مصر موتورز مجتمع السيارات - الحمد لله استلمت لانوس 2013 استفسار عن الريموت بتاع الانذار

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: الحمد لله استلمت لانوس 2013 استفسار عن الريموت بتاع الانذار

اقتباس:

المشاركة الأصلية كتبت بواسطة simsim1996 (المشاركة 767734)

ايوه تمام الكتالوج متكلمين على الزرار ده واننا لازم ندوس عليه بدبوس او مفك رفيع بس المشكله انى مش عارف الجهاز راكب فين قلبت عليه الدنيا قدام مالقيتش غير البوق بتاع السرينه بس
واتصلت بيهم مارضيوش يقولوا لى هو راكب فين وقالوا لى هات العربيه وتعالى شرفنا هانعملهولك فى 5 دقايق تقريبا شكوا فيا انى عايز اسرق العربيه

يا باشا لاء الى بدوس عليه بدبوس ده بيعمل ريستارت للجهاز لو هنج لكن الى انا بقول عليه ده زرار طالع من الجهاز بسلك وبدوس عليه بصباعك ذى اى زرار سوسته يارب تكون فهمتنى ولا تحب اصوره لك

رد: الحمد لله استلمت لانوس 2013 استفسار عن الريموت بتاع الانذار

على فكره موضوع جهاز الانذار ده اونطه لا امان ولا حاجه هقولكم اذاى لو انت حبيت تسوق عربيتك وانت ممعكش الريموت ينفع :fun_36_3_4[1]:
هتفتح الباب بالمفتاح عادى والعربيه هتزمر السرينه العبيطه بتاعه لعب الاطفال دى :w6w200504112246446a
فانت كل الى هتعمله هتحط المفتاح فى الكونتاكت وهتقوم عامل كام خطوه كده مع بعض وفى اجهزه بتحتاج تستخدم الزرار الى اتكلمت عليه قبل كده انا مش هينفع اشرحها علشان مكنش سبب فى سرقه عربيات بعدها السرينه هتسكت والكنتاكت هينور ودور وطير يا برنس :crazyW14:
وفى طريقه تانيه اسهل بكتيييييييييييييييييييييي ير وبتحتاج نص دقيقه فقط لابطال جهاز الانذار

رد: الحمد لله استلمت لانوس 2013 استفسار عن الريموت بتاع الانذار

اقتباس:

المشاركة الأصلية كتبت بواسطة بلاشانت (المشاركة 767965)

الطريقة الأولى مشروحة فى الكتالوج علشان لوضاع الريموت او باظ تعرف تشغل عربيتك بالمفتاح وتلغى الأنذار ... بس طبيعى محتاجة يكون معاك المفتاح.

أيه هى بقى الطريقة التانية اللى بتتعمل فى نص دقيقة دى ... قلنا على فكرتها يمكن نشوف حل ونفاديها بشكل ما .... عموماً كلامك مظبوط فى نقطة ان الانذار اساساً لعب عيال دلوقت واصلاً الناس اتعودت على صوته لانه بقى راكب على كل العربيات تقريباً وحتى الموتوسيكلات , يمكن أأمن طريقة مادية تقدر تعملها انك تشيل واحد من الفيوزات اللى فى علبة الفيوزات تحت الكبود خصوصاً بتاع طلمبة البنزين لانها مش هتدور ومحدش هيفهم ايه السبب والحل ساعتها انه يقطر العربية كلها.
على فكرة انا مركب الأنذار علشان استفيد بالريموت ووحدات الرفع ... لأنى كتيييير جداً بنزل وانسى الزجاج وبتبقى رخمة قوى انك ترجع تانى تفتح الكونتاكت وترفع الزجاج ... بالريموت دوسه واحدة والسيد وولف يرفع الزجاج ويسنتر البيبان ويبقى كله تمام التمام
الميزة التانية تشغيل الانتظار مع فتح اى باب من الابواب الاربعة
بالنسبالى هما دول الميزتين الوحيدتين لجهاز الوولف باشا :00db9337ef155724e76

رد: الحمد لله استلمت لانوس 2013 استفسار عن الريموت بتاع الانذار

اقتباس:

المشاركة الأصلية كتبت بواسطة asom_6 (المشاركة 768090)

انا مش عايز اقول الطريقه التانيه علشان مخدش وزرها وكمان الى ناسى الريموت كفايه عليه الطريقه الاولى انا مجربها قبل كده...

على فكره انا معاك فى موضوع الفيوز وكمان قفل الدركسيون مهم جدا لكن هنعمل ايه فى الكسل
بس انا عندى استفسار عن وحده الرفع وياريت اقدر اوصل الى انا عايز اقولو
فى ناس بتقول انها بتهلك مكن الزجاج الكلام ده صحيح الى انا فاهمه عن طريقه عمل وحده الرفع انها بتاخد امر من جهاز الانذار لرفع الزجاج المفتوح طيب بالنسبه للزجاج المقفول برضوا بيدخل كهربا للمكن لو صح يبقى فى كل مره بنقفل الزجاج بنحمل على مكن الزجاج المقفول انا مش عارف كلامى صح ولا لاء

رد: الحمد لله استلمت لانوس 2013 استفسار عن الريموت بتاع الانذار

اقتباس:

المشاركة الأصلية كتبت بواسطة بلاشانت (المشاركة 767962)

ربنا يكرمك ياباشا هاتعبك معايا وتصوره وتورينى شكله لانى مش عارف شكل جهاز الانذار ايه ولا راكب فين اصلا فى العربيه فلو شفت صورته ممكن ادور تانى والاقيه
المشكله انه صعب اروح بالعربيه للتوكيل فى جسر السويس لانى ساكن فى اكتوبر والمصنع بتاعهم فى اكتوبر اجازه جمعه وسبت زى حالاتى تمام وبيقفلوا كل يوم الساعه اربعه ونص وانا بارجع البيت 6