردود اللى تحرق الدم والكلام اللى ولا بيودى ولا بيجيب ،،،،،،، أنزل بقى على أرض الواقع وانا أعرفك أنا مين والحمدلله عمرى ما نصحت حد بأم الزيت ده وكل اللى أعرفه عن هيثم انه فمحافظة تانية وبيبعت بشركة شحن وعنده موزعين بالنسبة للموزعين أعرف سيد عصام و الشاويش تاجر الزيوت الاتنين أعرفهم معرفه شخصية وبيقولوا عمرهم ماحصل زى اللى حصل معاك الله يصلح حالنا وحالك لمؤاخزة يا أبو نورا كان لازم أرود عليه عشان مستفز (فى الكلام) وكل فترة كدا نقابل ناس يشتموا ف العربية بدون سبب وتخيل لما يجى يقولك انا غيرت الزيت واللمبة نورت ف جروب الامجراند افهم انا ايه وأبعتله ع الرسايل ميرودش تصدق انا مش عارف انا رديت عليك ليه |
رد: تحذير ( من زيوت زادو Xado ) لوجه الله
اقتباس:
|
رد: تحذير ( من زيوت زادو Xado ) لوجه الله
اقتباس:
|
رد: تحذير ( من زيوت زادو Xado ) لوجه الله
اقتباس:
|
رد: تحذير ( من زيوت زادو Xado ) لوجه الله
انا دخلت انهارده قلبت الاميلات بتاعتى كلها على رد من الشركة الام لحد دلوقتى مجاليش رد
كلمت بعض اطراف المشكلة منهم الاستاذ سيد عصام والاستاذ محمود صاحب المشكلة وزى ما ذكرت وانا عند وعدى هحكى تجاربى مع الزيت فى اقرب فرصة ان شاء الله بس حبيت اسجل واأكد المتابعة |
رد: تحذير ( من زيوت زادو Xado ) لوجه الله
الله ينور يا رجالة
كده, بعد الصلاة على حبيبنا النبى - اللهم صلى و سلم و بارك على سيدنا محمد, هنتفق على شوية حاجات: 1- مفيش بيننا كل غير ود و إحترام و حب, و محدش فى نفسه حاجة من حد هنا لإن محدش ليه مصلحة فى أى حاجة, و الهدف كما وضح كبيرنا الأستاذ وائل: المصلحة العامة و نفع الغير و كلمة تكتبها لوجه الله و تسيبها و غيرك يستفيد بيها سنين و سنين, و أكيد كلنا ملتزمين بالكلام ده. 2- كده قعدتنا فى الموضوع ده علشان نطمئن على مستقبل الزيت ده من رد الشركة على أيميل الأستاذ وائل, لو ردو يعنى, مش أكتر. 3- و ده الكلام اللى بأقولة من الأول و هأكده... واحد صاحبى فاتح محل زيوت و كان عامل عقود مع موبيل و شل و .... عقد بتوريد كمية معينة و يأخد عليها بونص و من بنود العقد لو لاقدر الله أى عربية حصل فيها مشكلة بسبب الزيت بتاعها, لجنة فحص بتنزل تأخد عينة من الزيت داخل المكنه و تفحصها و لو هيا السبب بيتم صرف تعويض لشراء مكنة جديدة للعربية أياً كان نوعها. صاحبى ده قالى كل الزيوت اللى فى مصر بتتضرب, و الصح تجيبه من بنزينة معتمدة تابعة لإشراف وزارة البترول البترول و تجيب مكانها من موقع الوزارة, عاوز شل هات من بنزينة شل, متروحش تجيبة من المحل اللى جنب بيتك, موبيل , امارات, كالتكس وطنية ... أياً كان النوع تجيبه من مصدره. للعلم شل أتباعت و معظم اللى فى السوق شل مضروب. و مش هأكرر رأيى فى ولف و ولفر و امسويل ... الحاجات اللى بتتباع على النت دى. 4- و دى أهم نقطة ... المشاريب كلها على حساب صاحب المحل :crazyW14: :wave2W21::ROFL_C~118::28 6: |
رد: تحذير ( من زيوت زادو Xado ) لوجه الله
بسم الله الرحمن الرحيم انهاء منى لهذه المشكله سوف اعرض لحضراتكم تفاصيل ما تم اولا : شركة زادوا لها مستورد بمصر وهو شركة البسمله ومقرها دمياط ---------------------------------------------- ثانيا بالنسبه لموضوع سؤ التخزين وديه انا كنت اتكلمت فيها مع استاذ محمود فيها لانه ادعى على الشركة سؤ التخزين وهى ان مخازن شركة زادو كلها تراعى الظروف الامنه لتخزين الزيوت بدون اى اضرار للمنتجات الموجوده بها وانها بعيده تماما عن ضوء الشمس والرطوبه واى عوامل تضر بالمنتجات الموجوده بها ------------------------------------------------------ ثالثا كان برضوا من كلامى مع استاذ محمود ان المشكله ليست فى الزيت ورغم ذلك استغل هذا الكلام واخذ نصف الايه فيه وحرفه تحريف بين وارسله لاستاذ وائل مجدى انى انا بعترف ان المشكله فى الزيت وده واضح فى الصورة الاولى اللى اتخذ فيها نصف الايه وقال انى بقول ان المشكله فى الزيت http://www7.0zz0.com/2015/06/05/02/992176769.jpg ---------------------------- الصورة الثانيه من نفس الشات ولكن فيها الايه كامله وليست نصف الايه مثل ما فعلها استاذ محمود وارسلها للاستاذ ابو نورا http://www7.0zz0.com/2015/06/05/02/762167933.jpg وفيها بقوله ان مشكلتك من الاول مكنتش مشكلة الزيت طبعا هو ساب كل الكلام اللى فات وارسل مشكلة الزيت فقط وايضا كان من ضمن كلامى انى اعتذرت للاستاذ محمود ووعدته اننا مش هنعطى لاى حد زيت منتهى الصلاحيه مره اخرى ؟؟؟؟ وهذا كلام غير حقيقى نهائيا لانه من الظلم ان اعتذر على شىء غير موجود على الاقل هكون ظلمت نفسى انا ------------------------------------------ رابعا كان من ضمن كلام استاذ محمود معى بيقولى ان عبوة الزيت الواحد ليتر انها منتهية الصلاحيه وعاوزنى اقول كدا وكان ردى عليه ان عبوة الزيت المرسله ليه كانت بتاريخ اخر شهر اغسطس لعام 2010 وكانت غير منتهية الصلاحية وكانت صالحه للاستخدام وقعد يسئلنى هذا السؤال حوالى اربع مرات بطريقه عجيبه كل ما اجاوبه على السؤال هو هو يسئلهونى تانى ؟؟ وكنت بجاوب عليه نفس الاجابه وهى شهاده اتحاسب عليها قدام ربنا الزيت مالوش ذنب فى كل اللى انت عملته -------------------------------- خامسا : كان اخر حاجه اتكلمها معايا انه مش عاوز فلوس ولا حاجه وانه بس عاوز ان الوكيل يعتذر له على اللى حصل فكان ردى عليه انه من الاول لو كان واجه مشكله فى المنتج واتصل بالوكيل وقاله ان والله انا بستخدم المنتج بتاعكوا و واجهتنى مشكله كذا كذا اكيد كان الوكيل ما كنش هيسيبك واكيد كان هيرد لك حقه لان شركة زادوا بتهتم جداااا بارضاء عملائها وانا متأكد مليون فى الميه انه مكنش هيترك استاذ محمود غير لو كان شاف معاه المشكله ورجعله حقه بالكامل بس اللى حصل ان حضرتك اخترت اسهل شىء وهو التشهير بالمنتج و ان حضرتك قولت علينا اننا رباطيه وعصابه وده كلام مرفوض تماما من جانبنا لاننا يعلم ربنا اننا بنتقى الله فى شغلنا جدااا وعمرنا ما كنا عصابه ولا رباطيه زى ما حضرتك قولت علينا فكان رد الاستاذ محمود انه اتسرع فى كدا وانه بعد ما كان قايل انه مش عاوز فلوس ولا حاجه وانه عاوز بس الاعتذار من الوكيل راح قالى وكمان يدينى فلوس الزيت ؟؟؟!!! وانه لو الوكيل اعتذرله واداله فلوس الزيت ساعتها هو كمان هيعتذر عن تسرعه ده وان الوكيل لو معملش كدا يبقى هيشهر بالشركه ديه صورة لما قال انه مش عاوز فلوس ولا حاجه http://www10.0zz0.com/2015/06/05/03/727147307.jpg وديه صورة لما قال انه لو الوكيل لو مرجعلوش الفلوس يبقى ساعتها هيحصل تشهير منه ضد الشركة ؟؟!! (على اساس انه لم يحدث تشهير اصلا قبل كده ) http://www10.0zz0.com/2015/06/05/03/256427347.jpg ----------------------------------------- سادسا : بما ان المشكله كلها كانت من الاول على الفلوس وخلاص اعتقد ما كنش له لزووم كل الموضوع ده وانه يتم التشهير بالشركه لهذه الدرجه وبما ان الشركه بتحاول ترضى عملائها بكل السبل فاحنا هنعطى لاستاذ محمود تمن الزيت واللى حصل بسببه كل الكلام والشوشرة اللى ماكنش لها لزوم من الاول بما ان الموضوع كله كان موضوع فلوس وخلاص ------------------------------------------------------- وانا ارجوا من الاستاذ ابو نورا يكون هو الوسيط فى موضوع رجوع الفلوس للاستاذ محمود مره اخرى حتى يكون شاهدا علينا نحن الاثنين --------------------------------------------------- واخيرا شركة زادوا من اقدم الشركات المستورده للزيوت السيارات المستورده فى مصر طوال فتره خدمتنا بنراعى دائما استفسارات جميع العملاء مستحيل ان حصل شكوى بالحجم ده قبل ذلك من الشركة والبشر خلقهم الله مختلفين لا يوجد شىء اتفق عليه البشر من الممكن ان لا يتفق الناس على ان منتج حلو او يتفقوا على متنتج انه مش كويس من الممكن نلاقى حد مش عجبه زيت زادو وبيستعمل زيت اخر بس اكيد فيه شخص تانى بيحب زيت زادوا ومش بيستخدم غيره فى عربيته وفى نفس الوقت مش بيحب الزيوت الاخرى ولكن المستحيل اننا نلاقى شكوى ان الزيت يخلى لمبة زيت تنور فى سيارة واحنا بنوعدكم بحل اى صعوبات تواجهكم وعلى اتم الاستتعداد لاستقبال الاستفسارات من حضراتكم و الله الموفق والمستعان سيد بهنساوى موزع شركة زادو بالقاهرة الكبرى |
| الساعة الآن 01:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017