مصر موتورز مجتمع السيارات - عيوب الشفرولية لانوس 2012

اقتباس:

المشاركة الأصلية كتبت بواسطة Hamasat (المشاركة 673850)

حضرتك بتقول ان عيب الاسلوب مع اني مش غلطت في حد وشوف بس حضرتك كلامك الاول والعيب دلوقتي مش بقى في اسلوبي أنا ... وكمان انا مش اقصدك ولا اقصد حد في كلامي انا بقول اللي عرفته وكل واحد حر في رأيه واللي شايف ان العربية تمام معاه يبقى ربنا يباركله فيها بس برضه انا عند كلامي وتاني مش بقصد حد بعينه ومش كل واحد معاه شفورليه لانوس ولقى حد قال ان ليها عيوب يزعل اوي كده ياجماعه ياريت يكون في حرية شويه سيادتك قولت انها تمام معاك خلاص ربنا يباركلك فيها ويكرمك !!!!

طيب بص يا فندم انا جبت لانوس 2012 من شهر 9 اللى فات ومش هاكدب على حضرتك وهاقولك مافيهاش عيوب لكن مميزتها فى رايى الشخصى واكرر الشخصى كويسة جدا بالنسبة للفئة السعرية دى لان انا لو كان معايا فلوس اكتر اكيد كنت اول حاجة هافكر فيها حاجة المانى او يابانى على الاقل لكن على اد لحافك مد رجليك يعنى طيب هانبدا بالمميزات :
1-عالية نسبيا على الارض
2-موفرة نسبيا فى البنزين
3-شكلها حلو وواسعة بالنسبة لى على الاقل
4-قطع غيار عند السباك ورخيصة جدا
5-فى رايى ناعمة فى السواقة طبعا مش زى الفيرنا لكنها افضل من اللوجان من خلال تجربتى للوجان يعنى
نجبى بقة للعيوب :
1-تقفيل مش كويس اوى وقطع محلية او على الاقل ليست بجودة عالية يعنى لك ان تخيل ان طرمبة البنزين باظت بعد 6 شهور مش عارف لية
2-فرامل مش اوى يعنى اخرك بالعربية دى كحال معظم الكورى 120 وماتحاولش تزود لكن فراكل اكيد افضل من الفيرنا معدومة الفرامل
3-ودى بقة المهمة اوى كمان هوة ان صاج عبارة عن ورق كلينكس بتهيالى معاد تدويرة يعنى لو انا كنت لسة شارى العربية ومارخصتش وجة عيل مدملك كدة حبتين قعد على الرفرف القدمانى طبقهولى شوية حتة يعنى منة دخلت لجوة طبعا الكرتية تتتفك وتترد على الايد من اغير بارد بس اهو يعنى انا بقول شوف لدرجة اية طبعا لو اى خبطة من الناس اللى طول ماهية ماشية تلوش سواء ميكروباص او تاكسى هاتزعلك جامد لان صاجها ورق اوى
4-عربية ببساطة مش واخدة حقها فى البوية لو خربشت براحة او حسست حتى على البوية بدافرك هاتقشر البوية او على الاقل هايبان مكانها فا طبعا فى مصر بالنسبة للعيال الصغيرة اللى محسسها نفسها انها من الفراعنة وطول ماهية ماشية ترسم وتلعب على عربيات الناس هايزعلوكى جامد لان اقل حكة بتبان فيها جامد لان فعلا البوية بتاعتها زفت