مصر موتورز مجتمع السيارات - عمرات (اصلاح) محركات السيارات

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - عمرات (اصلاح) محركات السيارات (https://www.masrmotors.com/vb/showthread.php?t=117964)

رد: عمرات (اصلاح) محركات السيارات

إستفسار يا أهل الخبرة ... عندى عربية فيات 128 موديل 1986 الموتور بتاعها محلش قبل كده بس الموتور خفيف شوية والميكايكى قالى عايزة طقم شمبر علشان كبسها ضعيف شوية ... أنا خايف أعمل العمرة وأفتح الموتور لأول مرة الموتور ميرجعش تانى زى الأول ... وخايف من الميكانيكيا جداً لآنى بسمع كتير عن عمرات بتطلع فاشلة فى الاخر ... عايز رأيكم أسيبها كده أحسن وأستحمل ضعف السحب ولا أعمل العمرة ... ولو هاعمل العمرة حد يرشحلى ميكانيكى ممتاز فى العمرات ؟

رد: عمرات (اصلاح) محركات السيارات

روح لعم حمدي هيظبط لك العربية ان شاء الله

رد: عمرات (اصلاح) محركات السيارات

انا لسه عامل عمره والسيارة عند الميكانيكا بس بتليين فلاحظت ان الشكمان بينقط ميه سألته قالي دي كدا العمره تمام كدا صح ولا بيشتغلني

رد: عمرات (اصلاح) محركات السيارات

اقتباس:

المشاركة الأصلية كتبت بواسطة romeoalmansour (المشاركة 923097)

اولا هو مش سهم علي طول ممكن تلاقي (notch) علي البستون ودا بوضوا يدل علي المقدمة وزي ما انت بتقول و هذا الأتجاه هو (Front of engine)

تمام ... كلام منطقي جدا

اقتباس:

المشاركة الأصلية كتبت بواسطة romeoalmansour (المشاركة 923099)

طب لو حضرتك ركبته العكس

Some piston slap noise
because some of the pins are off-set
Possible decreased valve clearance

وطبعا دا معناه انك ان الصبابات ممكن تخبط في البستون

أكيد طبعا الصبابات هتخبط في البيستون
و لكن في حالة لو سطح البيستون له شكل بارز متلائم مع الصبابت

إنما لو السطح أملس دة كلام تاني

اقتباس:

المشاركة الأصلية كتبت بواسطة romeoalmansour (المشاركة 923142)

واخر سؤال ليك اللي معلوهوش علامات يركب ازاي
طب انا هسالك سؤال لو جوبته هتعرف من نفسك ---- هو ليه البستون عليه سهم اصلا - يعني ليه اتجاه في التركيب

إللي مفيش عليه علامات .. و في نفس الوقت سطحه أملس بدون أي بروز للصبابات ... علي حد علمي أنه هركب عادي مفيش مشكلة علي أي إتجاة .. مع مراعاه الكشف عالسبيكة و تركيب البيلات بصورة صحيحة .. هل كدة أنا صح و لا غلط

http://www.masrmotors.com/vb/attachm...1&d=1382219144

أكيد برده سبب التسلخ أو التجريح اللي موجود علي جدار البستم .. ليس سببه الأساسي هو التركيب المعكوس .. علي ما أعتقد ليس هذا السبب الأساسي .. ولا إيه رايك

*
*
*

الغرض و السبب من إستفساري

أكيد حضرتك شوفت الموضوع دة
و شوفت الفيديو

http://www.masrmotors.com/vb/showthread.php?t=119684

منذ عام 2008 كنت عملت عمرة عند ميكانيكي و تم تغيير أجزاء كتير منهم (الكرنك بالكامل و طقم سبيكة و شنبر طبعا و سير كاتينة و حاجات تانية ... ) و تمت العمرة بنجاح و مشيت بالعربية كويس و بدووووووووون مشاكل نهائي

و طبعا جيت فكيت الموتور الشهر إللي فات كما في الفيديو تماما

و إكتشفت إن كل الأسهم إللي علي البساتم كانت مشيرة إلي ترس الفولام و ليس طنبورة الكرنك (Front Of Engine)

مع العلم إن البساتم مفيش فيها أي تجريح نهائي و لا يوجد أي تسلخات علي جسم البستم أو في جسم الشمايز نهائي

و للأسف كنت في حيرة شديدة ... يا تري الميكانيكي ركب البساتم بالمعكوس (سنة 2008)
طب يا تري أركب البساتم علي نفس الأتجاة (المعكوس) .. و لا أركبها علي الأتجاة الصحيح

إضطريت طبعا لتركيبها علي الأتجاة المعكوس طالما مفيش أي تجاريح .. و قولت بلاش أركبها علي الأتجاة الصحيح .. خوفا من حدوث أي عواقب

دة كان سبب الحيرة و السؤال ... و طبعا فيديو الجزء الثاني إللي المفروض أنزله قريبا علي المنتدي ... للأسف سيتضمن تلك المشكلة .. يعني أي حد فني هيشوف الفيديو هيقول عليا (........) .. و لكن كنت مجبر علي ذلك

:sycho26: :sycho26: :sycho26:

رد: عمرات (اصلاح) محركات السيارات

اقتباس:

المشاركة الأصلية كتبت بواسطة Sherif Wady (المشاركة 924933)

انا لسه عامل عمره والسيارة عند الميكانيكا بس بتليين فلاحظت ان الشكمان بينقط ميه سألته قالي دي كدا العمره تمام كدا صح ولا بيشتغلني

الشائع أن نزول المياة من الشكمان في أول دوارة صباحا
هذا شيء كويس و دليل علي كفاءة و حالته الموتور جيدة

و لكن علي حد علمي سبب خروج المياة من الشكمان هو وجود ترسب من بخار المياة داخل الموتور .. فيخرج علي هيئة مياة في اول دوارة

و الله أعلم بصحة ذلك

برده مستني راي الخبراء

رد: عمرات (اصلاح) محركات السيارات

اقتباس:

المشاركة الأصلية كتبت بواسطة adham.com (المشاركة 924942)

الشائع أن نزول المياة من الشكمان في أول دوارة صباحا
هذا شيء كويس و دليل علي كفاءة و حالته الموتور جيدة

و لكن علي حد علمي سبب خروج المياة من الشكمان هو وجود ترسب من بخار المياة داخل الموتور .. فيخرج علي هيئة مياة في اول دوارة

و الله أعلم بصحة ذلك

برده مستني راي الخبراء

انت خبير برده وكلامك 10/10 دا دليل علي ان كبس الموتور كويس

رد: عمرات (اصلاح) محركات السيارات

اقتباس:

المشاركة الأصلية كتبت بواسطة romeoalmansour (المشاركة 924897)

روح لعم حمدي هيظبط لك العربية ان شاء الله

شكراً لأهتمامك ياباشا