رد: استفسااااار هام اريد مشورتكم تقسيط زيرو من كونتاكت كارز
 

والله انا اللى جربته كان موقع لقطة كارز بس هو بيعرضلى الاسعار عند المعارض المختلفة فى مصر وبيسيبنى انا اخل اختار واقرر وقدامى ارقام التليفونات كلها بتاعة كل المعارض بتواصل مع اللى انا عايزاه ولما بقولهم ان انا جاية من عليه بيعملولى خصم اضافى انا اشتريت منه عربيتين واحدة ليا واخويا كمان اشترى منه وبصراحة من المواقع المحترمة واللى لما حصل سوء تفاهم ولجأتلهم وقفوا معايا وحلولى كل شئ انا بنصحك تدخلى عليه وتشوفيه

رد: اى استفسار عن شركة كونتكت
 

استفسار بخصوص التقسيط من كونتكت كار ارجو الافادة
 

السلام عليكم
لو سمحتم انا عايز حد يفيدنى فى موضوع تقسيط السيارات من كونتكت انا عايز اجيب اسبيرانزا a113 و لقيت المقدم فى ابو الفتوح 17400 و قسط 1000 شهرى

دلوقتى عايز اعرف ايه اللى هحتاجه فوق المقدم انا سمعت فى مصاريف و تامين اجبارى و كدة ف انا دلوقتى عندى استفسارين

الاول المصاريف و الاجراءات بدون تامين هتتكلف حوالى كام

الثانى التامين الاجبارى ده على حسب ما سمعت هل هو فعلا لازم ؟
و لو لازم يا ترا هو كام فى السنة ؟ و بيبقى طول فترة التقسيط ولا لا ؟ و اول سنة كام و بعد كدة كام ولا هو ثابت ؟

لو سمحتو انا عايز حد يفيدنى بكل تفاصيل التقسيط و التامين الاجبارى ده لانى جاد جدا و محتاج السيارة فى اسرع وقت ممكن

سؤال اخير هل يمكن التقسيط بدون تامين ؟

ارجو الافادة و شكرا :)

رد: استفسار بخصوص التقسيط من كونتكت كار ارجو الافادة
 

حضرتك اختصار لكل الاستفسارت
اولا فى نظامين نظام بتامين ونظام بدون تامين
النظام ابو تامين
كل سنه حضرتك بتعمل بوليصه جديده واول سنه بتكون بنسبه 3.75% من ثمن العربيه وبتقل 20% كل سنه والمصاريف الاداريه 1.5% من الباقى من ثمن العربيه والترخيص وورق العربيه واكراميات والكلام ده كل حط بالكتير اوى اوى 1000 جنيه كمان
النظام بدون تامين
نفس اللى فات بالظبط لكن بدون بوليصه التامين يعنى بتوفر حقها لكن نسبه الفايده بتزيد شويه

للاستفسار اكتر ممكن حضرتك تكلمنى على الرقم الموجود فى التوقيع وان شاء الله هنلاقى نظام ممتاز لحضرتك وهات العربيه مكان حضرتك ماتحب

رد: اى استفسار عن شركة كونتكت
 

لو سمحت كنت عاوز استفسر عن حاجة في النظام الاسلامي لشركة كونتكت كار
هو ممكن اجيب ضامن بدل التوكيل

رد: اى استفسار عن شركة كونتكت
 

الناس اللي بتقول ان في شبهة في التقسيط عن طريق كونتكت كارز مش واصلها الصورة واضحة
انا هتكلم ببساطة عشان اوضح وجهة نظري الحيادية والله وماليش اي مصلحة في اللي هاقوله ولو وجهة نظري خطأ ياريت توضحولي
مبدئيا الشركة بيتعملها فاتورة بيع مبدئي ثم نهائي من البائع وبتكون السيارة ملك لشركة كونتكت حتى الانتهاء من سداد الاقساط
اما عن الكلام بخصوص انها لا تكون في حيازة الشركة فده من الواضح تصيد لاي حاجة وخلاص
كل الموضوع ان السيارة بتفضل في ستوك المعارض وذلك خوفا من تعرض السيارة لاي حوادث انما بيكون من حق العميل انه ياخدها بعد اتمام العقد وخروج اذن التسليم من المعرض وده طبعا بيتم بعد اخطار شركة كونتكت للمعرض اللي انت مشتري منه العربية
حتى الفاتورة المبدئية بتطلع باسم كونتكت وفيها رقم شاسيه السيارة والموتور واسم العميل وسعر العربية
وبخصوص الفايدة احب انوه ان كونتكت اقل من بنوك كتير
انا واخد اكثر من عربية من كونتكت والحمد لله مشفتش منهم اي حاجة وحشة والواحد مرتاح الضمير وفكرت اكثر من مرة وسألت كتيييييير قبل ما اقسط معاهم والله عكس البنوك اللي بتدفع الفلوس للبائع والعربية بتطلع باسم العميل والعميل عليه يسدد القرض يعني هي دي الشبهة بعينها وربنا يبعدنا عنها لأنها بتجيب الفقر والعياذ بالله وكلامي عن تجارب شخصية
وبعدين كونتكت تقسيط مباشر لانها عاملة عقود شراكة مع الشركات زي رينو وكيا مثلا يعني كلها مؤسسة واحدة منها في بعضها
وانا برشح لاي حد عايز يقسط يروح كونتكت ويسمع منهم بدون القراءة فقط
والله الموفق والمستعان ويوفق الجميع

رد: اى استفسار عن شركة كونتكت
 

السلام عليكم ورحمة الله وبركاته
أخي الكريم آسلام, للأسف.. التوكيل سياسة عامة وغير قابلة للتغيير أو الأستثناء.
ولا داعي للتخوف من التوكيل لأنه وسيلة لحفاظ حق الطرفين المعنين بالعقد في العين نفسها وفي هذه الحالة هي السيارة.. فلا يحق لك التغيير في حالة السيارة والتأكد من بقاء الحالة و قت المعاينة فقط لا غير وذلك حتى انقضاء الشرط او المبلغ المستحق من سيادتكم. وفي أعتقادي الشخصي والمتواضع هذا ضمان للحفاظ على السيارة لك أنت أيضاً.

لك تحياتي.
أضافة تصحيح: لا يتم أخذ مفتاح من العميل نهائياً إلا في حالات معينة ومعدودة واستثنائية للغاية, أذا كان وضع العميل حرج فبدلاً من رفض الحالة المعروضة علينا بيتم أخذ نسخة من المفتاح ويتم أخطار العميل بذلك قبل أي أجراء ومن حق العميل الرفض أو القبول.. كما أن قيمة الفوائد المذكورة بالأعلى غير صحيحة ومتفاوتة حسب مدة التقسيط وحسب الأنظمة المتاحة. وبما أننا مؤسسة مالية فنحن خاضعين للرقابة المالية والبنك المركزي ويتم تحديد قيمة الفائدة من خلالهم.
فبرجاء الرجوع للمصادر الصحيحة والأبتعاد عن المغلوطة.
أما بخصوص الجزء الخاص بالحلال والحرام فأننا نتاجر في السلعة نفسها وليس بالنقود بخلاف بعض المؤسسات الأخرى..
بمعني بيتم شراء السيارة من التوكيل أو الموزع ثم بيتم ببيهعا لك بالسعر الجديد بعد أضافة الفائدة كأنه سعرها
على سبيل المثال - السيارة ب110 و بعد الفوائد ب150
نص العقد هيكون ان فلان الفلاني اشترى سيارة كذا موديل كذا بثمن 150 الف جنيه .
والسيارة تكون بالفعل في حياذتنا وذلك بموجب عقد الشراكة بيننا وبين التوكيلات كما أوضح بعض السادة الزملاء.

وفي حالة الأستفسار عن أي شئ أخر برجاء الأتصال أو أرسال رسالة خاصة.
ولكم خالص التقدير.