مصر موتورز مجتمع السيارات - رأيك في رفع الدعم عن البنزين.......موضوع للنقاش

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - رأيك في رفع الدعم عن البنزين.......موضوع للنقاش (https://www.masrmotors.com/vb/showthread.php?t=87300)

رد: رأيك في رفع الدعم عن البنزين.......موضوع للنقاش

طبعاً ضد رفع الدعم عن المحروقات لان رفع الدعم له أبعاد خطيرة فاذا زاد سعر البنزين زادت بالتالى جميع اسعار السلع الغذائية والاستهلاكية وخلافه لأن أى سلعة تباع يُحَمَل عيها سعر النقل وبالتالى ستصبح الأسعار فى كل شئ أسعار خيالية
فى النهاية انا مع وجود الدعم ولكن مع فرض قيود وقوانين صارمة لتقنينه وايصال الدعم لمستحقيه

رد: رأيك في رفع الدعم عن البنزين.......موضوع للنقاش

حسب ما قرات على موقع الاهرام ان دعم البنزين يمثل حوالى 8.5 % من دعم المحروقات وان اكبر نسبة دعم يستحوذ عليها السولار
ثانيا الكلام عن رفع دعم المحروقات كان على البنزين وكمان المصانع اللى بتاخد دعم لا تستحقه من الطاقه
الهدف من كل ذلك كما هو معروف تخفيف الضغط على الموازنة لأن الحكومة ببساطة مش لاقية فلوس فتقوم تشيل من الدعم شوية شوية
القرار لما اتخذ من جانب الحكومة اتخذ باخف الاضرار الممكنة من رفع الدعم عن المحروقات
يعنى مثلا لوتم رفع الدعم عن السولار هتكون هى دى الكارثة بجد لأنه معروف ان مصر قايمة على السولار( مواصلات ونقل ومخابز وسفن ومحطات كهرباء ومصانع ) ورفع سعر السولار معناه زيادة فى كل حاجة بتنتج عن اى حاجة بتستخدم السولار
نييجى بقى لرفع الدعم عن البنزين ,
مين اللى بيستخدم البنزين ؟؟؟
1 - السيارات الملاكى
2- التوكتوك
3- المتوسيكلات الصينى
4- فئة قليلة من التاكسى والميكروباص
طيب ايه اللى ممكن يحصل لو رفع سعر البنزين ؟؟
اول حاجة نسبئة لا بأس بها من اصحاب السيارات الملاكى هتبيع عربياتها وهذا يؤدى بدوره الى ضغط على المواصلات العامة والخاصة
الجماعة سواقى التوكتوك طبعا هيرفع البنديرة الى الضعف تقريبا وطبعا هذا يمثل مشكلة فى المناطق اللى التكتوك يمثل وسيلة المواصلات الرئيسية
بتوع التاكسى اللى لسه بيستعمل بنزين اما هيقلبها غاز لو العربية تنفع او يشترى عربية ممكن تعمل بالغاز الطبيعى
بتوع الميكروباص اللى بيستعمل بنزين هيقلبها سولار

طيب يعنى المشكلة محلولة بالنسبة للتاكسى والميكروباص , لكن لسه المشكلة قائمة للملاكى والتوكتوك
الحكومة فكرت فى ايه ؟؟؟
فكرت فى نظام الكوبونات واللى اتكلم عن اصحاب السيارات الملاكى ولم يتطرق الى التاكسى والموتوسيكلات الصينى اللى ثلاثة ارباعها غير مرخص
انا شايف ان 1444 لتر كوبون فى السنة كمية مناسبة لسيارة استهلاك محركها فى فى حدود 200ك/20لتر يعنى متوسط استهلاك 1200 كيلو فى الشهر

رد: رأيك في رفع الدعم عن البنزين.......موضوع للنقاش

اقتباس:

المشاركة الأصلية كتبت بواسطة miam0502788391 (المشاركة 682183)

دى سياسة واحد حرامى بيضع يده فى جيبك (الى هى الحكومة)طيب متوزع الدعم ده فلوس على الناس وتخلص وتنفذ سياسة الرقابة على الأسعار بشكل قوى وساعتها الدعم هيصل لمستحقيه ,مش يبقى تروح تصرف التموين وتلاقى امام المجمع الأ ستهلاكى كمية الأرز والسكر الملقاة فى الأرض تكفى محافظات لسوء التخزين والأدارة وانعدام الضمير وكمان بيجيبوا للشعب ارخص انواع المواد التموينية الى بيقولوا إنها مدعومة بمبالغ ُمبالغ فيها بلنسبة لسعرها الحقيقى ,وهل اصبحنا هم على الحكومة ولسان الشعب ادلدل علشان يأخذوا موقف فى استرداد الأموال المنهوبة والكشف عن الصناديق الخاصة بكل محافظة والتى بها مليارات الجنيهات, هما فالحين يبقوا مفتحين على الشعب الغلبان لكن الغاز الى بيشحتوا لأسرائيل مالناش فيه حق نسأل فين حقنا فى الى راح فى الأرض واتبخر فى السماء ,بقلهم كام شهر يقولوا ان الحكومة الأسبانية هتسلم حسين سالم ,طيب فين الحرامى بطرس غالى وفين الحرامى رشيد ,فين الفلوس الى هربت عن طريق البنك العربى الدولى الذى لارقابة عليه من البنك المركزى,السابقة التى ليس لها مثيل فى العالم ,منين جابت سوزان مبارك فى ليلة وضحاها 24 مليون جنيه علشان تخرج من محبسها ,فين فولسنا يااولاد ال!!!!!!!!!!!!!!!!!!!!!!! !!!!!!!!!!!!!!!!!!!!---الم تتفق معى حضرتك ان الجنزورى ومن سبقه والأسبق الله يحرقه الى الناس عايزها علشان يكمل على باقى مصر وكمان الى هيجوا بأسم الدين ويعملوا فيها ثوار مش تتفق معى ان جميعهم لايستحقوا ان يكونوا مصريين ----السلام ختام

رد: رأيك في رفع الدعم عن البنزين.......موضوع للنقاش

اقتباس:

المشاركة الأصلية كتبت بواسطة miam0502788391 (المشاركة 682183)

كلام معقول ... بس لو عاوزين يرفعوا الدعم .. يبقى يرفعوا معاه المرتبات .. انما احنا دلوقتي عايشين على الفتافيت اللي بيديها لنا رجال الاعمال ....ايا كان حجم المرتبات اللي بيتقاضاها الموظف في القطاع الخاص فهيا برده فتافيت ... هتيجي الحكومه كمان تاخد مننا شوية الفتافيت دول ؟

رد: رأيك في رفع الدعم عن البنزين.......موضوع للنقاش

:bb127bc6eab060e3e23:bb12 7bc6eab060e3e23طبعا الشعب هيلبس